ព័ត៌មានអន្ដរជាតិ

ភ្ញាក់ផ្អើល សត្វភេមួយហ្វូងឆ្លងកាត់ផ្លូវទីប្រជុំជនមួយនៅសិង្ហបុរី

បានផុស

៥ years មុន

នៅ

ថ្ងៃចន្ទ ៨ មីនា ២០២១

ដោយ

chean virakbot

សត្វភេមួយហ្វូងត្រូវគេប្រទាស់ឃើញដើរឆ្លងកាត់ផ្លូវជាលក្ខណៈគ្រួសារមួយនៅ Tiong Bahru កាលពីព្រឹកថ្ងៃអាទិត្យ ទី២៨ ខែកុម្ភៈ។

ស្ត្រីឈ្មោះ Paul បានប្រទាស់ឃើញសត្វភេមួយហ្វូងគួរឲ្យស្រឡាញ់បានដើរចេញពីផ្លូវ Eng Watt ទៅផ្លូវ Kim Cheng វេលាម៉ោង៨ព្រឹក។

Paul ដែលផុសរូបថត និងវីដេអូអំពីសត្វភេទាំងនោះដោយបានសរសេរថា ៖«វាគួរឲ្យចាប់អារម្មណ៍ខ្លាំងមួយ នៅពេលសត្វភេបានលេចមុ និងមានសំឡេងស្រែកនៅតាមផ្លូវនាកណ្តាលតំបន់ Tiong Bahru»។

នាងបាននិយាយថា ៖«ខ្ញុំគិតថា អស្ចារ្យណាស់។ នេះជាតំបន់កណ្តាលតំបន់ប្រជុំជន ដូច្នេះខ្ញុំជឿថា វាមិនមែនជារឿងចម្លែកទេដែលសត្វភេទលេចមុខបែបនេះ។ ពួកគេជាធម្មតាត្រូវបានគេប្រទាស់ឃើញនៅមាត់សមុទ្រឬទន្លេ»។

អ្នកប្រើប្រាស់អ៊ីនធើណិតម្នាក់ក៏បានជួបសត្វគួរឲ្យស្រឡាញ់កាលពីថ្ងៃអាទិត្យនៅ Tiong Bahru ដែលជាថ្ងៃជាមួយគ្នានេះដែរ។

វីដេអូមួយតាមអនឡាញបានបង្ហាញថា សត្វភេដែលប្រឡាក់ដីនៅលើស្មៅ ខណៈពេលស្ត្រីម្នាក់នៅពីក្រោយបានពួកវាបានឮសំឡេងពីសត្វគួរឲ្យស្រឡាញ់នោះ។

នាងបានបន្ថែមថា ៖«ប្រៀបដូចជាបើកសួនសត្វឲ្យពួកវាចេញ»។

យោងតាមវិបសសាយ ក្រុមប្រឹក្សាឧទ្យានជាតិ (NParks) បានបង្ហាញពីរឿងគួរធ្វើ និងរឿងមិនគួរធ្វើនៅពេលជួបសត្វភេទ។

កុំប៉ះពាល់ ដេញ ឬធ្វើសកម្មភាពលើពួកវា។ គ្រាន់តែតាមដានពួកគេពីចម្ងាយ ពីព្រោះទៅជិតធ្វើឲ្យពួកវាខ្លាច។
កុំនិយាយឮ និងពេលថតកុំបើកពន្លឺភ្លើង (flash)។ សំឡេងខ្លាំង និងពន្លឺធ្វើឲ្យពួកវាខ្លាច ហើយក៏បង្អើលដែរ។
កុំឲ្យចំណីសត្វភេ។ សត្វភេមានចំណីរបស់ពួកវានៅក្នុងបរិស្ថាន ហើយពួកវាស៊ីចំណីតាមទម្លាប់ធម្មជាតិដែលធ្វើឲ្យពួកវាមានសុខភាពល្អ។
កុំទុកដាក់សំរាម ឬវត្ថុមុតស្រួចក្នុងទឹក។ ផ្លូវទឹកស្អាត និងសុវត្ថិភាពនាំឲ្យមានត្រី និងសត្វរស់នៅដែលបង្កើតបានជាជម្រកដ៏ល្អសម្រាប់ពួកវារស់នៅ និងចិញ្ចឹមជីវិត៕

ប្រែសម្រួល៖ វីរបុត្រ
ប្រភព៖ CNA