ព័ត៌មានអន្ដរជាតិ
ភ្ញៀវទេសចរជិត១០០នាក់បង្កភាពចលាចលខណៈអណ្ដាលភ្លើងឆេះផ្នែកម៉ាស៊ីនកប៉ាល់យ៉ាងសន្ធោសន្ធៅនៅកណ្ដាលសមុទ្រ
ភ្ញៀវទេសចរណ៍ជាច្រើនសញ្ជាតិដែលកំពុងស្ថិតនៅលើកប៉ាល់មួយគ្រឿងភ័យស្លន់ស្លោយ៉ាងខ្លាំងដោយសារកប៉ាល់មួយគ្រឿងនេះជួបឧបទ្ទវហេតុគឺមានអណ្ដាតភ្លើងឆាបឆេះយ៉ាងសន្ធោសន្ធៅនៅកណ្ដាលផ្ទៃទឹកសមុទ្រ។
យោងតាមការផ្សាយរបស់គេហទំព័រមួយចំនួនក្នុងប្រទេសថៃបានបញ្ជាក់ថា ហេតុការណ៍ដ៏រន្ធត់នេះបានកើតឡើងនៅវេលាម៉ោង៧និង៤០នាទីព្រឹកថ្ងៃទី៤ ខែមេសា ឆ្នាំ២០២៤ នៅកណ្ដាលផ្ទៃទឹកសមុទ្រខាងលិចឈៀងខាងត្បូងនៃកោះអណ្ដើក ស្ថិតក្នុងឃុំកោះអណ្ដើក ស្រុកផាង៉ាន់ ខេត្តសុរ៉ាតថានី ប្រទេសថៃ។
កប៉ាល់ដែលដឹកភ្ញៀវទេសចរណ៍ជិត១០០នាក់ និងមានរថយន្ត ម៉ូតូ រួមទាំងទំនិញផ្សេងៗផងនោះ មានឈ្មោះ (កប៉ាល់ចំរើន២) ដោយបានដឹកអ្នកដំណើរ និងភ្ញៀវទេសចរណ៍ទៅកំសាន្តនៅកោះអណ្ដើក លុះនៅចម្ងាយប្រមាណជា ៥ គីឡូម៉ែត្រទៀតទើបដល់កោះអណ្ដើក ក៏ស្រាប់តែមានអណ្ដាតភ្លើងបានឆាប់ឆេះចេញពីកន្លែងម៉ាស៊ីនកប៉ាល់ផ្នែកខាងក្រោម បង្កជាការជួលច្របល់ដល់ភ្ញៀវទេសចរណ៍ទាំងអស់ដើម្បីគេចពីអណ្ដាតភ្លើង និងផ្សែងដែលកំពុងហុយខ្លាំង។
ជាសំណាងល្អភ្លាមៗនោះដែរ កម្លាំងសមត្ថកិច្ចថៃរួមទាំងក្រុមគ្រូពេទ្យនៅលើកោះសាមុយ បានចេញប្រតិបត្តិការភ្លាមៗដើម្បីជម្លៀស និងជួយសង្គ្រោះភ្ញៀវទាំងអស់ដែលស្ថិតនៅលើកប៉ាល់ឲ្យរួចផុតពីសេចក្តីស្លាប់ ដោយគ្រាន់តែមានភ្ញៀវទេសចរណ៍មួយចំនួនមិនស្រួលខ្លួន ព្រោះខ្លះក៏មានផ្ទៃពោះឯខ្លះទៀតក៏មានកូនតូច ក្រោយពីទទួលរងនៅចំហាយភ្លើងនិងផ្សែង តែពុំមានគ្រោះថ្នាក់ដល់អាយុជីវិតឡើយ ៕
អត្ថបទ៖ សោ និយមរ័ត្ន
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល