Connect with us

ព័ត៌មានអន្ដរជាតិ

អាមេរិក ដកផែជំនួយនៅហ្គាហ្សា ហើយប្រហែលមិនដាក់វិញទេ

បានផុស

នៅ

ផែដែលសង់ដោយយោធាអាមេរិកដើម្បីនាំយកជំនួយទៅកាន់តំបន់ហ្គាហ្សា ត្រូវបានដកចេញហើយដោយសារតែបញ្ហាអាកាសធាតុ ខណៈទីក្រុងវ៉ាស៊ីនតោនពិចារណាមិនដំឡើងវាឡើងវិញទេ លុះត្រាតែជំនួយចាប់ផ្តើមចូលដល់ប្រជាជនម្តងទៀត។ ​នេះបើយោងតាមការចេញផ្សាយរបស់ទីភ្នាក់ងារពត៌មាន AP នៅថ្ងៃទី ២៩ ខែ​ មិថុនា​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផែនេះប្រើដើម្បីចែកចាយអាហារទៅកាន់តំបន់ដែលរងផលប៉ះពាល់ ប៉ុន្តែបច្ចុប្បន្នទីភ្នាក់ងារជំនួយមានការលំបាកក្នុងការបញ្ជូនស្បៀងអាហារចូលទៅតំបន់ហ្គាហ្សា ដោយសារតែក្បួនរថយន្តមនុស្សធម៌ ត្រូវរងការវាយប្រហារ ខណៈអង្គការសហប្រជាជាតិ មិនបានចែកចាយស្បៀងអាហារ និងការផ្គត់ផ្គង់សង្គ្រោះបន្ទាន់ផ្សេងទៀតតាមកំពង់ផែនេះ ចាប់តាំងពីថ្ងៃទី ៩ ខែមិថុនាមកម្ល៉េះ។

ការផ្អាកនេះកើតឡើង បន្ទាប់ពីយោធាអ៊ីស្រាអែលប្រើប្រាស់តំបន់ក្បែរកំពង់ផែ ដើម្បីបើកប្រតិបត្តិការតាមរកចំណាប់ខ្មាំងជាហេតុជំរុញឲ្យមានការត្រួតពិនិត្យសន្តិសុខរបស់អង្គការសហប្រជាជាតិ លើបញ្ហាសុវត្ថិភាព និងអព្យាក្រឹតភាពរបស់បុគ្គលិកជំនួយ។

គួរបញ្ជាក់ថា ផែនេះត្រូវបានគេប្រើប្រាស់ដើម្បីផ្ដល់ជំនួយអាហារជាង៨.៦ លានគីឡូក្រាមទៅកាន់ហ្គាហ្សា ប៉ុន្តែត្រូវបានរារាំងមិនត្រឹមតែដោយសារការផ្អាកជំនួយប៉ុណ្ណោះទេ រួមទាំងអាកាសធាតុមិនអំណោយផលផងដែរ។ សមុទ្រ ក៏ធ្លាប់ធ្វើឲ្យកំពង់ផែនេះខ្ទេចផង ពោលគឺត្រឹមតែប៉ុន្មានថ្ងៃប៉ុណ្ណោះក្នុងប្រតិបត្តិការដំបូងរបស់វា ដោយបង្ខំឱ្យយោធាដកវាចេញជាបណ្តោះអាសន្ន ដើម្បីជួសជុលនិងដំឡើងឡើងវិញ។ មិនត្រឹមប៉ុណ្ណឹង កាលពី​ថ្ងៃ​សុក្រ​សប្ដាហ៍មុនក៏មានបញ្ហាម្ដងទៀតដែលបាន​បង្ខំ​ឱ្យ​យោធា​ដក​វា​ចេញ​ជាលើកទី២ ហើយ​យក​វា​ទៅ​កាន់​កំពង់ផែ​អ៊ីស្រាអែល​នៅ Ashdod វិញ។

ស្របពេលជាមួយគ្នានោះ មន្ត្រីអាមេរិកជាច្រើននាក់ ដែលនិយាយក្នុងលក្ខខណ្ឌមិនបញ្ចេញឈ្មោះ បានអះអាងថា យោធាអាចដំឡើងផែឡើងវិញ នៅពេលបញ្ហាអាកាសធាតុបាត់ទៅប៉ុន្មានថ្ងៃខាងមុខនេះ ប៉ុន្តែការសម្រេចចិត្តចុងក្រោយមិនទាន់ធ្វើឡើងនៅឡើយទេ។

គួរបញ្ជាក់ថា ប្រជាជនប៉ាឡេស្ទីនកំពុងប្រឈមមុខនឹងភាពអត់ឃ្លានយ៉ាងធ្ងន់ធ្ងរ ដោយសារតែការប្រយុទ្ធគ្នាក្នុងសង្គ្រាមអ៊ីស្រាអែល-ហាម៉ាស់ជិតប្រាំបួនខែ ការរឹតបន្តឹងអ៊ីស្រាអែលលើច្រកព្រំដែននិងការវាយប្រហារលើក្បួនជំនួយអាហារ ថ្នាំពេទ្យ និងការផ្គត់ផ្គង់ផ្សេងៗទៀត៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ ម៉ោង មុន

ត្រី​តុកកែ​មានតម្លៃ​ថ្លៃ​តាម​ហាង​ចិន កំពុង​បង្កាត់​ពូជ​នៅ​មជ្ឈមណ្ឌល​វារីវប្បកម្ម​នៅ​ខេត្ត​ព្រះសីហនុ

ព័ត៌មានអន្ដរជាតិ១៩ ម៉ោង មុន

ប៉ូលិសថៃ រកឃើញតម្រុយ ពាក់ព័ន្ធការស្លាប់មនុស្ស៦នាក់ ក្នុងបន្ទប់សណ្ឋាគារផ្កាយ៥

ព័ត៌មានជាតិ១៧ ម៉ោង មុន

ភ្លៀងធ្លាក់ជាប់ៗ គ្នា បណ្ដាលឲ្យស្រុកចំនួន ០៣ រងផលប៉ះពាល់ពីជំនន់ទឹកភ្លៀង

ព័ត៌មានជាតិ១៤ ម៉ោង មុន

UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត

ព័ត៌មានអន្ដរជាតិ១៧ ម៉ោង មុន

ភ្លៀងធ្លាក់ខ្លាំងឆក់យក​ជីវិត​មនុស្ស​៤០នាក់ របួស​រាប់រយនាក់​ និង​បំផ្លាញផ្ទះសម្បែង រួមទាំងកាត់ផ្ដាច់ចរន្តអគ្គិសនី

Sokha Hotels

ព័ត៌មានពេញនិយម