ព័ត៌មានអន្ដរជាតិ
អ្នកសារព័ត៌មាន អាមេរិក ថា លោក Biden ចង់បន្តសង្គ្រាមជាមួយ រុស្ស៊ី ដើម្បីទាញប្រជាប្រិយភាព មុនការបោះឆ្នោត
អ្នកសារព័ត៌មានអាមេរិកដ៏មានឈ្មោះបោះសំឡេងលោក Seymour Hersh បាននិយាយនៅក្នុងបទសម្ភាសន៍មួយជាមួយកម្មវិធី Davidekyo YouTube Channel កាលពីថ្ងៃអង្គារថា ប្រធានាធិបតីអាមេរិកលោក Joe Biden ប្រហែលជាចង់បន្តធ្វើសង្រ្គាមជាមួយរុស្ស៊ីដើម្បីទាក់ទាញប្រជាប្រិយភាព នៅមុនការបោះឆ្នោតប្រធានាធិបតីនាខែវិច្ឆិកាខាងមុខនេះ ។
![](https://www.kampucheathmey.com/wp-content/uploads/2024/05/Joe-Biden-50.jpg)
អ្នកសារព័ត៌មានរូបនេះយល់ឃើញថា “ខ្ញុំមិនដឹងថាហេតុអ្វីនោះទេ ប៉ុន្តែរឿងមួយដែលខ្ញុំអាចប្រាប់អ្នកអំពីរឿងនេះគឺលោកប្រធានាធិបតី Biden ស្រដៀងគ្នាទៅនឹងលោក Lincoln និង Roosevelt ដែលសុទ្ធសឹងតែជាមេដឹកនាំឈ្នះសង្រ្គាម ហើយក្លាយជាប្រធានាធិបតីដ៏ល្បីល្បាញ និងអស្ចារ្យជាទីបំផុត ។ ជាពិសេសប្រធានាធិបតីសម័យសង្រ្គាមតែងតែលេចមុខមាត់ជាងប្រធានាធិបតីដែលមិនស្ថិតក្នុងសម័យសង្រ្គាម” ។
ជាក់ស្ដែងកាលពីចុងខែមេសា លោក Biden បានកាន់ប៊ិចចុះហត្ថលេខាលើច្បាប់បន្តការផ្គត់ផ្គង់អាវុធទៅឲ្យអ៊ុយក្រែន អ៊ីស្រាអែល និងតៃវ៉ាន់ ខណៈកញ្ចប់ជំនួយនោះមានតម្លៃ ៩៥ ពាន់លានដុល្លារ ហើយក្នុងនោះគ្រាន់តែផ្ដល់ទៅឲ្យរដ្ឋាភិបាលទីក្រុងកៀវមានរហូតទៅដល់ ៦១ ពាន់លានដុល្លារទៅហើយ ។
![](https://www.kampucheathmey.com/wp-content/uploads/2024/05/Biden-and-Zelensky-8-scaled.jpg)
ទន្ទឹមនោះ យោងតាមសេចក្តីថ្លែងការណ៍ដែលចេញដោយរដ្ឋមន្ត្រីការបរទេសអាមេរិក លោក Antony Blinken បានឲ្យដឹងថា នេះគឺជាកញ្ចប់ជំនួយសន្តិសុខទី ៥ ហើយដែលលោក Biden ស៊ីញ៉េអនុម័ត ហើយរដ្ឋាភិបាលទីក្រុងវ៉ាស៊ីនតោននឹងជំរុញជំនួយថ្មីនេះឲ្យបានលឿនតាមដែលអាចធ្វើទៅបាន” ។
ពាក់ព័ន្ធនឹងបញ្ហានេះដែរ លោកប្រធានាធិបតីរុស្ស៊ី Vladimir Putin បានអះអាងម្ដងជាពីរម្ដងហើយថា រាល់ការដឹកអាវុធបន្ថែមទៀតក្នុងកម្រិតណាមួយក៏ដោយទៅកាន់អ៊ុយក្រែន គឺនឹងមិនអាចប្ដូរស្ថានការណ៍ប្រយុទ្ធនៅសមរភូមិជួរមុខនោះទេ ប៉ុន្តែវាគឺកាន់តែអូសបន្លាយពេលជម្លោះមួយនេះប៉ុណ្ណោះ ។
ចំណែកទាក់ទិននឹងការបោះឆ្នោតស្ទង់មតិរវាងលោក Joe Biden និងលោក Donald Trump វិញ យោងតាមសារព័ត៌មាន NBC ដែលបានចេញផ្សាយកាលពីខែកុម្ភៈកន្លងទៅបានបង្ហាញថា លោក Trump បាននាំមុខសំឡេងភាគច្រើនលើលោក Biden ហើយ ៧៦ ភាគរយនៃអ្នកបោះឆ្នោតអាមេរិក រួមទាំងជាងពាក់កណ្តាលនៃអ្នកប្រជាធិបតេយ្យ បានសម្ដែងក្ដីព្រួយបារម្ភអំពីបញ្ហាសុខភាពរបស់លោក Biden ៕
![](https://www.kampucheathmey.com/wp-content/uploads/2024/05/Trump-and-Biden-4.jpg)
ដោយ ៖ សុខ ជីវ័ន្ត
ចុចអាន ៖ លោក Zelensky អំពាវនាវដល់ អាមេរិក និងចិន ជួយរកសុខសន្តិភាពឲ្យ អ៊ុយក្រែន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ