ព័ត៌មានអន្ដរជាតិ
ឯកអគ្គរដ្ឋទូតមីយ៉ាន់ម៉ាប្រចាំ UN ប្តេជ្ញាបន្តប្រយុទ្ធ ក្រោយត្រូវកងទ័ពបណ្តេញចេញពីតំណែងដោយសារនិយាយប្រឆាំងរដ្ឋប្រហារ
កាលពីថ្ងៃសៅរ៍ទី ២៧ ខែកុម្ភៈ ប្រេសិតអង្គការសហប្រជាជាតិរបស់មីយ៉ាន់ម៉ានៅទីក្រុងញូវយ៉ក បានប្តេជ្ញាបន្តការប្រយុទ្ធ បន្ទាប់ពីកងទ័ពបានបណ្តេញលោកចេញពីតំណែង។

ទូរទស្សន៍រដ្ឋមីយ៉ាន់ម៉ាបានប្រកាសអំពីការដកតំណែងនេះ ដោយនិយាយថា លោកក្បត់ប្រទេសនិងនិយាយជាមួយអង្គការក្រៅផ្លូវការមួយ ដែលមិនតំណាងឲ្យប្រទេស ហើយបានរំលោភអំណាច និងការទទួលខុសត្រូវរបស់ឯកអគ្គរដ្ឋទូត។
នៅក្នុងសុន្ទរកថាមួយ លោក Kyaw Moe Tun បាននិយាយថា គ្មាននរណាម្នាក់គួរតែសហការណ៍ជាមួយយោធាទេ រហូតដល់ពួកគេប្រគល់អំណាចទៅឲ្យរដ្ឋាភិបាលដែលបានជាប់ឆ្នោតតាមបែបប្រជាធិបតេយ្យវិញ។

ថ្លែងក្នុងមហាសន្និបាតអង្គការសហប្រជាជាតិកាលពីថ្ងៃសុក្រ លោក Kyaw Moe Tun បានទទូចដល់សហគមន៍អន្តរជាតិ ឲ្យប្រើមធ្យោបាយណាដែលចាំបាច់ដើម្បីចាត់វិធានការប្រឆាំងនឹងយោធា ដើម្បីជួយស្តារលទ្ធិប្រជាធិបតេយ្យឡើងវិញ។ លោកនិយាយថា ខ្លួនតំណាងឲ្យរដ្ឋាភិបាលដែលត្រូវបានបណ្តេញចេញពីតំណែងរបស់លោកស្រី ស៊ូជី។
លោកមានប្រសាសន៍ថា “យើងត្រូវការសកម្មភាពខ្លាំងក្លាបំផុតបន្ថែមទៀតពីសហគមន៍អន្តរជាតិដើម្បីបញ្ចប់ការធ្វើរដ្ឋប្រហារយោធា បញ្ឈប់ការគាបសង្កត់លើប្រជាជនស្លូតត្រង់ ប្រគល់អំណាចរដ្ឋជូនប្រជាជននិងស្តារលទ្ធិប្រជាធិបតេយ្យឡើងវិញ”។

សុន្ទរកថានេះបានទទួលការទះដៃអបអរសាទរយ៉ាងកងរំពង ហើយលោកស្រី Linda Thomas-Greenfield ដែលជាប្រេសិតថ្មីរបស់សហរដ្ឋអាមេរិកប្រចាំនៅស្ថាប័ននេះ គឺស្ថិតក្នុងចំណោមអ្នកដែលសរសើរសុន្ទរកថារបស់លោកថា “ក្លាហាន”។
ដោយបង្ហាញការជំទាស់បន្ថែមទៀត លោក Kyaw Moe Tun បានលើកម្រាមដៃបី ដែលជាកាយវិការប្រឆាំងនឹងច្បាប់ផ្តាច់ការ៕
ប្រែសម្រួល៖ សន្យា
ប្រភព៖ CNA
ចុចអាន៖ លោកស្រី ស៊ូជី ត្រូវកងទ័ពនាំទៅឆ្ងាយ ពេលនេះកំពុងបាត់ខ្លួន
ចុចអាន៖ អត្ថាធិប្បាយ ៖ សម្លឹងស៊ីជម្រៅ វិបត្តិពិភពលោក និង ភាពតានតឹងរវាងចិន-អាមេរិក

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ