ព័ត៌មានអន្ដរជាតិ
បន្ទាប់ពីអ៊ីស្រាអែល ពេលនេះលោក Biden ចេញមុខធានាការពារសម្ព័ន្ធមិត្តមួយទៀត នៅអាស៊ីអាគ្នេយ៍
តាមការចុះផ្សាយរបស់ BBC នៅថ្ងៃសុក្រទី១២ខែមេសា លោកប្រធានាធិបតី Joe Biden បានប្តេជ្ញាថា ជាការគាំទ្ររឹងដូចដែកថែប, សហរដ្ឋអាមេរិក នឹងការពារសម្ព័ន្ធមិត្តនៅអាស៊ីអាគ្នេយ៍គឺហ្វីលីពីន ពីការវាយប្រហារណាមួយនៅក្នុងសមុទ្រចិនខាងត្បូង។
ការអត្ថាធិប្បាយរបស់លោក Biden កើតឡើងចំពេលមានការប៉ះទង្គិចគ្នាជាប្រចាំ និងភាពតានតឹងហក់ឡើងខ្ពស់ រវាងនាវាឆ្មាំសមុទ្រចិនជាមួយហ្វីលីពីន ក្នុងផ្លូវទឹកដែលមានជម្លោះ។
ថ្លែងពេលចាប់ផ្តើមកិច្ចចរចាត្រីភាគីនៅសេតវិមានជាមួយនាយករដ្ឋមន្ត្រីជប៉ុន Fumio Kishida និងប្រធានាធិបតីហ្វីលីពីន Ferdinand Marcos Jr, លោក Biden និយាយថា “ការវាយប្រហារណាមួយលើយន្តហោះ នាវា ឬកងកម្លាំងប្រដាប់អាវុធហ្វីលីពីននៅសមុទ្រចិនខាងត្បូង នឹងនាំឲ្យមានគាស់កកាយយកសន្ធិសញ្ញាការពារគ្នាឆ្នាំ១៩៥១ មកប្រើប្រាស់មិនខានឡើយ”។
ដំណើរទស្សនកិច្ចរបស់លោក Marcos ទៅកាន់ទីក្រុងវ៉ាស៊ីនតោន កើតឡើងប៉ុន្មានថ្ងៃ បន្ទាប់ពីប្រទេសរបស់លោក ចោទប្រកាន់នាវាចិនថា ធ្វើសមយុទ្ធដ៏គ្រោះថ្នាក់ នៅជិតថ្មប៉ប្រះទឹក Second Thomas Shoal ដែលជាដែនទឹកមានជម្លោះក្បែរប្រជុំកោះ Spratly។
នោះគឺជាឧបទ្ទវហេតុមួយ ក្នុងចំណោមឧបទ្ទវហេតុជាច្រើន ដែលនាវាចិនត្រូវបានចោទប្រកាន់ថា យាយីនៅក្នុងតំបន់ រួមមានដូចជាការបាញ់ទឹក និងបើកបុកកប៉ាល់ហ្វីលីពីន ជាដើម។
សូមបញ្ជាក់ថា មួយថ្ងៃមុននេះ លោក ចូ បៃដិន ក៏បានអះអាងពីការប្តេជ្ញាចិត្តរឹងដូចដែកថែបរបស់អាមេរិក ដើម្បីការពារអ៊ីស្រាអែលផងដែរ ក្នុងករណីសម្ព័ន្ធមិត្តមួយនេះ ត្រូវវាយប្រហារដោយអ៊ីរ៉ង់ឬចលនាប្រដាប់អាវុធដែលទទួលបានការឧបត្ថម្ភពីរដ្ឋាភិបាលទីក្រុងតេហេរ៉ង់។
ក្នុងសន្និសីទកាសែតនៅខាងក្រៅជំនួបកំពូលជាមួយនាយករដ្ឋមន្ត្រីជប៉ុន Fumio Kishida នាទីក្រុងវ៉ាស៊ីនតោន, លោក បៃដិន អះអាងថា “ខ្ញុំបានបញ្ជាក់ទៅកាន់លោកនាយករដ្ឋមន្រ្តី Benjamin Netanyahu ថា សហរដ្ឋអាមេរិក នៅតែរក្សាការប្តេជ្ញាចិត្តរឹងដូចដែកថែប ចំពោះសន្តិសុខរបស់អ៊ីស្រាអែល ប្រឆាំងរាល់ការគំរាមកំហែងពីអ៊ីរ៉ង់ និងកងកម្លាំងដែលខ្លួនគាំទ្រ”។
ថ្មីៗនេះ អ៊ីរ៉ង់បានគំរាមមិនដាច់ពីមាត់សងសឹកអ៊ីស្រាអែល បន្ទាប់ពីការវាយឆ្មក់លើស្ថានកុងស៊ុលនៅទីក្រុងដាម៉ាស ដែលបានសម្លាប់សមាជិកឆ្មាំបដិវត្តន៍អ៊ីរ៉ង់ (IRGC) ចំនួន៧នាក់ រួមទាំងមេទ័ពកំពូលមួយរូបឈ្មោះ Mohammad Reza Zahedi ផងដែរ។
ទោះបីជាយ៉ាងណាក៏ដោយ អ៊ីស្រាអែល មិនទទួលស្គាល់ថា នេះជាទង្វើរបស់ខ្លួនឡើយ៕
អត្ថបទ៖ សុខ សុវណ្ណ
ចុចអាន៖ លោក ចូ បៃដិន ចេញមុខធានាការពារអ៊ីស្រាអែល បើអ៊ីរ៉ង់ ហ៊ានវាយប្រហារ
លោក ហេង សួរ ជួបពិភាក្សាការងារជាមួយអគ្គលេខាធិការនៃសេវាការងារ និងមុខរបរកូរ៉េដើម្បីបន្តលើកកម្ពស់ និងបង្កើនប្រសិទ្ធភាពវិស័យការងារ
ឆមាសទី១ឆ្នាំនេះ ប ស ស ចំណាយតាវកាលិកដល់សមាជិកជិត១ពាន់ពាន់លានរៀល
ផ្ទុះការប៉ុនប៉ងធ្វើរដ្ឋប្រហារនៅប្រទេស បូលីវី
ប្រកាសតែងតាំង អធិការ នៃអធិការដ្ឋាននគរបាលស្រុកកំពង់ត្រាច
អាជ្ញាធរខេត្តកំពត ឃាត់ខ្លួនអ្នកបើកគ្រឿងចក្រ៣នាក់ដែលលួចឈូសឆាយដីព្រៃសហគមន៍ភ្នំត្នោត
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
ក្រុមហ៊ុន ខេមបូឌា អ៊ែរផត ចុះកុងត្រា ១២ ឆ្នាំឱ្យក្រុមហ៊ុន គ្រប់គ្រងសេវាលក់រាយ មុនពេលព្រលានយន្តហោះអន្តរជាតិតេជោបើកដំណើរការ
កំហុស ៣ យ៉ាង តាមជំនឿហុងស៊ុយ មិនគួរធ្វើដាច់ខាតសម្រាប់ទ្វារផ្ទះ
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
មហាសេដ្ឋី Warren ថា ទ្រព្យនឹងបាត់បង់ តែវត្ថុ ៣ អាចធ្វើឲ្យមនុស្សមានតម្លៃក្នុងសម័យបច្ចុប្បន្ន
-
សេដ្ឋកិច្ច៦ ថ្ងៃ agoការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ agoអ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ agoក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ agoលោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ agoតើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ agoបុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ agoលោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក