ទិវានៃក្តីស្រឡាញ់ អ៊ុយក្រែន បាញ់កម្ទេចនាវាចម្បាំងរុស្ស៊ី ក្នុងសមុទ្រក្រហម

នៅថ្ងៃពុធទី១៤ខែកុម្ភៈចំទិវានៃក្តីស្រឡាញ់ អ៊ុយក្រែនអះអាងថា ខ្លួនបានបាញ់កម្ទេចនាវាចម្បាំងរុស្ស៊ីមួយគ្រឿងទៀតក្នុងសមុទ្រខ្មៅ។ នេះបើយោងតាមរបាយការណ៍របស់ទីភ្នាក់ងារសារព័ត៌មាន AFP។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ សកម្មភាពនេះគឺជាផ្នែកនៃប្រតិបត្តិការរួមរបស់ភ្នាក់ងារចារកម្មយោធាអ៊ុយក្រែន (GUR) ដោយប្រើយានគ្មានមនុស្សបើក MAGURA វាយប្រហារទៅលើនាវា Caesar Kunikov។

ទោះបីជាយ៉ាងណាក៏ដោយ រឿងនេះ មិនទាន់មានការអះអាងពីភាគីរុស្ស៊ីទេ។

សេចក្តីប្រកាសរបស់អ៊ុយក្រែន អំពីការបំផ្លាញនាវាចម្បាំងរុស្ស៊ី គឺកើតឡើងបន្ទាប់ពីទីក្រុងមូស្គូកាលពីចុងខែធ្នូឆ្នាំមុន បានទទួលស្គាល់ថា នាវាចម្បាំងរបស់ខ្លួនមួយគ្រឿង ត្រូវរងខូចខាត អំឡុងការវាយប្រហារតាមអាកាសដោយទីក្រុងកៀវ នៅកំពង់ផែសមុទ្រខ្មៅ។

ការវាយប្រហារនោះកើតឡើងនៅទីក្រុង Feodosiya ក្នុងឧបទ្វីបគ្រីមៀ នាព្រឹកព្រលឹមថ្ងៃទី២៦ខែធ្នូ ហើយក្រសួងការពារជាតិរុស្ស៊ីក៏បញ្ជាក់ដែរថា យន្តហោះអ៊ុយក្រែនបំពាក់ដោយមីស៊ីល បានតម្រង់គោលដៅលើនាវាចម្បាំង Novocherkassk។ តាមព័ត៌មានពេលនោះ មនុស្សម្នាក់ត្រូវបានសម្លាប់ និងពីរនាក់ផ្សេងទៀតរងរបួស។

សូមបញ្ជាក់ជាថ្មី នៅថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសក្នុងប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, នៅទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។

មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕

អត្ថបទ៖ សុខ សុវណ្ណ

ចុចអាន៖ នាវាចម្បាំងអាមេរិក រងការវាយប្រហារនៅ សមុទ្រក្រហម