ព័ត៌មានអន្ដរជាតិ
កាតា ថា ក្រុមហាម៉ាស ឆ្លើយតបវិជ្ជមានចំពោះសំណើបទឈប់បាញ់
កាតានិយាយថា ក្រុមហាម៉ាសបានផ្តល់ការឆ្លើយតបជាវិជ្ជមានចំពោះកិច្ចព្រមព្រៀងបទឈប់បាញ់ដែលបានស្នើឡើងជាមួយអ៊ីស្រាអែល ខណៈដែលក្រុមប៉ាឡេស្ទីនមួយនេះបានអះអាងឡើងវិញនូវការទាមទាររបស់ខ្លួនឲ្យអ៊ីស្រាអែលបញ្ចប់ការវាយលុកលើតំបន់ហ្គាហ្សា ។ នេះបើយោងតាមការចេញផ្សាយរបស់សារពត៌មាន Al Jazeera កាលពីថ្ងៃទី០៦ ខែ កុម្ភៈ ។
ក្នុងអំឡុងសន្និសីទសារព័ត៌មានកាលពីថ្ងៃអង្គារជាមួយរដ្ឋមន្ត្រីការបរទេសអាមេរិកលោក Antony Blinken នាយករដ្ឋមន្ត្រីកាតាលោក Sheikh Mohammed bin Abdulrahman bin Jassim Al Thani បានពណ៌នាពីប្រតិកម្មរបស់ក្រុមហាម៉ាសចំពោះសំណើបទឈប់បាញ់ថា មានភាពវិជ្ជាមាន តែមិនបានផ្តល់ព័ត៌មានលម្អិតបន្ថែមនោះទេ ។
ពាក់ព័ន្ធនឹងបញ្ហានេះដែរ ក្រុមហាម៉ាស់បាននិយាយនៅក្នុងសេចក្តីថ្លែងការណ៍មួយថា មេដឹកនាំរបស់ខ្លួនបានពិនិត្យឡើងវិញនូវ “កិច្ចព្រមព្រៀងបទឈប់បាញ់ដោយវិជ្ជមាន” រួមទាំងព័ត៌មានលម្អិតស្តីពីការធានាការផ្តល់ជំនួយ និងទីជម្រក ការស្ដាកម្លាំងឡើងវិញផងដែរ ។
កាតាបាននឹងកំពុងធ្វើការជាមួយសហរដ្ឋអាមេរិក និងអេហ្ស៊ីប ដើម្បីធ្វើជាអ្នកសម្រុះសម្រួល និងស្វែងរកបទឈប់បាញ់មួយដើម្បីបញ្ឈប់ការប្រយុទ្ធ និងការដោះលែងចំណាប់ខ្មាំងដែលកាន់កាប់ដោយក្រុមហាម៉ាស ។
ទោះយ៉ាងណា មានបញ្ហាប្រឈមមួយចំនួនដែលអ្នកសម្រុះសម្រួលនេះកំពុងតានតឹង គឺដោយសារតែព្រឹត្តិការណ៍នៅតំបន់ហ្គាហ្សាអាចនឹងប៉ះពាល់ដល់ដំណើរនៃការចរចានេះ ខណៈកិច្ចព្រមព្រៀងនេះបានស្នើឡើងកាលពីជាងមួយសប្តាហ៍មុនដោយប្រធានចារកម្មអាមេរិក និងអ៊ីស្រាអែល នៅក្នុងកិច្ចប្រជុំជាមួយមន្ត្រីអេហ្ស៊ីប និងកាតា ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២១ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់