ព័ត៌មានអន្ដរជាតិ

មីយ៉ាន់ម៉ាសន្យាជាមួយចិនថានឹងបង្ក្រាបឲ្យកាន់តែខ្លាំងលើក្រុមឆបោកតាមព្រំដែន

បានផុស

១ year មុន

នៅ

ថ្ងៃអង្គារ ១៨ កុម្ភៈ ២០២៥

ដោយ

រដ្ឋាភិបាលយោធាមីយ៉ាន់ម៉ា បានសន្យាជាមួយមន្ត្រីជាន់ខ្ពស់ចិនថា ខ្លួននឹងបង្ក្រាបយ៉ាងធ្ងន់ធ្ងរ លើក្រុមអ្នកឆបោក ចំពេលមានសម្ពាធកាន់តែខ្លាំងពីទីក្រុងប៉េកាំងឱ្យចាត់វិធានការលើឧក្រិដ្ឋកម្មឆ្លងដែន ដែលប៉ះពាល់ដល់មនុស្សជាច្រើន រួមទាំងពលរដ្ឋចិនផងដែរ។ នេះបើយោងតាមការចេញផ្សាយរបស់សារព័ត៌មាន Bangkok Post នៅថ្ងៃទី១៨ខែកុម្ភៈនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលមីយ៉ាន់ម៉ា បានសន្យាថា នឹងខិតខំប្រឹងប្រែងឲ្យខ្លាំងនិងធ្វើការជាមួយប្រទេសចិន និងប្រទេសជិតខាងផ្សេងទៀត ដើម្បីប្រយុទ្ធប្រឆាំងនឹងក្រុមអ្នកឆបោកនៅតាមព្រំដែន។ ការសន្យានេះកើតមាន ក្រោយពីកិច្ចពិភាក្សាដែលបានធ្វើឡើងកាលពីចុងសប្តាហ៍កន្លងទៅ រវាងលោក Liu Zhongy អនុរដ្ឋមន្ត្រីសន្តិសុខសាធារណៈរបស់ប្រទេសចិន និងជាស្នងការនៃការិយាល័យស៊ើបអង្កេតឧក្រិដ្ឋកម្ម ជាមួយឧបនាយករដ្ឋមន្ត្រី និងជារដ្ឋមន្ត្រីការបរទេសមីយ៉ាន់ម៉ា លោក Than Shwe និងរដ្ឋមន្ត្រីក្រសួងមហាផ្ទៃមីយ៉ាន់ម៉ា លោក Lt Gen Tun Tun Naung។

ទីភ្នាក់ងារសារព័ត៌មានរដ្ឋ Xinhua របស់ប្រទេសចិន បានរាយការណ៍ដោយដកស្រង់សេចក្តីថ្លែងការណ៍ថា៖«ភាគីមីយ៉ាន់ម៉ាបានបញ្ជាក់ថា ខ្លួនយកចិត្តទុកដាក់យ៉ាងខ្លាំងចំពោះការបង្ក្រាបយ៉ាងធ្ងន់ធ្ងរលើអំពើខុសច្បាប់ និងឧក្រិដ្ឋកម្ម ដូចជាល្បែងអនឡាញ និងការក្លែងបន្លំតាមទូរគមនាគមន៍»។

រដ្ឋាភិបាលមីយ៉ាន់ម៉ាក៏បានបង្ហាញពីវិធានការជាក់លាក់ដើម្បីអនុវត្តន៍ប្រឆាំងនឹងក្រុមឆបោកនាពេលអនាគតផងដែរ។

របបយោធាមីយ៉ាន់ម៉ាក៏នឹងត្រៀមនឹងប្រគល់ជនបរទេសប្រហែល ១០០០នាក់ដែលត្រូវបានជួយសង្គ្រោះពីប្រតិបត្តិករបោកប្រាស់នៅជិតព្រំដែនថៃទៅប្រទេសថៃ។

លោកLiu Zhongyi ក៏បានទៅទស្សកិច្ទនៅព្រំដែនថៃ-មីយ៉ាន់ម៉ា មុនពេលដែលរំពឹងថានឹងមានការធ្វើមាតុភូមិនិវត្តន៍ដ៏ធំនៃកម្មករបរទេសដែលជួយសង្គ្រោះពីកន្លែងឆបោកទៅកាន់ប្រទេសកំណើតវិញ៕