ព័ត៌មានអន្ដរជាតិ
អង់គ្លេស ចាប់ដៃជាមួយអាមេរិក ទម្លាក់គ្រាប់បែកលើក្រុមហ៊ូធីនៅប្រទេសយេម៉ែន
កាលពីថ្ងៃទី២៩ខែមេសាឆ្នាំ២០២៥ ចក្រភពអង់គ្លេស និងសហរដ្ឋអាមេរិក បានរួមគ្នាវាយប្រហារតាមអាកាសសំដៅទៅលើរោងចក្រផលិតយន្តហោះគ្មានមនុស្សបើករបស់ក្រុមហ៊ូធី ដែលមានចម្ងាយប្រហែល ២៥គីឡូម៉ែត្រពីភាគខាងត្បូងរដ្ឋធានីសាណា នៃប្រទេសយេម៉ែន។
ប្រតិបត្តិការនេះ គឺជាសកម្មភាពយោធាលើកដំបូងរបស់អង់គ្លេសក្នុងប្រទេសយេម៉ែន គិតចាប់តាំងពីការវិលត្រឡប់មកកាន់តំណែងក្នុងអាណត្តិទីពីររបស់ប្រធានាធិបតី ដូណាល់ ត្រាំ កាលពីខែមករាកន្លងទៅ។
កងទ័ពអាកាសអង់គ្លេស (RAF) បានប្រើយន្តហោះចម្បាំង Typhoon FGR4 ដើម្បីទម្លាក់គ្រាប់បែក Paveway IV ក្នុងប្រតិបត្តិការវាយប្រហារលើក្រុមសកម្មប្រយុទ្ធហ៊ូធី។ គ្រាប់បែក Paveway IV ដែលអង់គ្លេសប្រើលើកនេះ គឺជាប្រភេទគ្រាប់បែកតម្លៃថ្លៃបំពាក់ប្រព័ន្ធបច្ចេកវិទ្យាដ៏ទំនើប ដែលធានាថាពេលទម្លាក់ គឺត្រូវតែចំគោលដៅ ហើយការគ្រាប់បែកប្រភេទនេះ គឺដើម្បីកាត់បន្ថយហានិភ័យដល់ជនស៊ីវិល និងហេដ្ឋារចនាសម្ព័ន្ធមិនមែនយោធា។
រដ្ឋមន្ត្រីការពារជាតិអង់គ្លេស លោក John Healey បាននិយាយថា ប្រតិបត្តិការនេះគឺជាការឆ្លើយតបទៅនឹងការវាយប្រហាររបស់ក្រុមហ៊ូធី លើការដឹកជញ្ជូនតាមផ្លូវទឹកនៅសមុទ្រក្រហម និងឈូងសមុទ្រអេឌិន ដែលបានរំខានដល់ពាណិជ្ជកម្មពិភពលោក និងគំរាមកំហែងដល់ការធ្វើនាវាចរណ៍អន្តរជាតិ។
ការវាយប្រហារតាមអាកាសរួមគ្នា គឺជាផ្នែកមួយនៃប្រតិបត្តិការ «Rough Rider» ដែលបានចាប់ផ្តើមដោយសហរដ្ឋអាមេរិកក្នុងខែមីនាឆ្នាំ២០២៥ ដើម្បីបន្ថយសមត្ថភាពរបស់ហ៊ូធី ដែលជាក្រុមឧទ្ទាមមានការគាំទ្រដោយអ៊ីរ៉ង់។ ចាប់តាំងពីប្រតិបត្តិការចាប់ផ្តើម ការវាយប្រហារជាង ៨០០លើក ត្រូវបានធ្វើឡើងប្រឆាំងនឹងគោលដៅរបស់ក្រុមហ៊ូធី។
ក្រុមហ៊ូធី បានកំណត់គោលដៅលើកប៉ាល់ពាណិជ្ជកម្ម និងបង្កគ្រោះថ្នាក់ដល់ការធ្វើនាវាចរណ៍នៅសមុទ្រក្រហមចាប់តាំងពីខែវិច្ឆិកាឆ្នាំ២០២៣ ដោយលើកឡើងថា ការធ្វើដូច្នេះបង្ហាញពីសាមគ្គីភាពជាមួយប៉ាឡេស្ទីនជុំវិញជម្លោះអ៊ីស្រាអែល និងក្រុមហាម៉ាសនៅតំបន់ហ្គាហ្សា។ ជាការកត់សម្គាល់ សកម្មភាពរបស់ហ៊ូធី បាននាំឲ្យមានការធ្លាក់ចុះយ៉ាងខ្លាំងក្នុងការចរាចរដឹកជញ្ជូននៅសមុទ្រក្រហម ដែលប៉ះពាល់ដល់ស្ថិរភាពសេដ្ឋកិច្ចពិភពលោក៕
ដោយ៖ ឈាង
-
ព័ត៌មានជាតិ២ ថ្ងៃ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ចរាចរណ៍២ ថ្ងៃ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
សេដ្ឋកិច្ច៤ ថ្ងៃ agoអគារប្រណីតពន្ធដារថ្មី ដាក់ឱ្យប្រើប្រាស់នៅថ្ងៃនេះ
-
ព័ត៌មានអន្ដរជាតិ៤ ថ្ងៃ agoសុខភាពបុត្រីស្ដេចថៃ ធ្លាក់ចុះដុនដាបខ្លាំង ដោយសារការឆ្លងមេរោគធ្ងន់ធ្ងរ
-
ព័ត៌មានជាតិ២ ថ្ងៃ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ៧ ថ្ងៃ agoអាជ្ញាធរចិន ដាក់ក្រុមហ៊ុនថៃនាំចេញសាច់មាន់១៧ ក្នុង«បញ្ជីខ្មៅ»
-
ព័ត៌មានជាតិ១ សប្តាហ៍ agoផ្លូវបុរាណចំនួន ៧ ខ្សែ សាងសង់ភ្ជាប់ពីរាជធានីអង្គរទៅតំបន់ឆ្ងាយៗក្នុងដែនដីអាណាចក្រខ្មែរ
-
ព័ត៌មានជាតិ២ ថ្ងៃ agoក្រសួងការងារ សម្ដែងក្តីរន្ធត់ចំពោះករណីគ្រោះថ្នាក់ចរាចរណ៍បណ្តាលឱ្យកម្មករជាង១០នាក់ស្លាប់និងរបួសជាង៣០នាក់