ព័ត៌មានអន្ដរជាតិ
អាមេរិក មិនពាក់មុខយក្សដាក់លោក Zelensky ឡើយ រឿងទីក្រុងប៉ែកខាងកើតធ្លាក់ក្នុងកណ្ដាប់ដៃ រុស្ស៊ី
សហរដ្ឋអាមេរិកកាលពីថ្ងៃពុធមិនបានពាក់មុខយក្ស ឬខឹងសម្បារដាក់ប្រទេសអ៊ុយក្រែននោះទេ ក្រោយពេលដែលលោកប្រធានាធិបតី Volodymyr Zelensky សម្រេចបញ្ជាឲ្យដកកម្លាំងទ័ពចេញពីទីក្រុង Avdiivka ដែលបច្ចុប្បន្នទីក្រុងយុទ្ធសាស្ត្រនៅភាគខាងកើតមួយនេះបានធ្លាក់ចូលទៅក្នុងកណ្ដាប់ដៃប្រទេសរុស្ស៊ីទៅហើយ ។ នេះបើយោងតាមសេចក្ដីប្រកាសព័ត៌មានរបស់គេហទំព័រសេតវិមាន whitehouse.gov កាលពីថ្ងៃទី២១ ខែកុម្ភៈកន្លងទៅ ។
![](https://www.kampucheathmey.com/wp-content/uploads/2024/02/John-Kerby-2-scaled.jpg)
អ្នកនាំពាក្យក្រុមប្រឹក្សាសន្តិសុខជាតិរបស់សេតវិមានលោក John Kirby បានថ្លែងនៅក្នុងសន្និសីទព័ត៌មានមួយថា ការដួលរលំទីក្រុង Avdiivka មិនមែនមានន័យថា រុស្ស៊ីពិតជាមានសមត្ថភាពទម្លុះខែលការពាររបស់កងទ័ពអ៊ុយក្រែននៅលើសមរភូមិនោះទេ ប៉ុន្តែនេះគឺជាការសម្រេចចិត្តដ៏ឈ្លាសវៃរបស់លោក Zelensky ទៅវិញទេ ។
លោក Kirby បានលើកឡើងថា នេះគឺជាការសម្រេចចិត្តដ៏អង់អាចរបស់លោក Zelensky ក្នុងការដកកងទ័ពចេញពីទីក្រុងភាគខាងកើតមួយនេះ ហើយនេះក៏ដោយសារតែប្រធានាធិបតីអ៊ុយក្រែនគិតគូរទៅដល់អាយុជីវិតកងទ័ព និងដើម្បីបញ្ចៀសការឡោមព័ទ្ធក្នុងតំបន់ដែលសំបូរទៅដោយធនធានដ៏មានតម្លៃមួយនេះ ។
ទោះយ៉ាងណា យោងតាមសេចក្ដីថ្លែងការណ៍របស់ទីភ្នាក់ងារព័ត៌មាន Reuters បានឲ្យដឹងថា ទីក្រុង Avdiivka នឹងមិនធ្លាក់ចូលក្នុងកណ្ដាប់ដៃរបស់កងកម្លាំងរុស្ស៊ីនោះឡើយ ប្រសិនបើសហរដ្ឋអាមេរិកផ្ដល់អាវុធឲ្យរដ្ឋាភិបាលទីក្រុងកៀវកាន់ពេញៗដៃដើម្បីតតាំងលើសមរភូមិមួយនេះ ។
![](https://www.kampucheathmey.com/wp-content/uploads/2024/02/Putin-and-Shoigu.png)
ស្របពេលជាមួយគ្នានេះ បន្ទាប់ពីលេបត្របាក់ទីក្រុងប៉ែកខាងកើតមួយនេះរួចហើយ លោកប្រធានាធិបតីរុស្ស៊ី វ្ល៉ាឌីមៀរ ពូទីន ក៏បានប្រកាសអបអរសារទរទៅដល់រដ្ឋមន្ត្រីការពារជាតិលោក Sergei Shoigu ហើយបានបញ្ជាឲ្យកងទ័ពរុស្ស៊ីរុលចូលទៅមុខបន្ថែមទៀតដើម្បីរៀបចំ ក៏ដូចជាស្ដារហេដ្ឋារចនាសម្ព័ន្ធដើម្បីប្រជាជន រៀបចំមន្ត្រីការងារ បំពាក់អាវុធ និងគ្រាប់រំសេវឲ្យបានពេញដៃផងដែរ ។
គួរបញ្ជាក់ថា រុស្ស៊ីប្រកាសគ្រប់គ្រងបានទាំងស្រង់ទៅលើទីក្រុង Avdiivka ដែលជាមជ្ឈមណ្ឌលប្រតិបត្តិការ និងដឹកជញ្ជូនដ៏សំខាន់នៅប៉ែកខាងកើតនៃតំបន់ Donetsk កាលពីថ្ងៃទី១៧ ខែកុម្ភៈកន្លងទៅ ហើយនេះគឺជាជោគជ័យត្រចះត្រចង់មួយទៀតសម្រាប់កងកម្លាំងរដ្ឋាភិបាលទីក្រុងមូស្គូ បន្ទាប់ពីលេបត្របាក់ទីក្រុង Bakhmut កាលពីខែវិច្ឆិកា ឆ្នាំ២០២៣ ខណៈជោគជ័យនេះក៏កើតមានឡើង មុនពេលភ្លើងសង្គ្រាមអូសបន្លាយពេល ២ ឆ្នាំ ៕
![](https://www.kampucheathmey.com/wp-content/uploads/2024/02/Avdiivka-scaled.jpg)
ដោយ ៖ សុខ ជីវ័ន្ត
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ