ព័ត៌មានអន្ដរជាតិ

ស្តាប់ដូនជីក្លាហានម្នាក់រៀបរាប់ពីការលុតជង្គង់អង្វរប៉ូលិសឲ្យឈប់ប្រើហិង្សាលើអ្នកតវ៉ា

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

ដូនជីម្នាក់បានលុតជង្គង់ចុះនៅចំពោះមុខកម្លាំងប៉ូលិសនៅខាងខាងជើងប្រទេសមីយ៉ាន់ម៉ា និងបានអង្វរករដល់ពួកគេឲ្យឈប់បាញ់ប្រហារលើអ្នកតវ៉ាដែលប្រឆាំងនឹងរដ្ឋប្រហារកាលពីខែមុន។

ទោះបីជាយ៉ាង ការអង្វរករបស់ដូនជីឥតប្រយោជន៍។

វីដេអូមួយបង្ហាញពីដូនជីម្នាក់ឈ្មោះ Ann Rose Nu Tawng ស្ថិតក្នុងសម្លៀកបំពាក់រ៉ូបពណ៌ស និងក្រណាត់ខ្មៅរុំក្បាលបានលុតជង្គង់នៅលើផ្លូវមួយក្នុងទីប្រជុំជន Myitkyina កាលពីថ្ងៃចន្ទ កំពុងនិយាយជាមួយកម្លាំងប៉ូលិសដែលប៉ូលិសខ្លះក៏បានលុតជង្គង់ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយាយតាមបទសម្ភាសជាមួយ Reuters ដូនជីបានប្រាប់ថា ៖«ខ្ញុំបានអង្វរពួកគេឲ្យឈប់ធ្វើបាបអ្នកតវ៉ា តែសូមឲ្យប្រព្រឹត្តលើពួកគេដោយមនុស្សធម៌ដូចជាសមាជិកគ្រួសារ»។

«ខ្ញុំបានប្រាប់ពួកគេថា ពួកគេអាចសម្លាប់ខ្ញុំបាន។ ខ្ញុំនឹងមិនក្រោកឈរទេ ប្រសិនបើពួកគេមិនសន្យាឈប់បង្ក្រាបបាតុករដោយហិង្សា»។

ដូនជី Tawng ដែលបានបើកគ្លីនិកមួយនៅក្នុងទីប្រជុំជន បាននិយាយថា គាត់ទទួលការធានាពីមន្ត្រីជាន់ខ្ពស់ថា ពួកគេទើបតែបោសសំអាតផ្លូវ។

ដូនជី Tawng និងប៉ូលិសម្នាក់ត្រូវបានគេមើលឃើញកំពុងអោនក្បាលដល់ដី ប៉ុន្តែការផ្ទុះអាវុធក៏បានចាប់ផ្តើមភ្លាម។

Tawng និយាយថា ៖«ខ្ញុំបានឮសំឡេងផ្ទុះអាវុធខ្លាំងៗ និងបានឃើញក្បាលក្មេងម្នាក់បែក ហើយមានឈានហូរដាបដី»។

ដូនជី និងសាក្សីបានឲ្យដឹងថា ហោចណាស់អ្នកតវ៉ាពីរនាក់ត្រូវបានសម្លាប់ និងរបួសជាច្រើននាក់។

Tawng បានព្យាយាមយកជនរងគ្រោះខ្លះចួលទៅក្នុងគ្លីនីកមុនពេលគាត់មើលអ្វីលែងឃើញដោយសារឧស្ម័ទឹកភ្នែកដែលប៉ូលិសបាញ់។

គាត់ថា ៖«នៅលើឥដ្ឋការ៉ូគ្លីនីកយើងខ្ញុំមានឈាមហូរស្រោច។ យើងត្រូវការជីវិតដែលមានតម្លៃ។ វាបានធ្វើឲ្យខ្ញុំពិបាកចិត្តខ្លាំងណាស់»។

ប្រព័ន្ធផ្សព្វផ្សាយក្នុងថា ដូនជីម្នាក់នេះបានចេញពីកន្លែងបាតុកម្មដែលមានហ្វូងអ្នកតវ៉ា និងប៉ូលិសប្រឈមមុខដាក់គ្នាកាលពីខែមុនដើម្បីសុំសន្តិភាព។

តាមការឲ្យដឹងពីអង្គការសហប្រជាជាតិ មនុស្សជាង៦០នាក់ត្រូវបានសម្លាប់ និងជាង១៨០០នាក់ត្រូវបានឃុំខ្លួនក្នុងការបង្ក្រាបលើបាតុកម្មដែលប្រឆាំងនឹងរដ្ឋប្រហារកាលពីថ្ងៃទី១ ខែកុម្ភៈ៕