ព័ត៌មានអន្ដរជាតិ

ប៉ាគីស្ថាន គំរាម អ៊ីរ៉ង់ អាចឈានដល់ស្ថានការណ៍ធ្ងន់ ក្រោយបាញ់មីស៊ីលចូលទឹកដីខ្លួន

បានផុស

២ years មុន

នៅ

ថ្ងៃពុធ ១៧ មករា ២០២៤

ដោយ

ប៉ាគីស្ថានបានប្រកាសឲ្យដឹងថា មានកុមារ ២ នាក់បានស្លាប់បាត់បង់ជីវិត និងមនុស្ស ៣ នាក់ទៀតរងរបួស ក្រោយពីមានមីស៊ីលបាញ់ចេញពីអ៊ីរ៉ង់ចូលមកទឹកដីខេត្ត Balochistan របស់ខ្លួនកាលពីថ្ងៃអង្គារ ១៦ មករា ម្សិលមិញនេះ។ នេះបើយោងតាមប្រភពព័ត៌មានអង់គ្លេស BBC ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានដដែល អ៊ីរ៉ង់បានប្រកាសថា ខ្លួនបានតម្រង់ត្រឹមតែគោលដៅដែលពាក់ព័ន្ធនឹងក្រុមយោធាបំបែកខ្លួន Jaish al-Adl ប៉ុណ្ណោះ ។ Jaish al-Adl គឺជាក្រុមយោធាបំបែកខ្លួនប្រឆាំងនឹងអ៊ឺរ៉ង់ បង្កើតឡើងនាឆ្នាំ២០១២ ដែលមានមូលដ្ឋាននៅខេត្ត Sistan-Baluchestan របស់អ៊ឺរ៉ង់ និងនៅក្នុងទឹកដីប៉ាគីស្ថាន។

យ៉ាងណាក្តី រដ្ឋាភិបាលប៉ាគីស្ថាន បានបដិសេធការប្រកាសនេះ ហើយហៅសកម្មភាពនេះថា ជារឿងខុសច្បាប់ ដែលអាចបង្កស្ថានការណ៍ទៅជាធ្ងន់ធ្ងរ។

គួររំឭកថា ប៉ាគីស្ថានជាប្រទេសទីបី បន្ទាប់ពីប្រទេសអ៊ីរ៉ាក់ និងស៊ីរី ដែលត្រូវមីស៊ីលអឺរ៉ង់បាញ់ចូលទឹកដីខ្លួនរយៈពេលប៉ុន្មានថ្ងៃចុងក្រោយនេះ ។ ការវាយប្រហារតាមមីស៊ីលរបស់អ៊ីរ៉ង់ទៅប៉ាគីស្ថាន គឺពុំធ្លាប់មានពីមុនឡើយក្នុងប្រវត្តិសាស្រ្តប៉ាគីស្ថាន។ ហើយការបាញ់ប្រហារមីស៊ីលតាមអាកាសនេះ បានកម្ទេចភូមិមួយ នៅភាគនិរតីនៃខេត្ត Balochistan របស់ប៉ាគីស្ថាន ដែលភ្ជាប់ព្រំដែននៃប្រទេសទាំងពីរ។

ជាចុងក្រោយ លោករដ្ឋមន្រ្តីការបរទេសប៉ាគីស្ថាន បានប្រកាសថ្កោលទោសក្នុងសេចក្តីថ្លែងការណ៍ ថាជាការបំពានដែនអាកាសប៉ាគីស្ថានពីសំណាក់អ៊ីរ៉ង់ ដែលបានសម្លាប់កុមារ ២ នាក់ និងក្មេងស្រី ៣ នាក់ ហើយព្រឹត្តិការណ៍នេះជារឿង មិនអាចទទួលយកបាន និងឈានដល់ស្ថានភាពធ្ងន់ធ្ងរ បើទោះប្រទេសទាំងពីរនៅមានទំនាក់ទំនងរួមគ្នាក្នុងវិស័យផ្សេងៗក៏ដោយ៕

អត្ថបទដោយ៖ មាន រតនា