ព័ត៌មានអន្ដរជាតិ
លោក ត្រាំ នឹងបញ្ចេញឯកសារសម្ងាត់ចំនួន ៨០ ០០០ទំព័រ ពាក់ព័ន្ធនឹងរឿងក្ដីធ្វើឃាតលោក Kennedy
ប្រធានាធិបតីអាមេរិកលោក ដូណាល់ ត្រាំ បានប្រកាសថា លោកគ្រោងនឹងចេញផ្សាយឯកសារប្រហែល ៨០ ០០០ទំព័រ ដែលទាក់ទងនឹងការធ្វើឃាតអតីតប្រធានាធិបតី John F. Kennedy (JFK)។ ឯកសារទាំងនេះ នឹងដាក់បង្ហាញជាសាធារណៈនៅថ្ងៃអង្គារទី១៨ខែមីនានេះ ដោយបំពេញតាមការសន្យាអំឡុងពេលយុទ្ធនាការឃោសនាបោះឆ្នោតរបស់លោក ត្រាំ ដើម្បីបំភ្លឺអំពីព្រឹត្តិការណ៍ជុំវិញការធ្វើឃាតលោក Kennedy ក្នុងទីក្រុង Dallas រដ្ឋ Texas កាលពីថ្ងៃទី២២ខែវិច្ឆិកាឆ្នាំ១៩៦៣។
ក្នុងដំណើរទស្សនកិច្ចនៅមជ្ឈមណ្ឌល Kennedy ក្នុងរដ្ឋធានីវ៉ាស៊ីនតោនកាលពីថ្ងៃចន្ទ លោក ត្រាំ បាននិយាយថា៖ «មនុស្សម្នារង់ចាំរាប់ទសវត្សរ៍សម្រាប់រឿងនេះ»។ លោកបានបន្ថែមថា ការចេញផ្សាយនេះនឹងមានលក្ខណៈ«គួរឲ្យចាប់អារម្មណ៍ខ្លាំងណាស់»។
ការកត់សម្គាល់របស់លោក ត្រាំ អនុវត្តតាមបទបញ្ជាប្រតិបត្តិខែមករា ដែលអំពាវនាវឲ្យមានការចេញផ្សាយនូវកំណត់ត្រាដែលនៅសេសសល់ទាំងអស់ស្តីពីការធ្វើឃាតអតីតប្រធានាធិបតីទី៣៥របស់អាមេរិក ក៏ដូចជាឯកសារទាក់ទងនឹងការធ្វើឃាតលោក Robert F Kennedy និងទស្សនវិទូនយោបាយនិងជាសកម្មជនល្បីឈ្មោះ លោក Martin Luther King Jr.។
នៅក្រោមបទបញ្ជានេះ លោក ត្រាំ បានណែនាំឲ្យនាយកស៊ើបការណ៍ជាតិ លោក Tulsi Gabbard បង្ហាញផែនការក្នុងរយៈពេល ១៥ថ្ងៃសម្រាប់ «ការចេញផ្សាយពេញលេញ និងទាំងស្រុង» នៃឯកសារស្តីពីការធ្វើឃាត JFK។
ការស្លាប់របស់ JFK បានធ្វើឲ្យសង្គមអាមេរិកមានមន្ទិលអស់ជាច្រើនទស្សវត្សមកហើយ ជាមួយនឹងការស្ទង់មតិបង្ហាញថា ជនជាតិអាមេរិកភាគច្រើននៅតែសង្ស័យពីការពន្យល់ជាផ្លូវការនៃករណីនេះ។
នៅក្នុងការស្ទង់មតិរបស់ Gallup ឆ្នាំ២០២៣ ប្រជាជនអាមេរិក ៦៥ភាគរយ បាននិយាយថា ពួកគេមិនទទួលយកការរកឃើញរបស់គណៈកម្មការ Warren ដែលថា លោក Lee Harvey Oswald ដែលជាទាហានជើងចាស់ម៉ារីនអាមេរិកដែលត្រូវបានចាប់ខ្លួនជុំវិញការស្លាប់របស់ JFK បានធ្វើសកម្មភាពតែម្នាក់ឯងនៅក្នុងការសម្លាប់ប្រធានាធិបតីឡើយ។
២០ភាគរយនៃអ្នកដែលត្រូវបានស្ទង់មតិផ្សេងទៀត បានប្រាប់ថា ពួកគេជឿថា លោក Oswald បានឃុបឃិតជាមួយរដ្ឋាភិបាលសហរដ្ឋអាមេរិក ខណៈ ១៦ភាគរយ យល់ឃើញថា លោក Oswald បានបម្រើការឲ្យ CIA៕
ដោយ៖ ឈាង
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ