ព័ត៌មានអន្ដរជាតិ

លង់ស្នេហ៍រូបថតលើប្រូហ្វាល់ហ្វេសប៊ុក ចាញ់បោក៦ខែអស់លុយមិនចេះតិច

បានផុស

៤ years មុន

នៅ

ថ្ងៃសុក្រ ១៩ កុម្ភៈ ២០២១

ដោយ

បុរសចំណាស់ម្នាក់ព្រោះតែលង់ស្នេហ៍លើរូបថតតាំងក្នុងប្រូហ្វាល់ហ្វេសប៊ុកមានឈ្មោះថា វណ្ណា ដែលបានប្រើល្បិចយករូបតារាចម្រៀងល្បីរបស់កូរ៉េ Jennie Blackpink ធ្វើជារូបប្រូហ្វាល់អស់រយៈពេល៦ខែ ខាតអស់ប្រាក់ជាង7000បាត (ជាង200$)។

ករណីនេះ បានចេញផ្សាយដោយបណ្ដាញសារព័ត៌មានប្រទេសថៃកាលពីថ្ងៃទី១៨ ខែកុម្ភៈ ឆ្នាំ២០២១ ម្សិលមិញនេះ ដែលមានមនុស្សចុចចែករំលែកយ៉ាងច្រើនលើបណ្ដាញសង្គម ក្នុងករណីបុរសចំណាស់ម្នាក់ចាញ់បោករូបថត ហើយត្រូវបានគណនីហ្វេសប៊ុកមួយចេញមកផុសរៀបរាប់រឿងរ៉ាវនេះលើគណនីរបស់ខ្លួនថា “ចប់ហើយ អាណិតលោកអ៊ុំណាស់ ប្អូនស្រី Jennie Blackpink ប្ដូរឈ្មោះជា វណ្ណា ពីពេលណា? សំខាន់បញ្ជីធនាគារ បែរជាឈ្មោះឡាត់ដាវណ្ណា អ៊ូយ អស់សំណើច”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរ៉ាវស្នេហាបោកប្រាស់នេះ បានបែកធ្លាយនៅពេលសាមីខ្លួនខាងប្រុសបានចេញមកដាស់តឿនឲ្យមានការប្រុងប្រយ័ត្ន ដោយរៀបរាប់រឿងរ៉ាវរបស់ខ្លួនថា “ខ្លួនបានសេពគប់ជាមួយនារីម្នាក់តាមរយៈហ្វេសប៊ុកជាង៦ខែមកហើយ ដោយខាងស្រីបានប្រើប្រាស់រូបថតក្លែងក្លាយហើយប្រើឈ្មោះថា វណ្ណា បានបោកប្រាស់យកលុយខ្លួនអស់ ៧០០០ បាត (ជាង 200$) បន្ទាប់មកស្រាប់តែត្រូវប្លក់(Block) ហ្វេសប៊ុកលែងទំនាក់ទំនងបានតែម្ដង ។

ចុងក្រោយអ៊ុំប្រុសរូបនោះ បានផុសបន្ថែមទៀតថា ” តើមានអ្នកណាដឹងទេថារូបប្រូហ្វាល់ដែលនាងយកមកបោកខ្ញុំជាអ្នកណា ឈ្មោះអ្វី ខ្ញុំស្រលាញ់មនុស្សក្នុងរូបថតនេះពិតមែន ខ្ញុំចង់ទៅស្ដីដណ្ដឹងនាង ទោះអស់ប៉ុន្មានក៏ខ្ញុំយល់ព្រមដែរ”

សូមបញ្ជាក់ផងដែរថា Jennie គឺជាសមាជិកមួយរូបរបស់ក្រុមចម្រៀងល្បីរបស់កូរ៉េខាងត្បូង Blackpink ដែលភាពល្បីល្បាញរបស់ក្រុមនេះមានកម្រិតលំដាប់ពិភពលោក៕

ប្រភព៖ dailynews

កែសម្រួល ៖ សុខុម

Related Topics:ចាញ់បោកតាមហ្វេសប៊ុក