ព័ត៌មានអន្ដរជាតិ

ស្លាប់២៧នាក់ របួសច្រើននាក់រថយន្តក្រុងដឹកសិស្សធ្លាក់ជ្រោះ នៅឥណ្ឌូណេស៊ី

បានផុស

៤ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

នៅថ្ងៃព្រហស្បតិ៍នេះ ប៉ូលិស និងអ្នកជួយសង្គ្រោះបាននិយាយថា រថយន្តទេសចរណ៍មួយគ្រឿងបានធ្លាក់ជ្រោះនៅកោះ Java ក្នុងប្រទេសឥណ្ឌូណេស៊ី បន្ទាប់ពីហ្វ្រាំងជាប់គាំងលែងដំណើរការ ដោយបានសម្លាប់មនុស្សហោចណាស់ ២៧នាក់ និងរបួស៣៩នាក់។

អធិការប៉ូលិសក្នុងតំបន់លោក Eko Prasetyo Robbyanto បានឲ្យដឹងថា រថយន្តក្រុងបានដឹកសិស្ស គ្រូបង្រៀន និងអាណាព្យាបាល របស់វិទ្យាល័យឥស្លាមមួយពីទីប្រជុំជន Subang របស់ខេត្ត West Java ដែលគ្រោះថ្នាក់នេះបានកើតឡើងនៅល្ងាចថ្ងៃពុធនៅលើផ្លូវកោង។

លោកថា រថយន្តក្រុងបានវិលត្រឡប់ទៅ Subang វិញ ចេញពីទីកន្លែងសក្ការៈបូជាមួយនៅក្នុងស្រុង Tasikmalaya ដែលនៅទីនោះហើយបានធ្លាក់ចូលទៅក្នុងជ្រោះដែលមានជម្រៅ២០ម៉ែត្រ បន្ទាប់ពីតៃកុងបាត់បង់ម្ចាស់ការ។

លោក Robbyanto ថា ប៉ូលិសបានកំពុងស៊ើបអង្កេតរកមូលហេតុនៃគ្រោះថ្នាក់ចរាចរណ៍នេះ ប៉ុន្តែអ្នកនៅរស់បាននិយាយថា ហ្វ្រាំងរថយន្តដូចជាជាប់គាំងមិនដំណើរការ។

ប្រធានទីភ្នាក់ងារស្វែងរក និងសង្គ្រោះ Bandung លោក Deden Ridwansah បាននិយាយថា សាកសព២៧នាក់ និងអ្នករបួស៣៩នាក់ត្រូវបានយកទៅកាន់មន្ទីរពេទ្យមួយ និងមណ្ឌលសុខភាពមួយនៅជិតនោះ រាប់ទាំងសពក្មេងប្រុសម្នាក់ត្រូវបានជាប់ក្រោមរថយន្តក្រឡាប់ និងបានទាញចេញនៅព្រឹកថ្ងៃព្រហស្បតិ៍នេះ។