ព័ត៌មានអន្ដរជាតិ

រុស្ស៊ី៖ ការដែលលោក ត្រាំ កាត់ជំនួយ ប្រៀបដូចជា «ទោសស្លាប់» សម្រាប់អ៊ុយក្រែន

បានផុស

២ សប្តាហ៍ មុន

នៅ

ថ្ងៃព្រហស្បតិ៍ ២៨ វិច្ឆិកា ២០២៤

ដោយ

Chheang

ការសម្រេចចិត្តរបស់លោក ដូណាល់ ត្រាំ ដែលជាប្រធានាធិបតីទើបជាប់ឆ្នោតនៅអាមេរិក សម្រាប់ការកាត់បន្ថយជំនួយដល់រដ្ឋាភិបាលក្រុងកៀវ នឹងក្លាយជា «ទោសស្លាប់» សម្រាប់យោធាអ៊ុយក្រែន។ នេះជាការលើកឡើងរបស់លោក Dmitry Polyanskiy អគ្គរដ្ឋទូតរងរុស្ស៊ីប្រចាំអង្គការសហប្រជាជាតិ កាលពីថ្ងៃទី២៧ខែវិច្ឆិកាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Polyanskiy បានចោទប្រកាន់រដ្ឋបាលលោក ចូ បៃដិន ប្រធានាធិបតីអាមេរិកជិតផុតអាណត្តិ ថាបានព្យាយាមបង្កើនការគាំទ្រចំពោះអ៊ុយក្រែន ដើម្បីបង្កើតជាភាពចលាចលសម្រាប់រុស្ស៊ី និងរដ្ឋបាលថ្មីរបស់លោក ត្រាំ។ លោកបន្ថែមថា លោក Volodymyr Zelensky ប្រធានាធិបតីអ៊ុយក្រែន មានសេចក្ដីភ័យខ្លាច ចំពោះការវិលត្រឡប់ឡើងកាន់តំណែងរបស់លោក ត្រាំ នាខែមករាឆ្នាំ២០២៥ខាងមុខ។

មន្ត្រីរុស្ស៊ីរូបនេះ បាននិយាយថា រុស្ស៊ីជាម្ដងហើយម្ដងទៀតបានផ្ដល់នូវការចរចាសម្រាប់អ៊ុយក្រែន ប៉ុន្តែអ៊ុយក្រែន និងលោកខាងលិចដែលជាអ្នកនៅពីក្រោយ បែរជាចង់ឲ្យមានការកើនឡើងភាពតានតឹងទៅវិញ។ លោកបានព្រមានថា ការសម្រេចចិត្តដោយរដ្ឋបាលលោក បៃដិន និងសម្ព័ន្ធមិត្តអឺរ៉ុបរបស់ខ្លួន ដែលបើកដៃឲ្យអ៊ុយក្រែនប្រើអាវុធរបស់ពួកគេវាយចូលជ្រៅក្នុងទឹកដីរុស្ស៊ី បានក្លាយជាហានិភ័យទាញពិភពលោកទាំងមូលឲ្យធ្លាក់ចូលក្នុងសង្គ្រាមនុយក្លេអ៊ែរ។

លោក Polyanskiy បានលើកឡើងថា៖ «ខ្ញុំនិយាយដោយស្មោះត្រង់។ យើងជឿថា វាជាសិទ្ធិរបស់យើង ក្នុងការប្រើប្រាស់អាវុធរបស់យើងប្រឆាំងនឹងទីតាំងយោធានៃប្រទេសទាំងនោះ ដែលអនុញ្ញាតឲ្យមានការប្រើអាវុធវាយប្រហារលើទីតាំងរបស់យើង»៕

ដោយ៖ ឈាង