ព័ត៌មានអន្ដរជាតិ
មេបក្សប្រឆាំងដ៏ធំរបស់រុស្ស៊ី បានទទួលមរណភាពនៅក្នុងពន្ធនាគារ
លោក Alexei Navalny មេបក្សប្រឆាំងរុស្ស៊ី និងជាអ្នកដែលហ៊ានរិះគន់យ៉ាងចាស់ដៃទៅលើលោក Vladimir Putin បានទទួលមរណភាពនៅក្នុងពន្ធនាគារ នៅថ្ងៃទី១៦ ខែកុម្ភៈ ។
![](https://www.kampucheathmey.com/wp-content/uploads/2024/02/7ab8720b88e00353fe968b1e4efe2b59a1f0ccad.jpg)
យោងតាមការផ្សាយរបស់ទីភ្នាក់ងារសារព័ត៌មាន AP នៅថ្ងៃទី១៦ នេះ ដោយបានសម្ភាសន៍ជាមួយសេវាពន្ធនាគារ បានឱ្យដឹងថា លោក Navalny បានបាត់បង់ស្មារតី ខណ:ដែលកំពុងដើរធម្មតា ។ ហើយភ្លាមៗនោះ ក្រុមគ្រូពេទ្យក៏បានមកដល់កន្លែងកើតហេតុក្នុងបន្ទប់ឃុំឃាំងរបស់គាត់ និងបញ្ជូនទៅសង្គ្រោះនៅមន្ទីរពេទ្យ ។
ប្រភពដដែលបានឱ្យដឹងទៀតថា ទោះបីជាមានវិធានការជួយសង្គ្រោះ ពីសំណាក់គ្រូពេទ្យយ៉ាងណាក៏ដោយ ក៏មិនអាចទទួលបានលទ្ធផលប្រសើរដែរ។ ហើយទាក់ទងនឹងមូលហេតុនៃការស្លាប់របស់ទណ្ឌិតរូបនេះ ក៏មិនទាន់បានបង្ហាញនៅឡើយ ។
ជាមួយគ្នានេះដែរ បើយោងតាមប្រព័ន្ធផ្សព្វផ្សាយរដ្ឋ បានរាយការណ៍ថា កន្លងមកមិនមានសេចក្ដីរាយការណ៍អំពីសុខភាពមិនប្រក្រតីរបស់លោក Navalny ឡើយ ។ ហើយទន្ទឹមគ្នានេះ លេខាធិការសារព័ត៌មានរបស់ Navalny លោក Kira Yarmysh បាននិយាយថា ក្រុមរបស់គាត់មិនទទួលបានដំណឹងអំពីការស្លាប់របស់ Navalny នោះទេ។
ដោយឡែកសម្រាប់ រដ្ឋាភិបាលលោកខាងលិច និងឥស្សរជនប្រឆាំងរុស្ស៊ីបាននិយាយនៅថ្ងៃសុក្រនេះថា វិមានក្រឹមឡាំង ជាអ្នកទទួលខុសត្រូវចំពោះការស្លាប់របស់បុរសវ័យ៤៧ឆ្នាំខាងលើ ។
សូមជម្រាបដែរថា លោក Alexei Navalny គឺជាមេដឹកនាំប្រឆាំងដ៏លេចធ្លោបំផុតរបស់រុស្ស៊ី ហើយចំពោះសកម្មភាពរិះគន់របស់គាត់ទៅកាន់លោក Vladimir Putin ថាកំពុងប្រព្រឹត្តអំពើពុករលួយនោះ ក៏ទទួលបានការគាំទ្រយ៉ាងខ្លាំងផងដែរពីសំណាក់ប្រទេសលោកខាងលិច ៕
ប្រែសម្រួលដោយ÷ ប៉ោ កុសល
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ