ព័ត៌មានអន្ដរជាតិ
តុលាការធម្មនុញ្ញកូរ៉េខាងត្បូងផ្តើមត្រួតពិនិត្យលើបណ្តឹងប្រឆាំងលោក Yoon
តុលាការធម្មនុញ្ញប្រទេសកូរ៉េខាងត្បូងដែលមានសមាជិកក្រុមប្រឹក្សាបច្ចុប្បន្នចំនួន៦រូបក្នុងចំណោមសមាជិកសរុប៩រូប ចាប់ផ្តើមត្រួតពិនិត្យមើលការចោទប្រកាន់អតីតប្រធានាធិបតី Yoon Suk Yeol ជុំវិញការប៉ុនប៉ងដាក់ច្បាប់អាជ្ញាសឹកកាលពីថ្ងៃទី៣ខែធ្នូ ខណៈដែលអ្នកស៊ើបអង្កេតគ្រោងនឹងសាកសួរគាត់នៅសប្តាហ៍នេះ។ យោងសារព័ត៌មាន Yonhap។

អ្នកនាំពាក្យតុលាការកូរ៉េខាងត្បូង បាននិយាយថា ចាប់ផ្តើមនៅថ្ងៃទី១៦ខែធ្នូ តុលាការធម្មនុញ្ញរបស់កូរ៉េខាងត្បូងចូលរួមកិច្ចប្រជុំលើកដំបូងជុំវិញការចោទប្រកាន់ដែលសភាដឹកនាំដោយគណបក្សប្រឆាំងបានអនុម័តការចោទប្រកាន់ព្យួរអំណាចប្រធានាធិបតី កាលពីថ្ងៃទី១៤ខែធ្នូ។ តុលាការធម្មនុញ្ញនឹងមានរយៈពេលរហូតដល់ប្រាំមួយខែដើម្បីសម្រេចថាតើត្រូវដកអំណាច លោក Yoon ចេញពីតំណែងឬក៏ត្រូវដាក់គាត់ឡើងវិញ។
យោងសេចក្តីរាយការណ៍របស់ទីភ្នាក់ងារព័ត៌មានរ៉យទ័រ ចៅក្រម Kim Hyung-du បាននិយាយថា តុលាការធម្មនុញ្ញនឹងពិភាក្សាអំពីនីតិវិធី និងរបៀបធ្វើអំណះអំណាង។
ក្នុងឆ្នាំ២០១៧ តុលាការធម្មនុញ្ញបានចាប់ផ្តើមសួរដេញដោលផ្ទាល់មាត់ប្រហែល៣សប្តាហ៍ បន្ទាប់ពីសភាបានបោះឆ្នោតចោទប្រកាន់ប្រធានាធិបតី លោកជំទាវ Park Geun-hye នាពេលនោះពីបទរំលោភអំណាចនៃការិយាល័យរបស់គាត់ ហើយបានចំណាយពេលបីខែដើម្បីចេញសេចក្តីសម្រេចដកហូតតំណែងប្រធានាធិបតីរបស់គាត់។
លោក Yoon និងមន្ត្រីជាន់ខ្ពស់មួយចំនួនប្រឈមមុខនឹងការចោទប្រកាន់ដ៏មានសក្តានុពលនៃការបះបោរសម្រាប់ច្បាប់អាជ្ញាសឹករយៈពេលខ្លីដែលបរាជ័យក្នុងរយៈពេលតែ៦ម៉ោងប៉ុណ្ណោះ។
ទីភ្នាក់ងារព័ត៌មានរ៉យទ័រ បានដកស្រង់សម្តីមន្ត្រីប៉ូលិសម្នាក់ដែលអះអាងថា ក្រុមអ្នកស៊ើបអង្កេតរួមគ្នាមួយក្រុមមកពីប៉ូលីស ក្រសួងការពារជាតិ និងភ្នាក់ងារប្រឆាំងអំពើពុករលួយគ្រោងនឹងកោះហៅលោក Yoon មកសាកសួរនៅព្រឹកថ្ងៃចន្ទនេះដែរ។
សារព័ត៌មាន Yonhap បានរាយការណ៍ថា នៅថ្ងៃទី១៥ខែធ្នូ លោក Yoon មិនបានបង្ហាញខ្លួនក្នុងការឆ្លើយតបទៅនឹងការកោះហៅសម្រាប់ការសាកសួរដោយការស៊ើបអង្កេតដាច់ដោយឡែកពីគ្នាដោយការិយាល័យរបស់អគ្គរដ្ឋអាជ្ញានោះទេ។ លោក Yoon បានលើកឡើងថា លោកនៅតែបង្កើតក្រុមច្បាប់សម្រាប់ការការពាររបស់លោកជាហេតុផល។
បច្ចុប្បន្ននេះរដ្ឋាភិបាលដែលដឹកនាំដោយប្រធានាធិបតីស្តីទី លោក Han Duck-soo កំពុងផ្លាស់ប្តូរយ៉ាងឆាប់រហ័ស ដើម្បីធានាដល់ដៃគូអន្តរជាតិ និងទីផ្សារហិរញ្ញវត្ថុស្ងប់ស្ងាត់ ខណៈដែលគណបក្សប្រឆាំងធំបានសន្យាថានឹងសហការក្នុងកិច្ចខិតខំប្រឹងប្រែងដើម្បីធ្វើឱ្យស្ថានការណ៍មានស្ថិរភាពឡើងវិញ។
តាមសេចក្តីរាយការណ៍របស់រ៉យទ័រដដែល នៅព្រឹកព្រលឹមថ្ងៃទី១៦ខែធ្នូ រដ្ឋមន្ត្រីក្រសួងហិរញ្ញវត្ថុ ទេសាភិបាលធនាគារកណ្តាលកូរ៉េ និងនិយតករហិរញ្ញវត្ថុកំពូលបានជួបប្រជុំគ្នា និងបានសន្យាតាមដានគ្រប់ពេលវេលានៃទីផ្សារហិរញ្ញវត្ថុ និងរូបិយប័ណ្ណបរទេស៕
ដោយ រ៉ាន់ រើយ

-
ព័ត៌មានអន្ដរជាតិ២១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ