ព័ត៌មានអន្ដរជាតិ
UN ព្រមានថា របបយោធាមីយ៉ាន់ម៉ានឹងទទួលរងផលវិបាកធ្ងន់ធ្ងរ
អង្គការសហប្រជាជាតិបានប្រាប់របបយោធាមីយ៉ាន់ម៉ាថា “សិទ្ធិនៃការប្រមូលផ្តុំដោយសន្តិវិធីត្រូវតែគោរពឲ្យបានពេញលេញ”។
នៅក្នុងការនិយាយទូរស័ព្ទ ប្រេសិតពិសេសរបស់ UN លោកស្រី Christine Schraner Burgener បានព្រមានថា “ការឆ្លើយតបដៃធ្ងន់ក្នុងទម្រង់ណាមួយ ទំនងជាមានផលវិបាកធ្ងន់ធ្ងរ”។
បណ្តាញអ៊ីនធើណិតនៅមីយ៉ាន់ម៉ាបានស្តារឡើងវិញនៅព្រឹកថ្ងៃអង្គារនេះ បន្ទាប់ពីត្រូវបានកាត់ផ្តាច់អស់រយៈពេលពីរយប់។
របបយោធាបានប្លុកបណ្តាញអ៊ីនធើណិតជាប្រចាំ ដើម្បីព្យាយាមរារាំងការប្រឆាំងចាប់តាំងពីរដ្ឋប្រហារថ្ងៃទី១ខែកុម្ភៈមក។
ការព្រមានរបស់លោកស្រី Schraner Burgener បានធ្វើឡើងក្នុងអំឡុងពេលនៃការនិយាយទូរស័ព្ទកាលពីថ្ងៃចន្ទជាមួយលោក Soe Win អនុប្រធានរបស់របបយោធា។
ប្រេសិតពិសេសរូបនេះបានសង្កត់ធ្ងន់ថា ការកាត់ផ្តាច់អ៊ីនធើណិតគឺជាការបំផ្លាញគោលការណ៍ប្រជាធិបតេយ្យស្នូល។
ក្រុមអ្នកតវ៉ាបានចេញក្រៅម្តងទៀតកាលពីព្រឹកថ្ងៃអង្គារ ដោយទីភ្នាក់ងារសារព័ត៌មានរ៉យទ័របានរាយការណ៍ថាមាន ការប្រមូលផ្តុំក្រុមតូចៗ។
ពួកគេបាននិងកំពុងលើកទឹកចិត្តដល់មន្រ្តីរដ្ឋការឲ្យចូលរួមក្នុងចលនាមិនស្តាប់បង្គាប់ស៊ីវិលនៅក្នុងទីក្រុង យ៉ាំងហ្គោន។
មុននេះ អាជ្ញាធរយោធាបានប្រកាសដាក់ទណ្ឌកម្មយ៉ាងតឹងរ៉ឹងចំពោះអ្នកដែលប្រឆាំងមេដឹកនាំរដ្ឋប្រហារ៕
ប្រែសម្រួលដោយ៖ Vann Vann
ប្រភព៖ BBC
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត