Connect with us

ព័ត៌មានអន្ដរជាតិ

ក្រុមហ៊ូធី ធ្វើសមយុទ្ធយោធា ត្រាប់ឲ្យដូចការវាយប្រហារលើបន្ទាយទ័ព អ៊ីស្រាអែល

បានផុស

នៅ

ក្រុមហ៊ូធីរបស់ប្រទេសយេម៉ែនបានចាប់ផ្ដើមធ្វើសមយុទ្ធយោធាទ្រង់ទ្រាយធំបំផុតមួយ ដោយធ្វើត្រាប់ឲ្យដូចទៅនឹងការវាយប្រហារទៅលើបន្ទាយទ័ពអ៊ីស្រាអែលដែលកំពុងផ្ទុះសង្គ្រាមបង្ហូរឈាមជាមួយក្រុមហាម៉ាសនៅក្នុងតំបន់ហ្គាហ្សា ។ នេះបើយោងតាមការចុះផ្សាយដោយសារព័ត៌មានរុស្ស៊ី Sputnik នៅថ្ងៃទី៥ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះ ទូរទស្សន៍ Al-Masirah បានរាយការណ៍ ដោយដកស្រង់សម្ដីអ្នកនាំពាក្យរបស់ក្រុមហ៊ូធីថា កម្លាំងបម្រុងរបស់ខ្លួនកំពុងធ្វើសមយុទ្ធដើម្បីច្បាំងដណ្ដើមយក និងការពារទៅដល់ទឹកដីប៉ាឡេស្ទីន ដោយក្នុងនោះមានទាំងការបាញ់មីស៊ីល យន្តហោះគ្មានមនុស្សបើក រថក្រោះ និងកាំភ្លើងធំ ប៉ុន្តែកាលបរិច្ឆេទ និងទីតាំងនៃសមយុទ្ធនេះមិនត្រូវបើកបង្ហាញឲ្យដឹងនោះទេ ។

សមយុទ្ធដែលមានឈ្មោះថា “យេម៉ែនគាំទ្រដល់ប៉ាឡេស្ទីន” បានចាប់ផ្តើមដោយការបាញ់បោះកាំភ្លើងធំ និងគ្រាប់រ៉ុកកែតទៅលើគោលដៅដែលក្លែងជាបន្ទាយទ័ពអ៊ីស្រាអែល បន្ទាប់មកគឺការវាយលុកដោយថ្មើរជើងលើគោលដៅ ក៏ដូចជាការតាំងទីលំនៅរបស់អ៊ីស្រាអែលទាំង ៣ ទិស រួមទាំងរបៀបគ្រប់គ្រង និងការចាប់យកអ្នកដែលនៅខាងក្នុងនោះផងដែរ ។

នៅក្នុងសមយុទ្ធនោះទៀតសោត ក្រុមហ៊ូធីថែមទាំងប្រកាសពីការបាញ់គ្រាប់រ៉ុកកែតចំៗទៅលើគោលដៅនៅក្នុងទីក្រុង Eilat ភាគខាងត្បូងប្រទេសអ៊ីស្រាអែល ហើយបន្ទាប់មកបានអះអាងពីការបាញ់ប្រហារទៅលើនាវាពាណិជ្ជកម្មរបស់ចក្រភពអង់គ្លេសនៅសមុទ្រក្រហម ដែលកំពុងធ្វើដំណើរទៅកាន់កំពង់ផែអ៊ីស្រាអែល ។

ពាក់ព័ន្ធនឹងបញ្ហានេះដែរ លោកឧត្តមសេនីយ Ali Al-Mushki អគ្គសេនាធិការរងនៃក្រសួងការពារជាតិរបស់ក្រុមហ៊ូធីបានបញ្ជាក់ បន្ទាប់ពីសមយុទ្ធនោះថា “ការត្រៀមខ្លួនដើម្បីគាំទ្រដល់តំបន់ហ្គាហ្សាស្ទ្រីប ដែលកំពុងរងទុក្ខសោក និងការបំផ្លិចបំផ្លាញ គឺជាកាតព្វកិច្ចខាងសាសនា និងសីលធម៌របស់យើង ដូច្នេះយើងត្រូវតែជួយដល់ក្រុមហាម៉ាស និងអ្នកដែលនៅតំបន់ហ្គាហ្សា” ។

ចាប់តាំងពីខែវិច្ឆិកា ឆ្នាំ២០២៣ មក ក្រុមហ៊ូធីបានបាញ់រះមីស៊ីលមិនបន្ថយដៃនោះឡើយទៅលើកប៉ាល់នៅសមុទ្រក្រហមដើម្បីជាការសងសឹកចំពោះការវាយលុកពីសំណាក់កម្លាំងទ័ពអ៊ីស្រាអែលនៅតំបន់ហ្គាហ្សាប្រឆាំងនឹងក្រុមហាម៉ាសដែលធ្វើឲ្យប៉ះពាល់ដល់ប្រជាជនប៉ាឡេស្ទីន ។

អ៊ីស្រាអែលបានបើកការវាយសន្ធាប់យ៉ាងមិនប្រណីដៃទាំងតាមផ្លូវអាកាស និងដីគោកលើតំបន់ហ្គាហ្សាស្ទ្រីបដើម្បីជាការសងសឹកចំពោះការវាយឆ្មក់របស់ក្រុមហាម៉ាសក្នុងព្រឹត្តិការណ៍ ៧ តុលា ២០២៣ ដោយក្នុងបានសម្លាប់ជនជាតិប៉ាឡេស្ទីនជាង ២៧,៣០០ នាក់ ដែលភាគច្រើនជាកុមារ និងស្ត្រី ហើយជាង ៦៦,៦០០ នាក់ផ្សេងទៀតរងរបួស ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាសដដែល ៕

ដោយ ៖ សុខ ជីវ័ន្ត

ចុចអាន ៖ អ៊ីស្រាអែល លើកទង់ជ័យជម្នះលើក្រុមហាម៉ាសក្នុងទីក្រុងមួយនៅហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ២ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៥ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៥ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៥ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម