Connect with us

ព័ត៌មានអន្ដរជាតិ

ប្រទេសសមាជិកណាតូជឿថា លោក Trump ពិតជាអាចពន្លត់ភ្លើងសង្គ្រាម​នៅ អ៊ុយក្រែន ក្នុងពេល ២៤ ម៉ោង

បានផុស

នៅ

“លោក Donald Trump ដែលជាបេក្ខភាពដ៏មានសក្កានុពលមកពីគណបក្សសាធារណរដ្ឋ និងសហភាពអឺរ៉ុប (EU) ប្រាកដជាអាចពន្លត់ភ្លើងសង្គ្រាមនៅអ៊ុយក្រែនបានក្នុងរយៈពេល ២៤ ម៉ោង” ។ នេះជាការលើកឡើងរបស់លោកនាយករដ្ឋមន្ត្រីហុងគ្រី Viktor Orban និងចុះផ្សាយដោយទីភ្នាក់រងារព័ត៌មាន TASS កាលពីថ្ងៃទី៤ ខែមិថុនាកន្លងទៅ ។

លោកនាយករដ្ឋមន្ត្រីហុងគ្រី Viktor Orban

លោក Orban បាននិយាយថា “ប្រសិនបើលោក Trump និង EU ពិតជាចង់ពន្លត់ភ្លើងសង្គ្រាមនៅអ៊ុយក្រែនមែននោះ គឺអាចធ្វើវាបានត្រឹមតែក្នុងរយៈពេល ២៤ ម៉ោងប៉ុណ្ណោះ ។ ខ្ញុំគិតថា ប្រសិនបើលោក Trump ឈ្នះឆ្នោតក្លាយជាប្រធានាធិបតី គាត់នឹងអាចសម្រេចបានបទឈប់បាញ់នៅអ៊ុយក្រែនត្រឹមក្នុងមួយថ្ងៃ ហើយបន្ទាប់មកនឹងមានការចាប់ផ្ដើមកិច្ចចរចាតែម្ដង” ។

លោកនាយករដ្ឋមន្ត្រីវ័យ ៦១ រូបនេះបានប្រាប់កាសែតអ៊ីតាលី Il Giornale ថា EU នឹងរៀបចំការបោះឆ្នោតនៅថ្ងៃទី៨ ដល់ថ្ងៃទី៩ ខែមិថុនាខាងមុខ ដូច្នេះយើងសង្ឃឹមថា ការបោះឆ្នោតនាពេលនេះនឹងជួយពាំនាំជោគជ័យណាមួយសម្រាប់ជម្លោះនៅអ៊ុយក្រែន ដោយសារតែពលរដ្ឋរបស់យើងចង់បានសុខសន្តិភាព មិនមែនជាសង្គ្រាម ក៏ដូចជាល្បែងនយោបាយរបស់មហាអំណាចនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតណាស់ វោហារសាស្ត្ររបស់លោក Orban នៅពេលនេះ គឺមិនខុសពីអ្វីដែលលោក Trump ធ្លាប់លើកឡើងពីមុនមកនោះទេ ។ កាលពីឆ្នាំមុន អតីតប្រធានាធិបតីទី ៤៥ របស់អាមេរិករូបនេះបានអួតអាងថា លោកនឹងចរចាបញ្ចប់ភ្នក់ភ្លើងសង្គ្រាមរវាងរុស្ស៊ី និងអ៊ុយក្រែនដោយប្រើពេលត្រឹមតែ ២៤ ម៉ោងប៉ុណ្ណោះ ជាពិសេសជម្លោះមួយនេះនឹងមិនលេចរូបរាងឡើយ ប្រសិនបើលោកឈ្នះការបោះឆ្នោតកាលពីឆ្នាំ ២០២០ កន្លងទៅ ។

ចំណែកសម្រាប់ការបោះឆ្នោតប្រធានាធិបតីអាមេរិកនាខែវិច្ឆិកាខាងមុខនេះ លោក Trump ក៏មានផែនការយុទ្ធសាស្ត្រដោះស្រាយចំពោះជម្លោះនៅអ៊ុយក្រែនដោយសន្តិវិធីផងដែរ ។ អតីតប្រធានាធិបតីវ័យ ៧៨ ឆ្នាំរូបនេះបានលើកឡើងកាលពីដើមខែឧសភាថា លោកមានសារដ៏សាមញ្ញមួយ ប៉ុន្តែមានខ្លឹមសារគ្រប់គ្រាន់ដែលនឹងឈានដល់ការពន្លត់ភ្លើងសង្គ្រាមមួយនេះ ។

គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេល ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ខណៈបច្ចុប្បន្នលោកប្រធានាធិបតី Volodymyr Zelensky នៅតែបន្តដើរសុំជំនួយ ក៏ដូចជាសព្វាវុធ និងកែនទាហានជាបន្តបន្ទាប់ពីសម្ព័ន្ធមិត្តសំខាន់ៗដូចជា អឺរ៉ុប និងអាមេរិកជាដើម ។

ទោះបីជាមិនមានព័ត៌មានច្បាស់លាស់អំពីចំនួនអ្នកស្លាប់ និងរបួសក៏ដោយ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឲ្យដឹងថា ជនស៊ីវិលអ៊ុយក្រែនជាង ១០,០០០ នាក់ត្រូវបានសម្លាប់ ខណៈយោងតាមរបាយការណ៍របស់កាសែត New York Times វិញបានអះអាងថា រហូតមកដល់ពេលនេះទាំងទាហានអ៊ុយក្រែន និងរុស្ស៊ីសរុបចូលគ្នាគឺមានជាង ៥ លាននាក់បានស្លាប់បាត់បង់ជីវិត ៕

ដោយ ៖ សុខ ជីវ័ន្ត

ចុចអាន ៖ លោក Biden បញ្ជាក់ជាថ្មីថា អាមេរិក នឹងប្រើកម្លាំងយោធាពាំង តៃវ៉ាន់ បើ ចិន ហ៊ានលុកលុយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ៩ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ៣១ នាទី មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

សន្តិសុខសង្គម៨ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ៤ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

Sokha Hotels

ព័ត៌មានពេញនិយម