ព័ត៌មានអន្ដរជាតិ
IMF ព្រមានថា បន្តិចទៀត AI នឹងដណ្តើមការងារមនុស្ស ៤០% ទូទាំងសកលលោក
បច្ចេកវិទ្យាកាន់តែទំនើប មនុស្សកាន់តែមានហានិភ័យ ដោយនៅពេលនេះ បើយោងតាមការចុះផ្សាយរបស់ CNN, ប្រមុខមូលនិធិរូបិយវត្ថុអន្តរជាតិ (IMF) លោកស្រី Kristina Georgieva បានព្រមានច្បាស់ៗថា មិនយូរមិនឆាប់ AI នឹងដណ្តើមយកការងារមនុស្សប្រហែល៤០% ទូទាំងសកលលោក ដែលនេះបានបង្កជាក្តីបារម្ភដ៏ធំ សម្រាប់មនុស្សជាតិនាពេលបច្ចុប្បន្ន។
ស្របពេលជាមួយគ្នានោះដែរ លោកស្រីបានផ្តាំផ្ញើដល់អ្នកជំនាញនិងស្ថាប័នពាក់ព័ន្ធទាំងអស់ ត្រូវធ្វើយ៉ាងណា ទប់ស្កាត់ឥទ្ធិពលនេះឲ្យបាន។
តាមការអះអាងពីលោកស្រី, ប្រទេសសេដ្ឋកិច្ចឈានមុខ គឺជាប្រទេសមានហានិភ័យខ្លាំងជាងគេ ពោលគឺឡើងដល់៦០%ឯណោះ ព្រោះថាប្រទេសក្រីក្រគឺមិនសូវមានជំនាញ ឬហេដ្ឋារចនាសម្ព័ន្ធដើម្បីទាញយកអត្ថប្រយោជន៍ពេញលេញពីការធ្វើសមាហរណកម្ម AI ដូចប្រទេសអ្នកមានទេ។
យ៉ាងណាក្តី IMF ក៏ព្យាករដែរថា បច្ចេកវិទ្យានេះ នឹងប៉ះពាល់ដល់ការងារត្រឹមតែ ២៦% ប៉ុណ្ណោះនៅក្នុងប្រទេសដែលមានប្រាក់ចំណូលទាប។
រឿងសំខាន់បំផុតគឺថា AI មានអត្ថប្រយោជន៍ខ្លាំងនិងអាចជំនួសដៃជើងមនុស្សបាន នៅតាមស្ថាប័ននានា ហេតុដូច្នេះហើយ ទើបនេះត្រូវបានគេនិយាយថាជាហានិភ័យធំដល់ការកាត់បន្ថយតម្រូវការកម្លាំងពលកម្ម ប៉ះពាល់ដល់ប្រាក់ឈ្នួល និងទីបំផុតឈានដល់ការបាត់បង់ការងាររបស់មនុស្សតែម្តង។
កាលពីឆ្នាំ២០២៣ ក្រុមហ៊ុន Goldman Sachs ក៏បានចេញរបាយការណ៍ស្រដៀងគ្នានេះដែរ ដោយប៉ាន់ប្រមាណថា AI អាចជំនួសការងារពេញម៉ោង របស់មនុស្សជាង៣០០លាននាក់។
ការវិភាគរបស់ IMF កើតឡើង ចំពេលមេដឹកនាំធុរកិច្ចនិងនយោបាយពិភពលោក កំពុងជួបប្រជុំនៅវេទិកាសេដ្ឋកិច្ចពិភពលោកក្នុងទីក្រុង ដាវ៉ូស នៃប្រទេសស្វីស ហើយ AI ក៏ជាប្រធានបទដែលត្រូវលើកយកមកពិភាក្សាផងដែរ។
បច្ចេកវិទ្យានេះ បានក្លាយជាបញ្ហាដ៏ស្មុគស្មាននៅជុំវិញពិភពលោករួចទៅហើយ ដោយកាលពីខែមុន មន្ត្រីសហភាពអឺរ៉ុប បានឈានដល់កិច្ចព្រមព្រៀងបណ្ដោះអាសន្នមួយ លើច្បាប់ដំបូងបង្អស់ជាប្រវត្តិសាស្រ្ត ដើម្បីគ្រប់គ្រងការប្រើប្រាស់ AI។
ដោយឡែក កាលពីខែតុលា ប្រធានាធិបតីសហរដ្ឋអាមេរិកលោក ចូ បៃដិន បានចុះហត្ថលេខាលើបទបញ្ជាប្រតិបត្តិ ដែលតម្រូវឲ្យអ្នកអភិវឌ្ឍទាំងអស់ ត្រូវចែករំលែកលទ្ធផលសុវត្ថិភាពទាក់ទងនឹង AI ជាមួយរដ្ឋាភិបាលសហរដ្ឋអាមេរិក៕
អត្ថបទ៖ សុខ សុវណ្ណ
ចុចអាន៖ ទោះជាប់ពន្ធនាគារ តែអតីតនាយករដ្ឋមន្ត្រីប៉ាគីស្ថាន ប្រើសំឡេង AI ដើម្បីកៀរគរ អ្នកបោះឆ្នោត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង