ខ្លាំងទៅៗហើយ! យោធាមីយ៉ាន់ម៉ាចេញដីកាចាប់ខ្លួនប្រេសិតពិសេសប្រចាំ UN

យោធាមីយ៉ាន់ម៉ាកំពុងតែបង្កើនសម្ពាធទៅលើក្រុមមួយដែលបង្កើតឡើងដោយសមាជិកសភាមកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី ។

ទូរទស្សន៍រដ្ឋរបស់ប្រទេសនេះបានរាយការណ៍កាលពីថ្ងៃអង្គារថា យោធាបានចេញដីកាចាប់ខ្លួនសម្រាប់ប្រេសិតពិសេសប្រចាំ UN ដែលត្រូវបានតែងតាំងដោយគណៈកម្មាធិការតំណាងសភា Pyidaungsu Hluttaw ឬ CRPH ដែលជាស្ថាប័នសមាជិកសភារួមទាំងសមាជិក NLD ផងដែរ ។ យោធាបានចោទប្រកាន់បេសកជននោះពីបទក្បត់ជាតិ ។

CRPH អំពាវនាវឲ្យជនស៊ីវិលបន្តការតវ៉ាដោយនិយាយថា សកម្មភាពផ្លូវច្បាប់សម្រាប់ការពារខ្លួនមិនមែនជាឧក្រិដ្ឋកម្មទេ ខណៈយោធានិយាយថា ក្រុមនេះគឺខុសច្បាប់ ។

យោធាបានប្រកាសច្បាប់អាជ្ញាសឹកសម្រាប់តំបន់មួយចំនួនក្នុងទីក្រុងយ៉ាំងហ្គោនកាលពីថ្ងៃអាទិត្យដើម្បីបង្ក្រាបការតវ៉ា ។

កាលពីថ្ងៃអង្គារបាតុកម្មបានកើតឡើងនៅទូទាំងប្រទេស ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា មនុស្ស ២ នាក់ត្រូវបានសម្លាប់នៅពេលដែលកម្លាំងសន្តិសុខបានបាញ់រះទៅលើក្រុមអ្នកតវ៉ានៅទីក្រុងយ៉ាំងហ្គោន និងកន្លែងផ្សេងទៀត ។

UN និយាយថា យ៉ាងហោចណាស់មានមនុស្ស ១៨៣ នាក់ត្រូវបានសម្លាប់ក្នុងការបង្ក្រាបចាប់តាំងពីរដ្ឋប្រហារនៅថ្ងៃទី ១ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ យោធា​​មីយ៉ាន់ម៉ា​បាន​គ្រប់​គ្រង​​គណនី​​ធនាគារ​​មូលនិធិ​​ OSF​ របស់​​មហាសេដ្ឋី Soros

ចុចអាន ៖ មិនធូរស្បើយឡើយ! ចំនួនបាតុករ ស្លាប់ក្នុងរដ្ឋប្រហារយោធាមីយ៉ាន់ម៉ាកើនឡើងទៀតហើយ