ព័ត៌មានអន្ដរជាតិ

ស្លាប់៤នាក់និងរបួស១៨នាក់ ក្នុងហេតុការណ៍បាញ់ប្រហារនៅរដ្ឋAlabama សហរដ្ឋអាមេរិក

បានផុស

១ ម៉ោង មុន

នៅ

ថ្ងៃចន្ទ ២៣ កញ្ញា ២០២៤

ដោយ

យ៉ាងហោចណាស់មនុស្ស៤នាក់បានស្លាប់និង១៨នាក់បានរងរបួសនៅក្នុងការបាញ់ប្រហារដ៏ធំមួយនៅទីក្រុង Birmingham រដ្ឋ Alabama។ យោងការចេញផ្សាយរបស់សារព័ត៌មាន BBCនៅថ្ងៃទី២៣ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សព្វផ្សាយនោះ មន្ត្រីប៉ូលិសទីក្រុង Birmingham លោក Truman Fitzgerald បានឲ្យដឹងថា៖«ក្រុមអ្នកបាញ់ប្រហារបានបាញ់ជាច្រើនគ្រាប់ទៅលើមនុស្សមួយក្រុម» កាលពីល្ងាចថ្ងៃសៅរ៍នៅក្នុងតំបន់ Five Points South ជាកន្លែងកម្សាន្តពេលរាត្រី ខណៈការបាញ់ប្រហារបានកើតឡើងនៅ Magnolia Avenue និងមានជនរងគ្រោះដោយគ្រាប់កាំភ្លើងរាប់សិបនាក់បន្ទាប់ពីឧបទ្ទវហេតុនេះ។

ប៉ូលិសបានរកឃើញសាកសពបុរសពីរនាក់ និងស្ត្រីម្នាក់នៅកន្លែងកើតហេតុ និងបុរសម្នាក់ទៀតបានស្លាប់ដោយសាររបួសដោយគ្រាប់កាំភ្លើងនៅក្នុងមន្ទីរពេទ្យ និងអ្នករងរបួសចំនួន៤នាក់បានរងរបួសដែលគំរាមកំហែងដល់អាយុជីវិត។

មកដល់ពេលនេះអាជ្ញាធរក៏កំពុងតាមរកអ្នកបាញ់ប្រហារ ដោយពេលនេះពួកគេកំពុងធ្វើការជាមួយ FBI និងភ្នាក់ងារសហព័ន្ធផ្សេងទៀតនិងកំពុងផ្តល់រង្វាន់ចំនួន៥០០០ដុល្លារសម្រាប់ព័ត៌មាន រូបបថត និងវីដេអូនៃឧប្បត្តិហេតុនេះ។

រហូតមកដល់ពេលនេះ មានការបាញ់ប្រហារទ្រង់ទ្រាយធំជាង៤០០ករណីនៅទូទាំងសហរដ្ឋអាមេរិកក្នុងឆ្នាំនេះ។ បើយោងតាមការកត់ត្រាអំពើហឹង្សាដោយកាំភ្លើង ដែលកំណត់ការបាញ់ប្រហារដ៏ធំជាឧបទ្ទវហេតុដែលមនុស្សបួននាក់ ឬច្រើននាក់រងរបួស ឬស្លាប់ ខណៈឧបទ្ទវហេតុនៅទីក្រុង Birmingham គឺជាការបាញ់ប្រហារដ៏ធំលើកទី២ ដែលបានកើតឡើងនៅក្នុងទីក្រុងនេះក្នុងរយៈពេល២ខែ និងឃាតកម្មលើកទី៣ក្នុងឆ្នាំ២០២៤។ នេះបើយោងតាមគេហទំព័រ Al.com៕