ព័ត៌មានអន្ដរជាតិ
លោក Macron៖ បារាំងអាចប្រកាសទទួលស្គាល់រដ្ឋប៉ាឡេស្ទីននៅខែមិថុនាខាងមុខ
នៅក្នុងបទសម្ភាសន៍ជាមួយទូរទស្សន៍ France 5 កាលពីថ្ងៃទី៩ខែមេសាឆ្នាំ២០២៥ លោក Emmanuel Macron បានប្រកាសថា ប្រទេសបារាំងអាចនឹងប្រកាសទទួលស្គាល់រដ្ឋប៉ាឡេស្ទីនជាផ្លូវការនាខែមិថុនាខាងមុខ។
លោកប្រធានាធិបតីបារាំង បាននិយាយថា៖ «យើងត្រូវតែឆ្ពោះទៅរកការទទួលស្គាល់ ហើយយើងនឹងធ្វើដូច្នេះនៅប៉ុន្មានខែខាងមុខនេះ»។ លោក Macron បានសង្កត់ធ្ងន់ថា វិធានការនេះ នឹងជួយលើកទឹកចិត្តឲ្យបណ្ដាប្រទេសផ្សេងទៀតនៅមជ្ឈិមបូព៌ាទទួលស្គាល់រដ្ឋប៉ាឡេស្ទីនផងដែរ។ លោកបន្ថែមថា បារាំងត្រៀមនឹងចូលរួមក្នុងសន្និសីទមួយនៅទីក្រុងញ៉ូវយ៉ក ដោយមានគោលបំណងជំរុញការអនុវត្តនៃដំណោះស្រាយរដ្ឋពីរ ហើយអាចជារបត់សំខាន់នៅក្នុងជម្លោះរវាងអ៊ីស្រាអែល-ប៉ាឡេស្ទីន។
ខណៈពេលដែលប្រទេសចំនួន១៤៧ បានទទួលស្គាល់ប៉ាឡេស្ទីនជារដ្ឋអធិបតេយ្យរួចហើយ មហាអំណាចលោកខាងលិច រួមមានសហរដ្ឋអាមេរិក ចក្រភពអង់គ្លេស អាល្លឺម៉ង់ និងជប៉ុន មិនទាន់បានចាត់វិធានការនេះនៅឡើយទេ។ ការទទួលស្គាល់ដ៏មានសក្តានុពលរបស់ប្រទេសបារាំង នឹងអាចតំណាងឲ្យការផ្លាស់ប្តូរដ៏សំខាន់នៅក្នុងគោលជំហរគោលនយោបាយការបរទេសរបស់ខ្លួន។
មន្ត្រីអ៊ីស្រាអែល បានសម្ដែងការប្រឆាំងនឹងការទទួលស្គាល់បែបនេះ។ រដ្ឋមន្ត្រីការបរទេសអ៊ីស្រាអែល លោក Gideon Saar បានចាត់ទុកចំណាត់ការនេះថាជា «រង្វាន់សម្រាប់អំពើភេរវកម្ម» ហើយបានបញ្ជាក់ថា វានឹងជំរុញក្រុមសកម្មប្រយុទ្ធហាម៉ាសឲ្យរារាំងដល់កិច្ចខិតខំប្រឹងប្រែងសន្តិភាព៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ