ព័ត៌មានអន្ដរជាតិ
លោក ពូទីន ចាត់វិធានការឆ្លើយតបទៅ ហ្វាំងឡង់ ចំពោះការចូលអង្គការណាតូ
តាមការអះអាងពីប្រធានាធិបតីរុស្ស៊ីលោក វ្ល៉ាឌីមៀរ ពូទីន, រុស្ស៊ីនឹងបង្កើតភូមិភាគយោធាថ្មីមួយ ដើម្បីពង្រឹងទីតាំងរបស់ខ្លួននៅជិតប្រទេសហ្វាំងឡង់ ដើម្បីឆ្លើយតបទៅនឹងការសម្រេចចិត្តចូលអង្គការណាតូរបស់ទីក្រុងហែលស៊ិនគី។
លោកពូទីន បានធ្វើការកត់សម្គាល់បែបនេះ ក្នុងបទសម្ភាសជាមួយអ្នកកាសែតរុស្ស៊ីឈ្មោះ Pavel Zarubin ដែលចាក់ផ្សាយកាលពីថ្ងៃអាទិត្យទី១៧ខែធ្នូ។ លោកបញ្ជាក់ថា អស់រយៈពេលជាច្រើនទសវត្សរ៍មកនេះ ទីក្រុង ហែលស៊ិនគី មិនដែលមានបញ្ហាណាមួយជាមួយទីក្រុងមូស្គូទេ ប៉ុន្តែឥឡូវនឹងមាន។
លោកបញ្ជាក់ថា “ពួកគេបានយក និងអូស ហ្វាំងឡង់ ចូលទៅក្នុងអង្គការណាតូ។ តើយើងមានជម្លោះជាមួយហ្វាំងឡង់ទេ? តាមពិតទៅជម្លោះទាំងអស់ រាប់បញ្ចូលទាំងធម្មជាតិនៃទឹកដីនៅពាក់កណ្តាលសតវត្សទី២០ផងដែរនោះ គឺត្រូវបានដោះស្រាយជាយូរណាស់មកហើយ។ រុស្ស៊ីពិតជាមិនមានជម្លោះទឹកដី ជាមួយរដ្ឋសមាជិកណាតូណាមួយឡើយ”។
ដើម្បីទប់ទល់នឹងការពង្រីកប្លុកដែលដឹកនាំដោយសហរដ្ឋអាមេរិក, រុស្ស៊ីគ្រោងបង្កើតភូមិភាគយោធា Leningrad ថ្មី។ តាមឈ្មោះនេះ កងកម្លាំងថ្មី នឹងដាក់ឈរជើងនៅតំបន់ Leningrad ភាគពាយ័ព្យប្រទេស។
លើសពីនេះ លោកពូទីនបន្ថែមថា មុនពេលហ្វាំងឡង់សម្រេចចិត្តចូលរួមជាមួយណាតូ, ប្រទេសទាំងពីរបានរីករាយនឹងទំនាក់ទំនងដ៏ស្និទ្ធស្នាលបំផុត។ បញ្ហាតូចតាចតែមួយគត់ ដែលទីក្រុងមូស្គូនិងហែលស៊ិនគីធ្លាប់មានគឺ ជម្លោះអាជីវកម្មជុំវិញឧស្សាហកម្មកែច្នៃឈើ។
សូមបញ្ជាក់ជាថ្មី ប្រទេសហ្វាំងឡង់ បានប្រកាសពីការសម្រេចចិត្តរបស់ខ្លួន ក្នុងការចូលរួមជាមួយអង្គការណាតូប៉ុន្មានខែបន្ទាប់ពីជម្លោះរវាងអ៊ុយក្រែននិងរុស្ស៊ី ផ្ទុះឡើងក្នុងខែកុម្ភៈ ឆ្នាំ២០២២ ហើយក្នុងខែមេសាឆ្នាំនេះ ប្រទេសនេះបានក្លាយជាសមាជិកពេញសិទ្ធិនៃប្លុកដែលដឹកនាំដោយសហរដ្ឋអាមេរិក។
កាលពីសប្តាហ៍មុន ទីក្រុង ហែលស៊ិនគី ថែមទាំងបានប្រកាសពីផែនការ ចុះហត្ថលេខាលើកិច្ចព្រមព្រៀងសហប្រតិបត្តិការការពារជាតិ (DCA) ជាមួយសហរដ្ឋអាមេរិកទៀតផង ដែលនឹងអនុញ្ញាតឲ្យទីក្រុងវ៉ាស៊ីនតោនឈរជើង ស្តុកទុកអាវុធ និងគ្រាប់រំសេវនៅក្នុងប្រទេស។ ក្រសួងការបរទេសហ្វាំងឡង់ និយាយថា ទីក្រុងហែលស៊ិនគី នឹងបើកតំបន់ចំនួន ១៥ទូទាំងប្រទេស ដែលក្នុងនោះ ទីក្រុងវ៉ាស៊ីនតោន នឹងត្រូវបានអនុញ្ញាតឲ្យចូល និងប្រើប្រាស់ដោយគ្មានការហាមឃាត់អ្វីទាំងអស់៕
ប្រែសម្រួល៖ Vann Vann
ប្រភព៖ RT
ចុចអាន៖ ទើបចូលណាតូ, ហ្វាំងឡង់ ស្រាប់តែបញ្ជូនទាហានបន្ថែមទៅព្រំដែនជាប់ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ