ព័ត៌មានអន្ដរជាតិ

រដ្ឋមន្ត្រីការពារជាតិ អាមេរិក លោក Lloyd Austin នឹងបំពេញទស្សនកិច្ចនៅ កម្ពុជា នាដើមខែក្រោយ

បានផុស

១០ ខែ មុន

នៅ

ថ្ងៃអាទិត្យ ២៦ ឧសភា ២០២៤

ដោយ

រដ្ឋមន្ត្រីក្រសួងការពារជាតិសហរដ្ឋអាមេរិក លោក Lloyd Austin នឹងអញ្ជើញធ្វើដំណើរទស្សនកិច្ចផ្លូវការមកកាន់ព្រះរាជាណាចក្រកម្ពុជានៅថ្ងៃទី៤ ខែមិថុនាខាងមុខ បន្ទាប់ពីបានចូលរួមកិច្ចសន្ទនា Shangri-La ក្នុងប្រទេសសិង្ហបុរីនាចុងខែនេះ ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP កាលពីថ្ងៃទី២៥ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីថ្លែងការណ៍របស់ក្រសួងការពារជាតិអាមេរិកបានឲ្យដឹងថា លោក Austin នឹងជួបជាមួយមន្ត្រីជាន់ខ្ពស់កម្ពុជានៅក្នុងដំណើរទស្សនកិច្ចលើកដំបូងរបស់លោក ចាប់តាំងពីចូលរួមកិច្ចប្រជុំរដ្ឋមន្ត្រីការពារជាតិក្នុងតំបន់អាស៊ីកាលពីខែវិច្ឆិកា ឆ្នាំ ២០២២ មក ។

ស្របពេលជាមួយគ្នានេះ ការអញ្ជើញមកដល់របស់លោក Austin ក៏នឹងក្លាយជាដំណើរទស្សនកិច្ចលើកដំបូងរបស់ប្រមុខការពារជាតិអាមេរិករូបនេះមកកាន់កម្ពុជាផងដែរ ចាប់តាំងពីសម្ដេចធិបតី ហ៊ុន ម៉ាណែត បានឡើងកាន់តំណែងជានាយករដ្ឋមន្ត្រីកាលពីឆ្នាំមុន ។

គួរបញ្ជាក់ថា ក្រោយចាកចេញពីព្រះរាជាណាចក្រកម្ពុជា លោក Austin នឹងអញ្ជើញទៅប្រទេសបារាំង ដើម្បីចូលរួមរំលឹកខួបលើកទី ៦០ នៃព្រឹត្តិការណ៍ D-Day ជាថ្ងៃរំឭកដល់មហាប្រតិបត្តិការពង្រាយទ័ពតាមផ្លូវសមុទ្រនៅតំបន់ Normandy ដែលឈានទៅដល់ការចុះចាញ់របស់ពួក Nazi អាល្លឺម៉ង់ និងនៅទីបំផុតឈានដល់ការបញ្ចប់សង្គ្រាមលោកលើកទីពីរ ៕