ព័ត៌មានអន្ដរជាតិ
តើមេដឹកនាំសំខាន់ណាខ្លះចូលរួមប្រជុំ BRICS ដែលរុស្ស៊ីប្រឹងស្តារមុខមាត់លើវិស័យការទូត?
ប្រមុខដឹកនាំប្រទេសសំខាន់ៗដូចជា អ៊ីរ៉ង់ តួកគី ចិន ប៉ាឡេស្ទីន ដែលជាគូប្រជែងសំខាន់ៗប្រឆាំងលោកខាងលិចដឹកនាំដោយសហរដ្ឋអាមេរិក និងអឺរ៉ុបខាងលិច មានអង់គេ្លស បារាំង អាល្លឺម៉ង់ជាដើម នឹងបង្ហាញវត្តមាននៅក្នុងកិច្ចប្រជុំកំពូល BRICS នៅឯប្រទេសរុស្ស៊ី ដឹកនាំដោយលោកវ្ល៉ាឌីមៀ ពូទីន។
នៅក្នុងកិច្ចប្រជុំកំពូលក្នុងពេលដែលពិភពលោកកំពុងតែតានតឹងនេះ លោក ពូទីន គ្រោងនឹងជួបពិភាក្សាទ្វេភាគីជាមួយមេដឹកនាំសំខាន់ៗមួយចំនួន រួមមាននាយករដ្ឋមន្ត្រីឥណ្ឌា លោក Narendra Modi ប្រធានាធិបតីចិន លោក Xi Jinping ប្រធានាធិបតីតួកគី លោក Recep Tayyip Erdogan ប្រធានាធិបតីអ៊ីរ៉ង់ លោក Masud Pezeshkian និងមេដឹកនាំប៉ាឡេស្ទីនលោក Mahmud Abbas។
កិច្ចប្រជុំកំពូល BRICS នៅឆ្នាំនេះ បានធ្វើឲ្យប្រធានាធិបតីរុស្ស៊ី លោក វ៉្លាឌីមៀ ពូទីន រីកមុខរីកមាត់មិនស្ទើរទេ ដោយសារតែមានប្រទេសច្រើនត្រូវបានអញ្ជើញឱ្យទៅចូលរួម ហើយជាពិសេសបំផុតនោះគឺការទទួលយកការអញ្ជើញរបស់អគ្គលេខាធិការអង្គការសហប្រជាជាតិ លោក Antonio Guterres។
លោក Antonio Guterres ដែលខកខានចូលរួមកិច្ចប្រជុំសន្តិភាពអ៊ុយក្រែនកាលពីខែមិថុនាឆ្នាំនេះ ដែលប្រទេសស្វីសជាអ្នកធ្វើម្ចាស់ផ្ទះ។ ការសម្រេចចិត្តរបស់ លោក Guterres បានធ្វើឲ្យប្រទេសអ៊ុយក្រែនសម្តែងការខកចិត្តយ៉ាងខ្លាំង។
កិច្ចប្រជុំកំពូល BRICS ដែលជាបណ្តុំប្រទេសកំពុងអភិវឌ្ឍន៍នេះ បានគូសបញ្ជាក់ពីកិច្ចខិតខំប្រឹងប្រែងរបស់រុស្ស៊ីក្នុងការរក្សា និងពង្រឹងទំនាក់ទំនងជាមួយប្រទេសមានឥទ្ធិពល និងមេដឹកនាំនៅក្រៅតំបន់លោកខាងលិច។
រុស្ស៊ីបានព្យាយាមប្រើប្រាស់កិច្ចប្រជុំកំពូល BRICS ជាវេទិកាយុទ្ធសាស្ត្រដើម្បីរុញច្រានប្រឆាំងនឹងភាពឯកោខាងការទូត ដែលលោកខាងលិចដែលមានសហរដ្ឋអាមេរិកជាគោល បានព្យាយមដាក់តាំងពីរុស្ស៊ីសម្រេចលើកទ័ពចូលឈ្លានពានអ៊ុយក្រែនកាលពីថ្ងៃទី២៤ខែកុម្ភៈ២០២២។
កិច្ចប្រជុំកំពូលថ្ងៃទី ២២-២៤ខែតុលា ដែលប្រមូលផ្តុំមេដឹកនាំមកពីប្រទេសប្រេស៊ីល រុស្ស៊ី ឥណ្ឌា ចិន អាហ្រ្វិកខាងត្បូង និងប្រទេសមួយចំនួនទៀត ត្រូវបានក្រុងមូស្គូមើលឃើញថាជាឱកាសមួយដើម្បីបង្ហាញពីកិច្ចខិតខំប្រឹងប្រែងរបស់បស្ចិមលោកបានបារាជ័យ ដើម្បីដាក់ឱ្យរុស្ស៊ីនៅឯកោជុំវិញការវាយលុកយោធារបស់ខ្លួននៅក្នុងអ៊ុយក្រែន៕
ដោយ រ៉ាន់ រើយ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា