ព័ត៌មានអន្ដរជាតិ

អណ្ដូងរ៉ែថ្មី២របស់វៀតណាម អាចទាញយកប្រេងឆៅបាន ១០០លានប៉ារ៉ែល

បានផុស

១០ នាទី មុន

នៅ

ថ្ងៃពុធ ៨ ឧសភា ២០២៤

ដោយ

ក្រុមហ៊ុនរដ្ឋវៀតណាម PetroVietnam (PVEP) បានប្រកាសពីការរកឃើញអណ្ដូងរ៉ែប្រេងថ្មីចំនួន២ ដែលមានសមត្ថភាពអាចទាញយកប្រេងឆៅមកប្រើប្រាស់បានចំនួន ១០០,៥លានប៉ារ៉ែល។ ការប្រកាសនេះ ធ្វើឡើងកាលពីថ្ងៃទី៧ ខែឧសភា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន PVEP បានប្រាប់ថា ការរកឃើញនេះ មានសារៈសំខាន់ណាស់សម្រាប់ឧស្សាហកម្មប្រេងនៅក្នុងប្រទេសវៀតណាម ដែលកំពុងពើបប្រទះបញ្ហាកង្វះខាតប្រេងឆៅ និងតម្រូវការប្រេងប្រើប្រាស់ក្នុងស្រុកច្រើនជាងមុន។

ទីតាំងទី១ រកឃើញនៅអណ្ដូងប្រេង R79 តំបន់ Rong Field ក្នុងប្លុក 09-1 នៃភាគអាគ្នេយ៍ប្រទេសវៀតណាម ជាមួយសមត្ថភាពទាញប្រេងឆៅបាន ៨៤លានប៉ារ៉ែល។ អណ្ដូងរ៉ែប្រេងនេះ ត្រូវបានដំណើរការដោយក្រុមហ៊ុនបណ្ដាក់ទុនរួមគ្នាវៀតណាម-រុស្ស៊ី ដែលមានឈ្មោះថា Vietsovpetro។

ការរកឃើញទី២ ស្ថិតនៅក្នុងអណ្ដូងប្រេង BA-1X ក្នុងប្លុក PM3 CAA ភាគខាងត្បូងវៀតណាម ហើយមានសមត្ថភាពទាញប្រេងឆៅបាន ៨៤លានប៉ារ៉ែល។ សង្វាក់ផលិតកម្មនៅអណ្ដូងប្រេង BA-1X បានចាប់ផ្ដើមតាំងពីថ្ងៃទី៥ ខែឧសភា ដោយក្នុង១ថ្ងៃរកប្រេងឆៅបាន ២ ១០០ប៉ារ៉ែល។

សូមបញ្ជាក់ថា ការផលិតប្រេងឆៅនៅវៀតណាម មានការធ្លាក់ចុះចំនួន ៣,៦% មកសល់ត្រឹម ២,៧៨លានម៉ែត្រតោនប៉ុណ្ណោះ ក្នុងរយៈពេល៤ខែ ដើមឆ្នាំ២០២៤៕

ដោយ៖ ឈាង