ព័ត៌មានអន្ដរជាតិ

អ៊ីរ៉ង់ថាខ្លួនមិនខ្លាចសង្គ្រាមទេ ខណៈយោធាជាន់ខ្ពស់បាត់បង់ជីវិតនៅលីបង់

បានផុស

២ years មុន

នៅ

ថ្ងៃចន្ទ ៣០ កញ្ញា ២០២៤

ដោយ

មន្ត្រីជាន់ខ្ពស់ក្រសួងការបរទេសអ៊ីរ៉ង់ដែលជាអ្នកគំាទ្រចលនាបស្ចឹមប្រទេសរបស់កងកម្លាំងហេសបូឡា បានប្រាប់សន្និសីទសារព័ត៌មានប្រចាំសប្តាហ៍ថា ខ្លួនមិនខ្លាចសង្គ្រាមទេ បើទោះបីជាខ្លួនមិនស្វែងរកសង្គ្រាមនោះទេ។

ឧត្តមសេនីយទោអ៊ីរ៉ង់ Abbas Nilforoushan ដែលបម្រើការងារជាអ្នកប្រឹក្សាយោធាដល់ក្រុមហេសបូឡា។ News on AIR

ថ្លែងនៅក្នុងសន្និសីទសារព័ត៌មានប្រចាំសប្តាហ៍នៅថ្ងៃចន្តនេះ លោក Nasser Kanaani អ្នកនាំពាក្យក្រសួងការបរទេសអ៊ីរ៉ង់ បាននិយាយដោយសំដៅលើការបាត់បង់ការអត់ធ្មត់ ខណៈដែលមន្ត្រីយោធាជាន់ខ្ពស់របស់ខ្លួន គឺ ឧត្តមសេនីយទោ Abbas Nilforoushan ដែលបម្រើការងារជាអ្នកប្រឹក្សាយោធាដល់កងកម្លាំងហេសបូឡាត្រូវបានសម្លាប់ដោយការវាយប្រហារតាមផ្លូវអាកាសរបស់អ៊ីស្រាអែល។

ការវាយប្រហាររបស់អ៊ីស្រាអែលលើទីក្រុងបេរូតកាលពីថ្ងៃសុក្រ បានសម្លាប់មេដឹកនាំក្រុមហេសបូឡា លោក Sayyed Hassan Nasrallah ដែលមានការបារម្ភថា សង្គ្រាមនៅមជ្ឈិបូព៌ាអាចរីករាលដាលកាន់តែខ្លាំងដោយសារការទាញអ៊ីរ៉ង និងសហរដ្ឋអាមេរិកចូលក្នុងសង្គ្រាមដែលកំពុងរីករាលដាលនេះ។

តាមការដកស្រង់របស់រ៉យទ័រ លោក Kanaani បានប្រាប់ ថា៖«យើងឈរយ៉ាងរឹងមាំ ហើយយើងនឹងធ្វើសកម្មភាពក្នុងរបៀបមួយដែលសោកស្ដាយ [សម្រាប់សត្រូវ]។ អ៊ីរ៉ង់មិនស្វែងរកសង្រ្គាម ប៉ុន្តែមិនខ្លាចវាទេ»។

លោក Kanaani បាននិយាយថា អ៊ីរ៉ង់កំពុងតាមដានយ៉ាងដិតដល់លើបញ្ហាជាមួយអាជ្ញាធរលីបង់ ដោយសំដៅទៅលើការវាយប្រហារដែលបានសម្លាប់ Nasrallah និង Nilforoushan៕

ដោយ រ៉ាន់ រើយ