ព័ត៌មានអន្ដរជាតិ

ស្វែងយល់ អាការនិងប្រតិកម្មលើរាងកាយ ក្រោយចាក់វ៉ាក់សាំងរួច

បានផុស

៥ years មុន

នៅ

ថ្ងៃសុក្រ ១២ មីនា ២០២១

ដោយ

មនុស្សជាច្រើនប្រហែលជាឆ្ងល់ថា នៅពេលទទួលវ៉ាក់សាំងរួចរាល់ តើនឹងមានរឿងអ្វីខ្លះកើតឡើងលើរាងកាយ?

លោកស្រី Beth Moore វេជ្ជបណ្ឌិតថ្នាក់បណ្ដោះអាសន្ននិងជាសាស្ត្រាចារ្យផ្នែកអតិសុខុមជីវសាស្ត្រនៃប្រព័ន្ធភាពស៊ាំនៅ Michigan បានពន្យល់លំអិតនូវអ្វីដែលកើតឡើង បន្ទាប់ពីចាក់វ៉ាក់សាំងរួចរាល់។

១ នាទីបន្ទាប់ពីការចាក់វ៉ាក់សាំង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិទ្យាសាស្ត្របានរកឃើញថា កូវីដប្រើប្រូតេអ៊ីនរបស់វាភ្ជាប់ទៅនឹងម៉ូលេគុលដែលគេហៅថា ACE2 នៅខាងក្រៅកោសិការបស់អ្នកដើម្បីនាំចូលមកខាងក្នុងរាងកាយ។ ពេលវ៉ាក់សាំងចូលក្នុងកោសិកា វានឹងប្រែទៅជាសំណៅប្រូតេអ៊ីនជាច្រើនប្រភេទ។ បន្ទាប់មកនឹងបំបែកហើយប្រូតេអ៊ីនដែលត្រូវបានបង្កើតឡើងថ្មី ត្រូវបានបញ្ចេញចេញពីកោសិកា។

១៥ នាទីក្រោយ

បន្ទាប់ពីចាក់រួច ភាគច្រើនគ្រប់គ្នានឹងត្រូវបានស្នើសុំឲ្យអង្គុយរង់ចាំសង្កេតប្រហែលរយៈពេល ១៥ នាទី ដើម្បីមើលប្រតិកម្មអាឡ័កស៊ី។ អ្នកដែលមានប្រវត្តិមានប្រតិកម្មអាឡ័កស៊ីធ្ងន់ធ្ងរ គួរតែត្រៀមរង់ចាំរហូតដល់ ៣០ នាទី។ ប្រតិកម្មទាំងនោះអាចហៀរសំបោរនិងកន្ទួលក្រហម។

១២ ម៉ោងទៅ ១០ ថ្ងៃក្រោយ

ដៃរបស់យើងអាចឈឺបន្តិចបន្តួច ឬប្រហែលជាអ្នកអស់កម្លាំងល្ហិតល្ហៃខ្លះៗបន្ទាប់ពីចាក់លើកដំបូង។ លោកស្រី Beth Moore បានពន្យល់ថា ប្រព័ន្ធភាពស៊ាំរបស់អ្នកកំពុងតែរីកលូតលាស់។ គាត់ពន្យល់ថា ការអស់កម្លាំងនិងឈឺចាប់គឺជាលទ្ធផលនៃសារធាតុដែលគេហៅថាស៊ីតូទីននិងគីមីសាស្ត្រ ដែលជួយដឹកនាំកោសិកាភាពស៊ាំកាន់តែច្រើនទៅកាន់កន្លែងឆ្លងមេរោគដែលបណ្ដាលឲ្យរលាក។ អ្នកខ្លះអាចហើមកូនកណ្ដុរនៅក្លៀកបន្ទាប់ពីបានចាក់វ៉ាក់សាំងរួច។

ទោះយ៉ាងណាប្រព័ន្ធភាពស៊ាំរបស់មនុស្សមិនអាចប្រាប់ពីភាពខុសគ្នា រវាងប្រូតេអ៊ីនខ្ពស់និងវីរុសពិតប្រាកដនោះទេ។ លោកស្រីបន្ថែមថានិយាយថា “ ការមានអារម្មណ៍មិនស្រួលវាគ្រាន់តែជាសញ្ញាមួយដែលប្រព័ន្ធភាពស៊ាំកំពុងដំណើរការ។ មិនមែនមនុស្សគ្រប់គ្នាសុទ្ធតែមានអារម្មណ៍ពីផលប៉ះពាល់ទាំងនេះទេ។

៣ ទៅ ៤ សប្ដាហ៍ក្រោយមក

ក្នុងកំឡុងពេលនេះ កោសិកា B កំពុងបង្កើតកោសិកាប្លាស្មានិងបង្កើតអង្គបដិប្រាណអព្យាក្រឹតមួយក្នុងរាងកាយ ។ អង្គបដិប្រាណអព្យាក្រឹតរារាំងកោសិកាឆ្លងនិងការពារកោសិកាពីធាតុបង្ករោគឬភាគល្អិតឆ្លងដោយបន្សាបឥទ្ធិពលណាមួយដែលវាមានជីវសាស្ត្រ។ ប៉ុន្តែទាំងនេះអាចមានអាយុកាលខ្លី។ ការចាក់លើកទីពីរ ទើបអាចជួយបង្កើតកោសិកាភាពស៊ាំដែលអាចរស់នៅបានយូរនិងអាចឆ្លើយតបទៅនឹងប្រូតេអ៊ីន។

យ៉ាងហោចណាស់មនុស្សជាច្រើនរាយការណ៍ពីប្រតិកម្មខ្លាំងជាងមុន នៅពេលចាក់លើកទីពីររួមមានគ្រុនក្ដៅអស់កម្លាំងនិងឈឺសាច់ដុំ។

ប្រែសម្រួល៖ សាង ស្រីល័ក្ខ

ប្រភព៖healthblog

ចុចអាន៖លំអងផ្កាឬភាគល្អិតតូចៗ អាចបង្កើនអត្រាឆ្លងកូវីដខ្ពស់ ដល់អ្នកអាឡ័កស៊ីច្រមុះ

ចុចអាន៖រឿងសំខាន់ៗត្រូវដឹង ក្រោយចាក់វ៉ាក់សាំងរួច

Related Topics: