ព័ត៌មានអន្ដរជាតិ
រុស្ស៊ី ប្រាប់ អ៊ុយក្រែន៖ «កុំស្តាប់ណាតូ!»
ឆ្លើយតបទៅរដ្ឋមន្ត្រីការបរទេសអ៊ុយក្រែន Andrey Sibiga ដែលលើកឡើងពាក់ព័ន្ធលទ្ធផលនៃកិច្ចប្រជុំនៅទីក្រុងអ៊ីស្តង់ប៊ុល, អ្នកនាំពាក្យក្រសួងការបរទេសរុស្ស៊ី Maria Zakharova អះអាងថា កុំស្តាប់ណាតូ! បើទីក្រុងកៀវ មិនជឿអង្គការណាតូទេនោះ ម្ល៉េះពួកគេប្រហែលជាមានឱកាសដោះស្រាយបញ្ចប់ជម្លោះជាមួយទីក្រុងមូស្គូបាត់ទៅហើយ។
មុននេះលោក Sibiga លើកឡើងថា «បើទុករឿងអត់បានការរបស់រុស្ស៊ី, សេចក្តីថ្លែងការបំផ្លៃប្រវត្តិសាស្រ្ត និងការញុះញង់នៅមួយឡែកសិន អ្វីដែលយើងសម្រេចបានគឺ ការវិលត្រឡប់របស់ប្រជាជនយើង ១ ០០០នាក់។ ទាំងនេះគឺជាគ្រួសារដែលមានសុភមង្គលចំនួន ១ ០០០ ហើយទោះវាជាហេតុផលអ្វីក៏ដោយ ប៉ុន្តែអ្វីគឺមានន័យណាស់»។
ជាការឆ្លើយតប លោកស្រី Zakharova និយាយកាលពីថ្ងៃអាទិត្យទី១៨ខែឧសភាឆ្នាំ២០២៥ថា «ទាំងអស់នេះគឺជាការស្នើឡើងដោយលោកប្រធានាធិបតីពូទីន ហើយអនុវត្តដោយគណៈប្រតិភូមួយដែលសម្រេចដោយប្រមុខរដ្ឋ។ សំណើរបស់រុស្ស៊ីមានអត្ថន័យជាក់លាក់ រឿងសំខាន់គឺថា អ៊ុយក្រែនមិនគួរអនុញ្ញាតឲ្យអង្គការណាតូដឹកមុខចេញពីផ្លូវពិត ទៅធ្លាក់ចូលជ្រោះជ្រៅ នាំផលប្រយោជន៍ឲ្យអ្នកដទៃម្តងទៀតនោះទេ»។
ពាក់ព័ន្ធនឹងរឿងដូចគ្នានេះ កាលពីថ្ងៃសុក្រជំនួយការលោកពូទីន គឺលោក Vladimir Medinsky ដែលដឹកនាំគណៈប្រតិភូទីក្រុងមូស្គូទៅពិភាក្សាជាមួយអ៊ុយក្រែននៅប្រទេសតួកគី ក៏និយាយដែរថា តាមពិត ភ្លើងសង្គ្រាមត្រូវរលត់តាំងតែពីប៉ុន្មានសប្តាហ៍ដំបូងមកម្ល៉េះ ប៉ុន្តែខាងទីក្រុងកៀវ មិនព្រមចរចាសោះ។
លោកនិយាយថា មកទល់ពេលនេះសង្គ្រាមបានអូសបន្លាយពេលអស់ជាង៣ឆ្នាំមកហើយ ប៉ុន្តែក្រោយពេលជម្លោះផ្ទុះឡើងបានប៉ុន្មានសប្តាហ៍ បើអ៊ុយក្រែនឯកភាពលើកិច្ចព្រមព្រៀងក្នុងការពិភាក្សាដំបូងនៅទីក្រុង Gomel នៃប្រទេសបេឡារុស កាលពីចុងខែកុម្ភៈ ម្ល៉េះអរិភាពក៏មិនបន្តមកដល់ពេលនេះដែរ។
លោកបន្តថា កិច្ចព្រមព្រៀងនោះនៅតែរក្សារហូតដល់ជំនួបម្តងទៀតនៅទីក្រុងអ៊ីស្តង់ប៊ុលនៃប្រទេសតួកគី ក្នុងឆ្នាំ២០២២ ប៉ុន្តែអ៊ុយក្រែននៅតែមិនព្រមព្រោះតែពួកគេជឿលោកខាងលិចដូចជាចក្រភពអង់គ្លេស បារាំង អ៊ីតាលី និងអាល្លឺម៉ង់ ជាពិសេសអតីតនាយករដ្ឋមន្ត្រីអង់គ្លេស Boris Johnson តែម្តង។
សូមជម្រាបជាថ្មី ជំនួបទ្វេភាគីដោយមានការសម្របសម្រួលពីសំណាក់ប្រទេសតួកគីកាលពីចុងសប្តាហ៍ គឺជាកិច្ចប្រជុំលើកដំបូង បន្ទាប់ពីភាគីទាំងពីរលែងនិយាយរកគ្នាជាង៣ឆ្នាំ ចាប់ពីខែមីនាឆ្នាំ២០២២មក ហើយដ្បិតគ្មានការបំបែកស្ថានការណ៍តានតឹងមែន ប៉ុន្តែជំនួបនោះបានទទួលលទ្ធផលធំមួយ គឺការដោះដូរឈ្លើយសឹកម្ខាង១ ០០០នាក់៕
អត្ថបទ៖ សុខ សុវណ្ណ
ចុចអាន៖ រុស្ស៊ីប្រើដ្រូនវាយប្រហារទ្រង់ទ្រាយធំមិនធ្លាប់មានលើអ៊ុយក្រែន មុនការហៅទូរសព្ទត្រាំ-ពូទីន
អភិបាលខេត្តពោធិ៍សាត់ ចុះត្រួតពិនិត្យបទល្មើសនេសាទក្នុងរដូវបិទ រកឃើញមានត្រីកើនឡើងជាងឆ្នាំមុន
លោក ហេង សួរ ឯកភាពជាមួយ CDRI ដើម្បីសិក្សាស្រាវជ្រាវពីវឌ្ឍនភាពតម្រូវការជំនាញនៅលើទីផ្សារ
អាវុធហត្ថខេត្តតាកែវ បង្ក្រាបជនសង្ស័យគ្រឿងញៀន៥នាក់បញ្ជូនទៅតុលាការ
ក្រសួងការងារ សហការជាមួយ ILO-BFC ពង្រឹងសមត្ថភាពមន្ត្រីផ្សះផ្សាវិវាទការងារ
សមាគមសិល្បករខ្មែរ នឹងនាំយកថវិកាពីសប្បុរសជនជូនកងទ័ពឆាប់ៗ ខណៈ «មូលនិធិទ្រទ្រង់កងទ័ពការពារព្រំដែនជាតិ» ដំណាក់កាលទី១ ទើបបិទបញ្ចប់
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
លោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
Breaking News៖ អគ្គិភ័យកំពុងឆេះរោងចក្រផលិតអំពូលនៅផ្លូវជាតិលេខ៣ ខេត្តកំពង់ស្ពឺ
រកឃើញសពម្ចាស់ទូកដ ២ នាក់ ប្ដីប្រពន្ធ បាត់ខ្លួនក្នុងហេតុការណ៍លិចទូក ម្សិលមិញ
បង្ហាញខ្លួនលើកនេះ ភរិយា និងកូនស្រីលោក គីម ស្ពាយកាបូប ពាក់នាឡិកាខ្ទង់ម៉ឺនដុល្លារ
-
ព័ត៌មានអន្ដរជាតិ៣ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១៥ ម៉ោង agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម១ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៥ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៥ ថ្ងៃ agoក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ agoPTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ