ព័ត៌មានអន្ដរជាតិ

Breaking News! នាយករដ្ឋមន្ត្រីប៉ាឡេស្ទីន ប្រកាសលាលែងតំណែង

បានផុស

១ year មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

តាមការចុះផ្សាយរបស់ Aljazeera នៅថ្ងៃចន្ទទី២៦ខែកុម្ភៈ, នាយករដ្ឋមន្ត្រីប៉ាឡេស្ទីនលោក Mohammad Shtayyeh និងរដ្ឋាភិបាលរបស់គាត់ បានប្រកាសលាលែងពីតំណែង ដោយសារតែអំពើហិង្សានៅតំបន់ West Bank កាន់តែរីកធំ និងសង្រ្គាមនៅហ្គាហ្សា មិនមើលឃើញសញ្ញានៃការថមថយទាល់តែសោះ។

នាយករដ្ឋមន្ត្រីប៉ាឡេស្ទីនលោក Mohammad Shtayyeh (រូបថត៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Shtayyeh ដែលដាក់ពាក្យសុំលាលែងពីតំណែងទៅកាន់លោកប្រធានាធិបតី Mahmoud Abbas បាននិយាយថា ការសម្រេចចិត្តនេះធ្វើឡើង ព្រោះតែជម្លោះនៅតំបន់ West Bank និង Jerusalem ក៏ដូចជាសង្រ្គាម ការប្រល័យពូជសាសន៍ និងភាពអត់ឃ្លាននៅហ្គាហ្សា បានឈានដល់កម្រិតមួយ ដែលមិនធ្លាប់មានពីមុនមក។

តាមការបញ្ជាក់ពីលោក Shtayyeh, “ខ្ញុំឃើញថា ដំណាក់កាលបន្ទាប់ និងបញ្ហាប្រឈមនៅចំពោះមុខ គឺទាមទារឲ្យមានការរៀបចំរដ្ឋាភិបាលនិងនយោបាយថ្មី ដែលគិតគូរពីការពិតថ្មីនៅក្នុងតំបន់ហ្គាហ្សា ព្រមទាំងតម្រូវការសម្រាប់ការឯកភាពគ្នារវាងប៉ាឡេស្ទីននិងប៉ាឡេស្ទីន ដោយផ្អែកលើការរួបរួមរបស់ប៉ាឡេស្ទីន និងការពង្រីកសិទ្ធិអំណាចលើទឹកដីប៉ាឡេស្ទីន”។

ទោះបីជាយ៉ាងណាក៏ដោយ ភ្លាមៗ មិនទាន់មានព័ត៌មានលម្អិតលើសនេះទេ ពាក់ព័ន្ធការលាលែងរបស់លោក Shtayyeh។

សូមបញ្ជាក់ថា លោក Shtayyeh បានឡើងកាន់អំណាចជានាយករដ្ឋមន្ត្រីប៉ាឡេស្ទីនចាប់តាំងពីឆ្នាំ២០១៩មកម្ល៉េះ ហើយអំឡុងពេលកាន់តំណែង លោកបានបន្តកិច្ចចរចាសន្តិភាពរវាងក្រុមហាម៉ាស ដែលគ្រប់គ្រងតំបន់ហ្គាហ្សា និងរដ្ឋាភិបាលកណ្តាលប៉ាឡេស្ទីននៅតំបន់ West Bank៕

អត្ថបទ៖ សុខ សុវណ្ណ

ចុចអាន៖ សិស្សសាលាប៉ាឡេស្ទីនជាង ៣ពាន់នាក់ស្លាប់នៅក្នុងការវាយប្រហាររបស់អ៊ីស្រាអែលនៅហ្គាហ្សា