ព័ត៌មានអន្ដរជាតិ
មនុស្ស២៣៦នាក់រងរបួសក្នុងគ្រោះរញ្ជួយដី ៦.២ រ៉ិចទ័រវាយប្រហារទីក្រុងអ៊ីស្តង់ប៊ុលប្រទេសតួកគី
គ្រោះរញ្ជួយដីកម្រិត ៦.២ រ៉ិចទ័រ បានវាយប្រហារនៅឆ្នេរសមុទ្រនៃទីក្រុងអ៊ីស្តង់ប៊ុលប្រទេសតួកគីនៅដើមបូព៌ា បានធ្វើឱ្យអគារនានារង្កើញ័រ និងធ្វើឱ្យប្រជាជនមានការភ័យស្លន់ស្លោយ៉ាងខ្លាំង។ នេះបើយោងតាមការចេញផ្សាយរបស់ទីភ្នាក់់ងារព័ត៌មាន AP នៅថ្ងៃទី២៤ខែមេសានេះ។
បើយោងតាមទីភ្នាក់ងារគ្រប់គ្រងគ្រោះមហន្តរាយ និងសង្គ្រោះបន្ទាន់របស់ប្រទេសតួកគី (AFAD) គ្រោះរញ្ជួយដីនេះបានកើតឡើងនៅសមុទ្រ Marmara ជិតទីក្រុង Silivri ដែលមានចម្ងាយប្រហែល៧០គីឡូម៉ែត្រ ទៅភាគខាងលិចនៃទីក្រុងអ៊ីស្តង់ប៊ុលនៅម៉ោង១២:៤៩ថ្ងៃត្រង់ កាលពីថ្ងៃពុធ។
បើតាមអាជ្ញាធរក្រុងអ៊ីស្តង់ប៊ុល មិនមានអ្នកបាត់បង់អាយុជីវិតនោះទេ ប៉ុន្តែមនុស្ស ២៣៦ នាក់បានរងរបួស បន្ទាប់ពី លោតពីកម្ពស់ខ្ពស់ៗនៃអគានានា ដោយសារភ័យស្លន់ស្លោ។ ក្នុងនោះមនុស្ស១៧៣នាក់រងរបួសក្នុងទីក្រុងអ៊ីស្តង់ប៊ុល ខណៈផ្សេងទៀតនៅក្នុងខេត្តជុំវិញទីក្រុង។ អាជ្ញាធរបានបន្ថែមថា មិនមានអគារលំនៅដ្ឋានណាមួយត្រូវបានខូចខាតនោះទេ ប៉ុន្តែមានអគារដែលគេបោះបង់ចោលមួយបានដួលរលំ។
រដ្ឋមន្ត្រីក្រសួងមហាផ្ទៃតួកគី លោក Ali Yerlikaya ក៏បានឲ្យដឹងដែរថារញ្ជួយដីនេះមានរយៈពេលសរុប១៣ វិនាទីក្នុងជម្រៅ ៧ គីឡូម៉ែត្រ និងមានរញ្ជួយចំនួន ៥១ បន្តបន្ទាប់ទៀតរហូតមកដល់ពេលនេះដែលកម្រិតខ្ពស់បំផុតគឺ ៥.៩ រ៉ិចទ័រ។
គួរបញ្ជាក់ថាប្រទេសតួកគីគឺជាតំបន់មួយក្នុងចំណោមតំបន់ដែលមានសកម្មភាពរញ្ជួយខ្លាំងបំផុតនៅក្នុងពិភពលោក ខណៈការរញ្ជួយចុងក្រោយនៅក្នុងទីក្រុងអ៊ីស្តង់ប៊ុលគឺនៅពាក់កណ្តាលខែវិច្ឆិកា បានបង្កឱ្យមានការភ័យស្លន់ស្លោមួយរយៈពេលខ្លី ប៉ុន្តែមិនមានការខូចខាត ឬរបួសនោះទេ។
ចំពោះការរញ្ជួយដីដ៏សាហាវរបស់ប្រទេសនេះគឺ កាលពីថ្ងៃទី ០៦ ខែកុម្ភៈ ឆ្នាំ ២០២៣ កម្រិត ៧.៨ រ៉ិចទ័រ និងការរញ្ជួយដ៏ខ្លាំងលើកទីពីរបានកើតឡើងប៉ុន្មានម៉ោងក្រោយមក បានបំផ្លាញ ឬខូចខាតអគាររាប់សែនខ្នងនៅក្នុងខេត្តចំនួន ១១ភាគខាងត្បូង និងភាគអាគ្នេយ៍នៃប្រទេសតួកគី ដែលបណ្តាលឱ្យមនុស្សជាង ៥៣០០០ នាក់បានស្លាប់។ ចំណែកប្រទេសជិតខាងស៊ីរី ក៏មានមនុស្ស៦០០០នាក់បានស្លាប់ផងដែរ៕
អត្ថបទ៖ ប៊ុន សុភាព
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ១ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ