កូនប្រុសអ្នកនយោបាយតៃវ៉ាន់ ចុះឃោសនាបោះឆ្នោតជាមួយឪពុក បែរក្លាយជាចំណាប់អារម្មណ៍

កាលពីថ្ងៃទី២៥ ខែកុម្ភៈឆ្នាំ២០២៤ យោងតាមប្រព័ន្ធផ្សព្វផ្សាយជាច្រើនបានចុះផ្សាយពីកូនប្រុសរបស់អ្នកនយោបាយតៃវ៉ាន់ Zheng Yunpeng ឈ្មោះ De De អាយុ ១៧ឆ្នាំ ក្លាយជាចំណាប់អារម្មណ៍លើបណ្ដាញអ៉ិនធើណេត ដោយសារតែរូបរាងសង្ហានិងមុខដូចតារាកូរ៉េ Cha Eun Woo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមឡើយ ក្មេងជំទង់រូបនេះទទួល​បាន​ការ​ចាប់​អារម្មណ៍​នៅ​ពេល​ដែល​គេត្រូវ​បាន​មនុស្សជាច្រើនឃើញដើរ​ជាមួយ​ឪពុក​ក្នុង​អំឡុង​ពេល​យុទ្ធនាការ​បោះឆ្នោត​។ រូបថតរបស់គាត់ត្រូវបានផ្សព្វផ្សាយយ៉ាងឆាប់រហ័ស ហើយថែមទាំងត្រូវបានគេហៅថា Cha Eun Woo របស់តៃវ៉ាន់ ដោយប្រព័ន្ធផ្សព្វផ្សាយកូរ៉េខាងត្បូងថែមទៀតផង។

បន្ទាប់ពីក្លាយមនុស្សល្បីព្រោះតែរូបរាងសង្ហាដូចតារាកូរ៉េ De De បានបន្តបង្កើតគណនី Instagram នៅថ្ងៃបុណ្យនៃក្តីស្រឡាញ់។ ទោះបីជាគាត់មានរូបថតតែពីរសន្លឹកនៅលើទំព័រផ្ទាល់ខ្លួនក៏ដោយ ប៉ុន្តែគាត់មានអ្នកតាមដានជាង 280K រួចហើយ ដែលជាភស្តុតាងដ៏រឹងមាំនៃប្រជាប្រិយភាពរបស់គាត់កាន់តែខ្លាំងក្លា។

យោងតាមលោក Yunpeng ជាឪពុកបាននិយាយថា គាត់មិនដែលរំពឹងថាកូនប្រុសនឹងមានភាពល្បីល្បាញនោះទេ។ គាត់គិតថាការយកកូនប្រុសដើរតាមពេលឃោសនាបោះឆ្នោត ដើម្បីពង្រឹងគេឲ្យមាំទាំក្នុងវិស័យនេះតែប៉ុណ្ណោះ។ ប៉ុន្តែយ៉ាងណាក៏ដោយ នៅពេលឃើញកូន​ប្រុសទទួលបានភាពប្រជាប្រិយភាព លោកកាន់តែសប្បាយចិត្តនិងរំពឹងខ្ពស់ក្នុងឆាកនយោបាយ។

យោងតាមរបាយការណ៍ពីតៃវ៉ាន់បានឲ្យដឹងថា De De បានទទួលការបណ្តុះបណ្តាលរាំពីភ្នាក់ងារបង្ហាញម៉ូដ ដែលមានមូលដ្ឋាននៅទីក្រុងតៃប៉ិ Catwalk Production House អស់រយៈពេលប្រាំមួយខែកន្លងមកនេះ។ នៅពេលត្រូវបានសួរថាតើ De De នឹងចាប់ផ្តើមអាជីពនៅក្នុង showbiz អ្នកតំណាងរបស់ Catwalk បាននិយាយថា “បច្ចុប្បន្នគាត់កំពុងផ្តោតលើការហ្វឹកហាត់ផ្ទាល់ខ្លួន។ គាត់​ជា​ក្មេង​ល្អ​ដែល​ចង់​ធ្វើ​អ្វី​បាន​ល្អ ហើយ​ការ​សិក្សា​ក៏​សំខាន់​សម្រាប់​គាត់​ដែរ។ ផែនការ​អនាគត​របស់​គាត់​គឺ​អាស្រ័យ​លើ​គាត់ និង​បំណង​ប្រាថ្នា​របស់​ឪពុក​ម្តាយគាត់តែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖តួ សាន់ឆាយ បើកទូលាយឲ្យកូនៗ ​ហៅដៃគូ​ថ្មី​របស់​អតីត​ស្វាមីថា​ ម្ដាយពេញៗមាត់