ព័ត៌មានអន្ដរជាតិ
លោក Blinken ផ្តើមទស្សនកិច្ចនៅអេហ្ស៊ីប ពិភាក្សាបទឈប់បាញ់ជាប់គាំងនៅហ្គាហ្សា
រដ្ឋមន្ត្រីការបរទេសអាមេរិក លោក Antony Blinken កំពុងធ្វើដំណើរទៅកាន់ប្រទេសអេហ្ស៊ីបដែលនៅក្បែរខាងអ៊ីស្រាអែល នៅថ្ងៃអង្គារនេះ ដើម្បីពិភាក្សាអំពីបទឈប់បាញ់នៅតំបន់ហ្គាហ្សា និងការដោះលែងចំណាប់ខ្មាំង។ នេះបើយោងតាមការចុះផ្សាយរបស់ទីភ្នាក់ព័ត៌មាន Reuters នៅថ្ងៃទី១៧ខែកញ្ញា។
ទីក្រុងវ៉ាស៊ីនតោន និងក្រុមប្រទេសសម្របសម្រួល មានដូចជា កាតា និងអេហ្ស៊ីប បានព្យាយាមអស់រយៈពេលជាច្រើនខែ ដើម្បីឈានដល់កិច្ចព្រមព្រៀងរវាងអ៊ីស្រាអែល និងក្រុមសកម្មប្រយុទ្ធហាម៉ាស ដើម្បីបញ្ឈប់សង្រ្គាម និងដោះលែងចំណាប់ខ្មាំងអ៊ីស្រាអែល និងអ្នកទោសប៉ាឡេស្ទីន។
យ៉ាងណា ឧបសគ្គដ៏ធំបំផុតនាពេលនេះ មានចំនួន២ ដោយនោះគឺការទាមទាររបស់អ៊ីស្រាអែលក្នុងការរក្សាកងកម្លាំងរបស់ខ្លួននៅក្នុងច្រករបៀង Philadelphia ដែលស្ថិតនៅចន្លោះតំបន់ហ្គាហ្សា និងប្រទេសអេហ្ស៊ីប និងលក្ខខណ្ឌនៃការផ្លាស់ប្តូរចំណាប់ខ្មាំងសម្រាប់អ្នកទោសប៉ាឡេស្ទីនដែលឃុំខ្លួនដោយអ៊ីស្រាអែល។
ក្រសួងការបរទេសអាមេរិក បានប្រកាសនៅក្នុងសេចក្តីថ្លែងការណ៍មួយថា លោក Blinken នឹងពិភាក្សាអំពីកិច្ចខិតខំប្រឹងប្រែង ដើម្បីសម្រេចបាននូវកិច្ចព្រមព្រៀង «ដែលធានាការដោះលែងចំណាប់ខ្មាំងទាំងអស់ សម្រាលទុក្ខលំបាករបស់ប្រជាជនប៉ាឡេស្ទីន និងជួយបង្កើតសន្តិសុខក្នុងតំបន់ឲ្យកាន់តែទូលំទូលាយ»។
ការប៉ះទង្គិចចុងក្រោយបំផុតនៅក្នុងជម្លោះអ៊ីស្រាអែល និងប៉ាឡេស្ទីនដែលមានអាយុកាលរាប់ទសវត្សរ៍មកហើយ បានកើតឡើងកាលពីថ្ងៃទី៧ខែតុលា នៅពេលដែលក្រុមហាម៉ាសបានវាយប្រហារអ៊ីស្រាអែល ហើយបានសម្លាប់មនុស្ស ១២០០នាក់ និងចាប់ចំណាប់ខ្មាំងប្រហែល ២៥០នាក់។
យោងតាមក្រសួងសុខាភិបាលក្នុងតំបន់ហ្គាហ្សា បានឲ្យដឹងថា ការវាយប្រហារសងសឹកជាបន្តបន្ទាប់របស់អ៊ីស្រាអែលលើក្រុមហាម៉ាស បានសម្លាប់ប្រជាជនប៉ាឡេស្ទីនជាង ៤១ ០០០នាក់ ខណៈពេលដែលប្រជាជនជិត ២,៣លាននាក់បានផ្លាស់ទីលំនៅ ដែលបណ្តាលឲ្យមានវិបត្តិអត់ឃ្លាន និងនាំឲ្យមានការចោទប្រកាន់អ៊ីស្រាអែលអំពីអំពើប្រល័យពូជសាសន៍នៅតុលាការពិភពលោក តែត្រូវភាគីអ៊ីស្រាអែលបដិសេធ៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៨ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ