ព័ត៌មានអន្ដរជាតិ
មេបក្សប្រឆាំងកូរ៉េខាងត្បូង៖ ការចោទប្រកាន់លោក Yoon ជាវិធីល្អបំផុត អាចស្ដារសណ្ដាប់ធ្នាប់
មេដឹកនាំបក្សប្រឆាំងកូរ៉េខាងត្បូង លោក Lee Jae-myung បាននិយាយនៅថ្ងៃសុក្រទី១៣ខែធ្នូឆ្នាំ២០២៤ថា ការចាត់វិធានការផ្លូវច្បាប់ចោទប្រកាន់លោកប្រធានាធិបតី Yoon Suk Yeol គឺវិធីល្អបំផុតក្នុងការស្តារសណ្តាប់ធ្នាប់ឡើងវិញ បន្ទាប់ការប្រកាសច្បាប់អាជ្ញាសឹក ដែលបង្កចលាចលនៅទូទាំងប្រទេស។
កាលពីយប់ថ្ងៃទី៣ធ្នូ លោក Yoon បានដាក់ចេញច្បាប់អាជ្ញាសឹកដ៏គួរឲ្យភ្ញាក់ផ្អើល។ យ៉ាងណា ច្បាប់នេះត្រូវបានលុបចោលវិញ រយៈពេល៦ម៉ោង ក្រោយសភាបោះឆ្នោតប្រឆាំង។ ចំណាត់ការរបស់លោក Yoon បានធ្វើឲ្យប្រទេសកូរ៉េខាងត្បូងធ្លាក់ចូលក្នុងវិបត្តិរដ្ឋធម្មនុញ្ញ ហើយក៏មានការអំពាវនាវជាច្រើនឲ្យលោកប្រធានាធិបតីចុះចេញពីតំណែង ពាក់ព័ន្ធនឹងការបំពានច្បាប់។
ទោះជាយ៉ាងនេះក្ដី លោក Yoon កាលពីថ្ងៃព្រហស្បតិ៍បានប្តេជ្ញាថានឹង «តស៊ូដល់ទីបញ្ចប់» ដោយបន្ទោសគណបក្សប្រឆាំងថាបានធ្វើឲ្យរដ្ឋាភិបាលជាប់គាំង។ លោកក៏បានអះអាងថា មានការលួចចូលរបស់កូរ៉េខាងជើងចូលទៅក្នុងគណកម្មាធិការបោះឆ្នោត ដែលធ្វើឲ្យគណបក្សរបស់លោកត្រូវបរាជ័យក្នុងការបោះឆ្នោតសភាកាលពីខែមេសាកន្លងទៅ។
លោក Lee មេដឹកនាំគណបក្សប្រជាធិបតេយ្យ ដែលជាបក្សប្រឆាំង បានហៅការលើកឡើងរបស់លោក Yoon ថាជាការប្រកាសសង្គ្រាមប្រឆាំងនឹងប្រជាជន។ លោកបានថ្លែងថា៖ «វាបានបង្ហាញថា ការចោទប្រកាន់គឺជាវិធីលឿនបំផុត និងមានប្រសិទ្ធភាពបំផុត ដើម្បីបញ្ចប់ការភាន់ច្រឡំ»។
លោក Yoon បានរួចផុតពីការចោទប្រកាន់ ដែលធ្វើឡើងកាលពីថ្ងៃសៅរ៍សប្តាហ៍មុន នៅពេលដែលភាគច្រើននៃគណបក្សអំណាចប្រជាជន (PPP) របស់លោក បានធ្វើពហិការមិនចូលរួមការបោះឆ្នោត។ ប៉ុន្តែចាប់តាំងពីពេលនោះមក សមាជិក PPP មួយចំនួនបានផ្លាស់ប្ដូរការសម្រេចចិត្តងាកទៅគាំទ្រជាសាធារណៈនូវការបោះឆ្នោតដើម្បីចោទប្រកាន់លោក Yoon វិញ។
ក្រុមគណបក្សប្រឆាំងទាំងអស់ បានដាក់ចេញសេចក្តីព្រាងច្បាប់ចោទប្រកាន់មួយទៀត ហើយគ្រោងនឹងរៀបចំការបោះឆ្នោតនៅថ្ងៃសៅរ៍សប្ដាហ៍នេះ។ ពួកគេត្រូវការសមាជិក PPP យ៉ាងតិច៨នាក់ ដើម្បីចូលរួមអនុម័តការចោទប្រកាន់ ជាមួយសំឡេង២ភាគ៣នៃសភា៕
ដោយ៖ ឈាង
ចុចអាន៖ លោក Yoon ប្រកាសតស៊ូដល់ទីបញ្ចប់ ដាច់ខាតមិនលាលែងពីតំណែង
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ១ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ