កូវីដ នៅថៃ ឆ្លងខ្លាំងឈានដល់កម្រិតព្រួយបារម្ភ ខណៈមានអ្នកស្លាប់ រាល់ថ្ងៃ

សារព័ត៌មាន Bangkok Post បានរាយការណ៍នៅថ្ងៃអង្គារទី១១ខែមិថុនាថា ករណីឆ្លងជំងឺកូវីដ១៩នៅប្រទេសថៃ កំពុងហក់ឡើងក្នុងកម្រិតគួរឲ្យព្រួយបារម្ភ ហើយអ្វីដែលជាកង្វល់គឺថា មានអ្នកជំងឺស្លាប់ជារៀងរាល់ថ្ងៃ។

តាមទិន្នន័យពីមជ្ឈមណ្ឌលព័ត៌មានជំងឺកូវីដ១៩ ក្រោមនាយកដ្ឋានទំនាក់ទំនងសាធារណៈ, ករណីជំងឺកូវីដកាលពីសប្តាហ៍មុន បានហក់ឡើងដល់៩០០ករណី ហើយមួយថ្ងៃមានអ្នកស្លាប់ម្នាក់។

តាមទិន្នន័យ, ក្នុងរយៈពេលមួយសប្តាហ៍គិតចាប់ពីថ្ងៃទី២ដល់៨ខែមិថុនា មានអ្នកជំងឺកូវីដ​ចំនួន ១ ៧៦២នាក់ បានចូលសម្រាកក្នុងមន្ទីរពេទ្យ ពោលជាមធ្យម មួយថ្ងៃមានអ្នកឆ្លង ៣៩៥ករណី។ 

បើធៀបនឹងថ្ងៃទី២៦ខែឧសភាដល់ថ្ងៃទី១ខែមិថុនា, តួលេខនេះមានការកើនឡើង ៤៨.៣% ពោលគឺមានអ្នកជំងឺចូលពេទ្យ ១ ៨៦៣នាក់ ស្មើនឹង ២៦៦នាក់ក្នុងមួយថ្ងៃ។

បើគិតចាប់តាំងពីខែមករាដើមឆ្នាំនេះមក មានអ្នកជំងឺរហូតដល់ទៅ ២៣ ២៤៥នាក់ ត្រូវបញ្ជូនចូលមន្ទីរពេទ្យ ព្យាបាលជំងឺកូវីដ១៩ ហើយសរុបមកទល់ពេលនេះ មានមនុស្សស្លាប់ ១៣៧នាក់ហើយ៕

អត្ថបទ៖ សុខ សុវណ្ណ

ចុចអាន៖ លេចចេញកូវីដបំប្លែងខ្លួនប្រភេទថ្មីមួយទៀត កំពុងអុកឡុកនៅថៃ បង្កក្តីបារម្ភខ្លាំង