ព័ត៌មានអន្ដរជាតិ

ប្រជាជនកូរ៉េ ភ្នាល់គ្នា ចាក់លុយ យ៉ាងទូលាយជុំវិញសាលក្រមលោក Yoon ដែលជិតចេញ

បានផុស

២ ខែ មុន

នៅ

ថ្ងៃអង្គារ ១៨ មីនា ២០២៥

ដោយ

សាលក្រមតុលាការធម្មនុញ្ញរបស់ប្រទេសកូរ៉េខាងត្បូងលើសំណុំរឿងបណ្តេញចេញពីអំណាចរបស់ប្រធានាធិបតី Yoon Suk Yeol បានក្លាយជាគោលដៅនៃការភ្នាល់គ្នា ចាក់លុយ យ៉ាងទូលំទូលាយនៅប្រទេសកូរ៉េខាងត្បូងតាំងពីប្រជាជនរហូតដល់មន្ត្រីក្នុងរដ្ឋបាល។

ប្រជាជនកូរ៉េខាងត្បូងចេញតវ៉ាតាមដងផ្លូវទាមទារឲ្យតុលាការទម្លាក់លោក Yoon។ yonhap

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍របស់សារព័ត៌មានកូរ៉េ JoonAng បានផ្សាយថា ការបង្ហោះជាច្រើនបានលេចឡើងនៅលើសហគមន៍អនឡាញកាលពីថ្ងៃអាទិត្យអំពីការដាក់ភ្នាល់លើលទ្ធផលនៃសាលក្រមរបស់តុលាការធម្មនុញ្ញ។

ការភ្នាល់គ្នានោះគឺកើតឡើងក្នុងចំណោមមិត្តភ័ក្តិ ឬអ្នកស្គាល់គ្នា ទៅតាមការយល់ឃើញរបស់ពួកគេ ជាពិសេស គឺថា ផ្តោតលើលទ្ធផល ថាតើ លោក Yoon នឹងត្រឡប់ទៅកាន់អំណាចវិញ ឬក៏ត្រូវបណ្តេញចេញជាផ្លូវការ។

ការចុះផ្សាយរបស់សារព័ត៌មានកូរ៉េ បានដកស្រង់សំណេររបស់អ្នកប្រើប្រាស់ម្នាក់ដែលបានសរសេរថា ពួកគេបានដាក់ «ការភ្នាល់ស្នេហាជាតិ» សម្រាប់ការបណ្តេញចេញពីតំណែងនៅក្នុងការភ្នាល់១០ម៉ឺនវ៉ុន (៦៩ដុល្លារ) ជាមួយមិត្តភ័ក្តិរបស់ពួកគេ។ អ្នកប្រើប្រាស់ម្នាក់ទៀតបានបង្ហោះថា ពួកគេកំពុងភ្នាល់១០ម៉ឺនវ៉ុនសម្រាប់ការអនុម័តការចោទប្រកាន់ និងកំពុងស្វែងរកនរណាម្នាក់ដើម្បីភ្នាល់។

ការចាប់អារម្មណ៍ក្នុងការទស្សន៍ទាយនិងភ្នាល់គ្នាលើលទ្ធផលនៃសាលក្រមនេះបានផ្ទុះឡើងកាន់តែខ្លាំង នៅពេលដែលការប្រកាសសាលក្រមលើសំណុំរឿងប្រឆាំងប្រធានាធិបតី Yoon Suk Yeol បានចាយពេលយូរជាងករណីចោទប្រកាន់ប្រធានាធិបតីមុនៗ។ កាលពីចុងសប្តាហ៍ ក្រុមអ្នកតវ៉ាប្រឆាំងនឹងការចោទប្រកាន់ក៏បានសន្និដ្ឋានលើសេចក្តីសម្រេចរបស់តុលាការធម្មនុញ្ញដោយប្រើទម្រង់ពិន្ទុកីឡា។

អ្នកអត្ថាធិប្បាយនៅឯការជួបជុំប្រឆាំងនឹងការចោទប្រកាន់បាននិយាយថា៖ «យើងត្រូវធ្វើការប្រារព្ធពិធី។ «តុលាការនឹងច្រានចោលការចោទប្រកាន់របស់ Yoon នៅក្នុងសេចក្តីសម្រេច ៤ទល់៤» ដែលជាការលើកទឹកចិត្តដល់ហ្វូងមនុស្ស។

ទន្ទឹមនឹងនោះ នៅឯបាតុកម្មគាំទ្រការចោទប្រកាន់ អ្នកចូលរួមបានស្រែកថា «ការដកដំណែង ៨-0»។ ៨-០ បានសេចក្តីថា ចៅក្រមនៃតុលាការធម្មនុញ្ញទាំង៨រូបដែលស្ថិតនៅក្នុងតំណែងទាំងអស់នឹងបោះឆ្នោតគាំទ្រទម្លាក់លោក Yoon។

ការភ្នាល់លើការចោទប្រកាន់ទម្លាក់អំណាចនេះមិនមែនមានតែក្នុងចំណោប្រជាជនសាមញ្ញ អាជីវករ ពាណិជ្ជករ នោះទេ សូម្បីអ្នកច្បាប់និងអ្នកមានតួនាទីកំពូលៗក៏ចូលរួមដែរ។

តាមការផ្សាយរបស់កាសែត JoonAng លោក Seok Dong-hyun តំណាងផ្នែកច្បាប់របស់ Yoon បានសរសេរនៅលើ Facebook ដែលថ្លែងទៅកាន់អតីតរដ្ឋមន្ត្រីច្បាប់ Lee Seok-yeon កាលពីខែមុនថា «លោករដ្ឋមន្ត្រី Lee តស់ភ្នាល់៖ ភាគីរបស់លោកលើការយល់ព្រមលើការចោទប្រកាន់ ការបណ្តេញចេញ»។

ដោយបន្ថែមថា៖‍«មិនថាអ្នកណាឈ្នះ ខ្ញុំនឹងបរិច្ចាគ ១លានវ៉ុន ខណៈពេលដែលអ្នក ប្រសិនបើអ្នកចាញ់ គួរតែបរិច្ចាគចំនួនទឹកប្រាក់ដែលស្មើនឹងតម្លៃនៃការចាក់ផ្សាយរបស់អ្នកទៅកាន់សហគមន៍អុកកូរ៉េ (Community Chest of Korea)»។

សាលក្រមលើសំណុំរឿងចោទប្រកាន់ទម្លាក់អំណាចប្រធានាធិបតី Yoon Suk Yeol ត្រូវគេរំពឹងយ៉ាងទូលំទូលាយថា នឹងកើតមាននៅសប្តាហ៍នេះ។ ទោះបីជាបែបណា វាក៏បានក្លាយជាសាលក្រមដ៏យូរធៀបសាលកម្រចោទប្រកាន់ប្រធានាធិបី២រូបក្នុងពេលកន្លងមក៕

ដោយ រ៉ាន់ រើយ