ព័ត៌មានអន្ដរជាតិ
ជម្លោះមជ្ឈិមបូព៌ាថយឥទ្ធិពល ក្រោយអាមេរិកចេញមុខចរចាផ្ទាល់ជាមួយអ៊ីរ៉ង់និងអ៊ីស្រាអែល
ជម្លោះពាក្យសម្តីស្ទើរផ្ទុះសង្គ្រាមនៅទូទាំងតំបន់មជ្ឈិមបូព៌ាបានបន្ថយកម្តៅបន្តិច បន្ទាប់ពីរដ្ឋមន្ត្រីការបរទេសសហរដ្ឋអាមេរិកបាននិយាយថា សហរដ្ឋអាមេរិកបានទាក់ទងដោយផ្ទាល់ទៅកាន់ប្រទេសអ៊ីរ៉ង់ និងអ៊ីស្រាអែលដែលជាគូសត្រូវធំផុតក្នុងតំបន់។
ក្រោយឃាតកម្មលើមេដឹកនាំការិយាល័យនយោបាយក្រុមសកម្មប្រយុទ្ធហាម៉ាស លោក Ismail Haniyeh កាលថ្ងៃទី៣១ខែកក្កដា ស្ថានភាពសង្រ្គាមនៅមជ្ឈិមបូព៌ាស្ទើរតែផ្ទុះទៅហើយ រហូតដល់រដ្ឋមន្ត្រីការបរទេសសហរដ្ឋអាមេរិក លោក Antony Blinken បានប្រាប់រដ្ឋមន្ត្រីក្រុមប្រទេសអភិវឌ្ឍន៍ឧស្សាហកម្មហៅកាត់ G7 ថា អ៊ីរ៉ង់និងក្រុមសកម្មប្រយុទ្ធគាំទ្រដោយអ៊ីរ៉ង់នឹងវាយប្រហារអ៊ីស្រាអែលក្នុងរង្វង់២៤ម៉ោងទៅ៤៨ម៉ោង។
ប៉ុន្តែផុតរយៈពេលដែលប្រមុខការទូតសហរដ្ឋអាមេរិកបានព្រមាន ស្ថានភាពនៅមជ្ឈិមបូព៌ាហាក់ប្រែក្លាយទៅជាស្ងប់ស្ងាត់បន្តិចវិញ ហើយប្រមុខក្រសួងការបរទេសសហរដ្ឋអាមេរិកដដែលបានព្រលយថា ខ្លួនបានប្រឹងប្រែងទំនាក់ទំនងផ្ទាល់ទៅកាន់ភាគីជម្លោះដើម្បីកុំឱ្យបង្កើនភាពតានតឹងនាំទៅរកសង្គ្រាម។
ក្នុងសន្និសីទមួយនៅរដ្ឋម៉ារីឡែនដ៍ (Maryland) ក្រោយជំនួបទ្វេភាគីជាមួយសមភាគីអូស្រ្តាលីលើបញ្ហាសន្តិសុខនៅឥណ្ឌូប៉ាស៊ីហ្វិក រដ្ឋមន្ត្រីការបរទេសអាមេរិក លោក Antony Blinken បាននិយាយថា៖«គ្មាននរណាម្នាក់គួរបង្កើន» ជម្លោះនៅមជ្ឈិមបូព៌ា ហើយទីក្រុងវ៉ាស៊ីនតោនបានទំនាក់ទំនងសារនោះដោយផ្ទាល់ទៅកាន់អ៊ីរ៉ង់ និងអ៊ីស្រាអែល។
ដោយទើបអះអាងពីការវាយប្រហាររបស់ប្រទេសអ៊ីរ៉ង់ដែលអាម៉ាស់មុខដោយសារការស្លាប់របស់មេដឹកនាំហាម៉ាសក្នុងប្រទេសអ៊ីរ៉ង់នោះ លោក Blinken បានលើកឡើងថា៖«គ្មាននរណាម្នាក់គួរតែបង្កើនជម្លោះនេះទេ។ យើងបានចូលរួមក្នុងការទូតដ៏ខ្លាំងក្លាជាមួយសម្ព័ន្ធមិត្ត និងដៃគូ ដោយបានទំនាក់ទំនងសារនោះដោយផ្ទាល់ទៅកាន់អ៊ីរ៉ង់។ យើងក៏បានទាក់ទងសារនោះដោយផ្ទាល់ទៅកាន់អ៊ីស្រាអែល»។
ទីភ្នាក់ងារព័ត៌មាន Anadolu របស់តួកគី បានផ្សាយថា លោក Blinken បានបញ្ជាក់សារជាថ្មីនូវការប្តេជ្ញាចិត្ត «រឹងដូចដែក (ironclad) របស់សហរដ្ឋអាមេរិកចំពោះសន្តិសុខរបស់អ៊ីស្រាអែល ដោយបន្ថែមថា ខ្លួននឹងបន្តការពារអ៊ីស្រាអែល និងកងទ័ពរបស់ខ្លួនប្រឆាំងនឹងការវាយប្រហារ។
តាមការចុះផ្សាយដដែល លោក Blinken ត្រូវបានស្រង់សម្តីដូចនិយាយថា៖«ប៉ុន្តែអ្នកគ្រប់គ្នានៅក្នុងតំបន់គួរតែយល់ថា ការវាយប្រហារបន្ថែមទៀតគ្រាន់តែបន្តកើតមានជម្លោះប៉ុណ្ណោះ» ដោយបន្ថែមថា នេះអាចនាំឱ្យមាន «លទ្ធផលដ៏គ្រោះថ្នាក់ដែលគ្មាននរណាម្នាក់អាចទស្សន៍ទាយបាន ហើយគ្មាននរណាម្នាក់អាចគ្រប់គ្រងបានពេញលេញនោះទេ»។
ខណៈសង្គ្រាមកំពុងបន្តនៅតំបន់ហ្គាហ្សាប៉ាឡេស្ទីនជាទីដែលជានស៊ីវិលជិត៤ម៉ឺននាក់ត្រូវបានសម្លាប់ និងអ្នករងរបស់រាប់ម៉ឺននាក់ ហើយប្រជាជនប៉ាឡេស្ទីនជាង១លាននាក់ ត្រូវផ្លាស់ទីលំនៅដើម្បីរកកន្លែងសុវត្ថិភាព ជម្លោះអាវុធរវាងអ៊ីស្រាអែល បានរីករាលដល់ប្រទេសជិតខាងលីបង់បន្ទាប់ពីអ៊ីស្រាអែលសម្លាប់មេបញ្ជាការក្រុមសកម្មប្រយុទ្ធហេសបូឡា Fuad Shukr កាលថ្ងៃទី៣០កក្កដា។ មួយថ្ងៃក្រោយមក អ៊ីស្រាអែលរងការចោទថា បានធ្វើឃាតមេដឹកនាំហាម៉ាសដ៏មានឥទ្ធិពលបំផុតលោក Ismail Haniyeh។
មេដឹកនាំទាំងពីររបស់ក្រុមសកម្មប្រយុទ្ធដែលត្រូវបានសម្លាប់ដោយអ៊ីស្រាអែលសុទ្ធតែគាំទ្រដោយអ៊ីរ៉ង់ដែលប្រៀបដូចជាបងធំនៅតំបន់មជ្ឈិមបូព៌ា៕
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?