ព័ត៌មានអន្ដរជាតិ
អនុប្រធានាធិបតីអាមេរិក រិះគន់ថា រុស្ស៊ីទាមទារច្រើនពេកក្នុងកិច្ចចរចាសន្តិភាពអ៊ុយក្រែន
អនុប្រធានាធិបតីអាមេរិក លោក JD Vance បានសម្តែងការមិនពេញចិត្តយ៉ាងខ្លាំង ចំពោះលក្ខខណ្ឌជាច្រើនរបស់រុស្ស៊ី ក្នុងការចរចាសន្តិភាពដើម្បីបញ្ចប់សង្រ្គាមនៅអ៊ុយក្រែន ដោយពណ៌នាថា វាហួសហេតុ និងមិនសមហេតុផល។
ថ្លែងនៅក្នុងកិច្ចប្រជុំថ្នាក់ដឹកនាំទីក្រុង Munich នៅរដ្ឋធានីវ៉ាស៊ីនតោនកាលពីថ្ងៃពុធទី៧ឧសភា លោក Vance បានគូសបញ្ជាក់ថា ការទាមទាររបស់រុស្ស៊ី មានដូចជា ការរារាំងអ៊ុយក្រែនមិនឲ្យចូលជាសមាជិកអង្គការណាតូ ការទទួលស្គាល់ការតំបន់គ្រីមៀរនិងដែនដីភាគខាងកើតរបស់អ៊ុយក្រែនជាឧបសម្ព័ន្ធរបស់រុស្ស៊ី ការមិនអនុញ្ញាតឲ្យកងរក្សាសន្តិភាពអឺរ៉ុបនៅលើទឹកដីអ៊ុយក្រែន និងការទទួលស្គាល់ភាសារុស្ស៊ីនៅអ៊ុយក្រែន។ លោកអនុប្រធានាធិបតី បានបញ្ជាក់ថា ទាំងនេះហើយគឺជាឧបសគ្គដ៏ធំក្នុងការសម្រេចបាននូវដំណោះស្រាយការទូត។
លោក Vance បាននិយាយថា៖ «ខ្ញុំនឹងមិននិយាយថា រុស្ស៊ីមិនចាប់អារម្មណ៍ក្នុងការនាំយករឿងនេះទៅជាដំណោះស្រាយនោះទេ។ អ្វីដែលខ្ញុំនឹងនិយាយគឺថា ឥឡូវនេះ រុស្ស៊ីកំពុងស្នើសុំនូវការទាមទារច្រើន ដូចជាការសម្បទានជាក់លាក់ជាច្រើន ដើម្បីបញ្ចប់ជម្លោះ។ យើងគិតថា ពួកគេកំពុងស្នើសុំច្រើនពេក»។
លោក Vance បានសង្កត់ធ្ងន់លើភាពចាំបាច់នៃកិច្ចចរចាដោយផ្ទាល់រវាងអ៊ុយក្រែន និងរុស្ស៊ី ដោយបញ្ជាក់ថា ខណៈពេលដែលអាមេរិកគាំទ្រដំណោះស្រាយដោយសន្តិវិធី ខ្លួននឹងមិនគាំទ្រលក្ខខណ្ឌដែលធ្វើឲ្យខូចដល់អធិបតេយ្យភាពរបស់អ៊ុយក្រែនឡើយ។ លោកបានកត់សម្គាល់ថា សហរដ្ឋអាមេរិកបានស្នើបទឈប់បាញ់រយៈពេល ៣០ថ្ងៃ ដែលអ៊ុយក្រែនទទួលយក ប៉ុន្តែរុស្ស៊ីបានច្រានចោល ដោយចាត់ទុកវាមិនមែនជាផលប្រយោជន៍យុទ្ធសាស្ត្ររបស់ខ្លួននោះទេ។
ពាក់ព័ន្ធនឹងការលើកឡើងរបស់លោក Vance លោកប្រធានាធិបតី ដូណាល់ ត្រាំ បាននិយាយថា លោកពិតជាមិនសប្បាយចិត្តចំពោះរឿងនេះឡើយ ហើយសង្កត់ធ្ងន់ថា ប្រសិនបើមិនមានដំណើរការឆ្ពោះទៅមុខទេ អាមេរិកអាចនឹងពិចារណាឡើងវិញអំពីការចូលរួមរបស់ខ្លួនក្នុងការចរចា៕
ដោយ៖ ឈាង
មន្ត្រីជំនាញសុខាភិបាល ណែនាំពលរដ្ឋប្រុងប្រយ័ត្នជំងឺឆ្លង ៧ មុខ តែងតែកើតញឹកញាប់ក្នុងរដូវភ្លៀង
G7 ប្តេជ្ញាបន្តបង្កកលុយរបស់រុស្ស៊ី ទាល់សង្គ្រាមបញ្ចប់ ហើយអ៊ុយក្រែនទទួលសំណង
ចេញពីកិច្ចប្រជុំអាស៊ាននៅម៉ាឡេស៊ី សម្តេច ហ៊ុន ម៉ាណែត នឹងបន្តទៅបំពេញទស្សនកិច្ចនៅជប៉ុន
កម្ពុជា-ថៃ ឯកភាពបន្តកិច្ចព្រមព្រៀងលើវិស័យអប់រំ រយៈពេល ៣ ឆ្នាំបន្តទៀត
កម្មករ-កម្មការិនី ត្រូវរាយការណ៍ជាបន្ទាន់បើឃើញក្រុមហ៊ុនរោងចក្រណា មិនចុះបញ្ជីជាមួយ ប.ស.ស
ធ្លាក់យន្តហោះនៅ San Diego រដ្ឋកាលីហ្វ័រញ៉ា សម្លាប់មនុស្ស៦នាក់រួមទាំងតន្ត្រីករល្បី
រដ្ឋមន្ត្រីការពារជាតិថៃ ព្រមានពីហានិភ័យ ផ្ទុះរដ្ឋប្រហារថ្មីទៀត
នគរបាលកម្ពុជាកំពុងកសាងនីតិវិធីសហការជាមួយថៃចាប់ខ្លួនសកម្មជនប្រឆាំងម្នាក់
ភ្លៀងខ្លាំងម្សិលមិញនៅបូកគោ បណ្ដាលឲ្យលិចផ្លូវពីកំពត ទៅវាលរិញ
សម្ដេច ហ៊ុន សែន រំលែកផ្ញើសាររំលែកទុក្ខដល់វៀតណាម ចំពោះការបាត់បង់អតីតប្រធានាធិបតី ជិន ឌឹកលឿង
-
ចរាចរណ៍៦ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៤ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម២ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ចរាចរណ៍១ សប្តាហ៍ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍១ សប្តាហ៍ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានជាតិ៣ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៥ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
សន្តិសុខសង្គម៣ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច