ព័ត៌មានអន្ដរជាតិ
កូរ៉េខាងជើងបាញ់មីស៊ីលចូលសមុទ្រលឿង ខណៈអាមេរិក-កូរ៉េខាងត្បូងកំពុងធ្វើសមយុទ្ធ
ប្រទេសកូរ៉េខាងជើង បានបាញ់មីស៊ីលជាច្រើនគ្រាប់ចូលទៅក្នុងសមុទ្រលឿងនៅថ្ងៃចន្ទទី១០ខែមីនានេះ ស្របពេលដែលកងកម្លាំងកូរ៉េខាងត្បូង និងសហរដ្ឋអាមេរិកកំពុងចាប់ផ្ដើមសមយុទ្ធប្រចាំឆ្នាំរួមគ្នា។

អគ្គសេនាធិការចម្រុះកូរ៉េខាងត្បូង (JCS) បានរាយការណ៍ពីការបាញ់មីស៊ីលចេញពីខេត្ត Hwanghae នៃប្រទេសកូរ៉េខាងជើង នៅម៉ោងប្រមាណជា ១និង៥០នាទីរសៀល ម៉ោងក្នុងស្រុក។ យ៉ាងណាមិញ ព័ត៌មានលម្អិតអំពីចំនួនគ្រាប់ ឬរយៈចម្ងាយមិនទាន់ត្រូវបានបង្ហាញនៅឡើយទេ។
JCS បាននិយាយថា ខ្លួនបានពង្រឹងការឃ្លាំមើល និងរក្សាជំហរត្រៀមខ្លួនពេញលេញ ក្រោមកិច្ចសហប្រតិបត្តិការជិតស្និទ្ធជាមួយសហរដ្ឋអាមេរិក។
ជាការកត់សម្គាល់ នេះគឺជាការបាញ់សាកល្បងមីស៊ីលប៉ាលិស្ទិកដំបូងគេរបស់កូរ៉េខាងជើង គិតចាប់តាំងពីប្រធានាធិបតីអាមេរិកលោក ដូណាល់ ត្រាំ ស្បថចូលកាន់តំណែងនៅអាណត្តិទីពីរកាលពីខែមករាឆ្នាំ២០២៥។
សមយុទ្ធប្រចាំឆ្នាំរវាងអាមេរិក និងកូរ៉េខាងត្បូង មានឈ្មោះថា «Freedom Shield» ធ្វើឡើងចាប់ពីថ្ងៃទី១០ដល់ថ្ងៃទី២០ខែមីនា។ កូរ៉េខាងជើងយល់ថា សមយុទ្ធបែបនេះជាការហាត់សមសម្រាប់ការឈ្លានពាន ហើយបានថ្កោលទោសជាប់លាប់ពួកគេថាជា «ទង្វើបង្កហេតុដ៏គ្រោះថ្នាក់»៕
ដោយ៖ ឈាង
ចុចអាន៖ កូរ៉េខាងជើង៖ សមយុទ្ធអាមេរិក-កូរ៉េខាងត្បូង ជាសកម្មភាពបង្កហេតុដ៏គ្រោះថ្នាក់

-
សន្តិសុខសង្គម៣ ថ្ងៃ ago
ស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ១ ថ្ងៃ ago
មណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ៦ ថ្ងៃ ago
បន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម៣ ថ្ងៃ ago
ថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ២ ថ្ងៃ ago
បាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ២ ថ្ងៃ ago
សមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៣ ថ្ងៃ ago
សម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក
-
ព័ត៌មានអន្ដរជាតិ៥ ម៉ោង ago
រុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ