Connect with us

ព័ត៌មានអន្ដរជាតិ

លោក ថាក់ស៊ីន ស្នើលើកពេលបទចោទប្រកាន់ប្រមាថព្រះមហាក្សត្រ ដោយសារតែឆ្លងកូវីដ

បានផុស

នៅ

អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា បានស្នើសុំទៅកាន់ការិយាល័យអគ្គព្រះរាជអាជ្ញាឲ្យពន្យារពេលសវនាការលើសេចក្ដីសម្រេចពាក់ព័ន្ធបទចោទប្រកាន់ប្រមាថព្រះមហាក្សត្រដែលគ្រោងធ្វើឡើងនៅថ្ងៃទី២៩ ខែឧសភានេះ ដោយសារតែលោកបានឆ្លងជំងឺកូវីដ ១៩ ។ នេះបើយោងតាមការចេញផ្សាយដោយសារព័ត៌មាន The Nation កាលពីថ្ងៃទី២៨ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកប្រភពព័ត៌មានពីមេធាវីរបស់លោក ថាក់ស៊ីន បានបង្ហើបប្រាប់ថា ការិយាល័យអគ្គព្រះរាជអាជ្ញាបានទទួលយកការស្នើសុំនេះរួចហើយកាលពីល្ងាចថ្ងៃទី២៨ ខែឧសភា ប៉ុន្តែនៅមិនទាន់បញ្ជាក់ពេលវេលាជាផ្លូវការចំពោះការពន្យារពេលសវនាការមួយនេះនៅឡើយទេ ដោយរង់ចាំមើលពីបញ្ហាសុខភាពរបស់អតីតនាយករដ្ឋមន្ត្រីវ័យ ៧៤ ឆ្នាំរូបនេះជាមុនសិន ។

ក្នុងបទសម្ភាសន៍ជាមួយប្រព័ន្ធផ្សព្វផ្សាយថៃកាលពីថ្ងៃទី២៥ ខែឧសភាកន្លងទៅ លោក ថាក់ស៊ីន បានលើកឡើងថា ប្រសិនបើមិនមានអ្វីប្រែប្រួលទេនោះ លោកមានបំណងចូលរួមសវនាការនៅការិយាល័យអគ្គព្រះរាជអាជ្ញាដែលគ្រោងនឹងធ្វើឡើងនៅថ្ងៃទី២៩ ខែឧសភានេះ ដោយសារតែអគ្គព្រះរាជអាជ្ញាបានពន្យារពេលសេចក្ដីសម្រេចចោទប្រកាន់អតីតនាយករដ្ឋមន្ត្រីរូបនេះម្ដងរួចមកហើយកាលពីថ្ងៃទី១០ ខែមេសា ។

គួររំឭកឡើងវិញថា ការចោទប្រកាន់ពីបទប្រមាថព្រះមហាក្សត្ររបស់លោក ថាក់ស៊ីន មានប្រភពចេញពីបទសម្ភាសន៍មួយដែលលោកបានផ្តល់ទៅឲ្យកាសែតកូរ៉េខាងត្បូង Chosun Ilbo កាលពីឆ្នាំ ២០១៥ ដែលនៅពេលនោះអតីតនាយករដ្ឋមន្ត្រីវ័យ ៧៤ ឆ្នាំរូបនេះបានចោទប្រកាន់ក្រុមប្រឹក្សាឯកជនថាបានគាំទ្ររដ្ឋប្រហារទម្លាក់រដ្ឋាភិបាលរបស់លោកស្រី យីងឡាក់ ស៊ីណាវ៉ាត់ត្រា ដែលជាប្អូនស្រីរបស់លោកកាលពីថ្ងៃទី២២ ខែឧសភា ឆ្នាំ ២០១៤ ។

បន្ទាប់ពីរស់នៅនិរទេសខ្លួនអស់រយៈពេល ១៥ ឆ្នាំ លោក ថាក់ស៊ីន បានវិលត្រឡប់ចូលស្រុកវិញកាលពីថ្ងៃទី២២ ខែសីហា ឆ្នាំ២០២៣  ខណៈនៅថ្ងៃដដែលនោះ តុលាការកំពូលថៃក៏បានកាត់ទោសអតីតនាយករដ្ឋមន្ត្រីរូបនេះឲ្យជាប់ពន្ធនាគាររយៈពេល ៨ ឆ្នាំក្នុងសំណុំរឿងក្ដីក្ដាំចំនួន ៣ ករណី ប៉ុន្តែត្រូវបានព្រះមហាក្សត្រសម្រេចព្រះទ័យលើកលែងទោសមកនៅត្រឹម ១ ឆ្នាំវិញ ហើយក៏បន្តអនុវត្តតាមទោសទណ្ឌ រហូតឈានដល់ការដោះលែងឲ្យមានសេរីភាព ។

លោក ថាក់ស៊ីន ត្រូវបានដោះលែងឲ្យមានសេរីភាពកាលពីថ្ងៃទី១៨ ខែកុម្ភៈ បន្ទាប់ពីអនុវត្តទោសទណ្ឌបានរយៈពេល ៦ ខែ ដោយសារតែស្ថានភាពរបស់លោកស៊ីទៅនឹងលក្ខខណ្ឌនៃការលើកលែងទោសដូចជា លោកស្ថិតក្នុងចំណោមទណ្ឌិត ៩៣០ ដែលចាត់ទុកជាមនុស្សចាស់ និងមានជំងឺ ឬមានអាយុលើស ៧០ ឆ្នាំ បូករួមទាំងស្នាដៃបម្រើប្រទេសជាតិនៅពេលកន្លងមកផងដែរ ៕

ដោយ ៖ សុខ ជីវ័ន្ត

ចុចអាន ៖ ថៃ ត្រៀមខ្លួន ក្លាយជាប្រទេសអាស៊ីអាគ្នេយ៍ដំបូងគេ ចូលសមាជិក BRICS

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៧ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៣ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម