ព័ត៌មានអន្ដរជាតិ
លោក ត្រាំ ប្រាប់អ៊ីស្រាអែលកុំទាន់វាយអ៊ីរ៉ង់ ព្រោះកិច្ចព្រមព្រៀងជិតសម្រេចហើយ
លោក ដូណាល់ ត្រាំ បានបញ្ជាក់ថា លោកបានណែនាំនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ មិនឲ្យបើកការវាយប្រហារយោធាលើប្រទេសអ៊ីរ៉ង់ទេ ដោយលើកឡើងថា ការចរចានុយក្លេអ៊ែរជិតឈានដល់ការព្រមព្រៀងគ្នាហើយ។
ថ្លែងទៅកាន់អ្នកសារព័ត៌មាននៅក្នុងការិយាល័យពងក្រពើកាលពីថ្ងៃទី២៨ខែឧសភា ប្រធានាធិបតីអាមេរិក បាននិយាយថា «ខ្ញុំសូមនិយាយដោយស្មោះត្រង់។ ខ្ញុំបានប្រាប់ [ណេតាន់យ៉ាហ៊ូ] ថា នេះពិតជាមិនសមរម្យណាស់ក្នុងការធ្វើវានៅពេលនេះ ព្រោះយើងជិតរកដំណោះស្រាយហើយ»។ លោក ត្រាំ បានបន្ថែមថា កិច្ចព្រមព្រៀងដែលនឹងសម្រេចបាន នឹង«ជួយសង្គ្រោះជីវិតមនុស្សបានយ៉ាងច្រើន»។
លោក ត្រាំ បានសង្កត់ធ្ងន់លើសារៈសំខាន់នៃការទូត ដោយកត់សម្គាល់ថា ការពិភាក្សានាពេលបច្ចុប្បន្នជាមួយអ៊ីរ៉ង់កំពុងទទួលបានលទ្ធផល។ លោកបានសម្តែងសុទិដ្ឋិនិយមអំពីការឈានដល់កិច្ចព្រមព្រៀងថ្មីមួយក្នុងរយៈពេលប៉ុន្មានសប្តាហ៍ខាងមុខ ដែលមានបំណងរារាំងអ៊ីរ៉ង់ពីការអភិវឌ្ឍអាវុធនុយក្លេអ៊ែរ។ កិច្ចព្រមព្រៀងដែលបានស្នើឡើងរួមមានការត្រួតពិនិត្យយ៉ាងម៉ត់ចត់ និងយន្តការអនុវត្ត ដើម្បីធានាបាននូវការអនុលោមតាមច្បាប់។
មន្ត្រីអ៊ីស្រាអែលមិនបានឆ្លើយតបជាសាធារណៈចំពោះការលើកឡើងរបស់លោក ត្រាំ នោះទេ។ ទោះបីជាយ៉ាងណាក៏ដោយ របាយការណ៍ពី New York Times បានបង្ហាញថា លោក ណេតាន់យ៉ាហ៊ូ កំពុងពិចារណាលើការវាយប្រហារដោយឯកឯងលើទីតាំងនុយក្លេអ៊ែររបស់អ៊ីរ៉ង់ទោះពុំមានការគាំទ្រពីអាមេរិកក៏ដោយ ដែលនេះជាទង្វើមួយអាចបង្កគ្រោះថ្នាក់ដល់កិច្ចខិតខំប្រឹងប្រែងការទូតដែលកំពុងបន្ត។
សូមជម្រាបថា អ៊ីរ៉ង់ ធ្លាប់ចេញការព្រមានយ៉ាងម៉ឺងម៉ាត់ចំពោះអ៊ីស្រាអែល និងអាមេរិក ដោយអះអាងថា ទីក្រុងតេហេរ៉ង់នឹងចាត់«វិធានការពិសេស» បើមានការវាយប្រហារយោធាណាមួយលើទីតាំងនុយក្លេអ៊ែររបស់ខ្លួន ហើយការឆ្លើយតបនោះនឹងអាចបង្កជាសង្គ្រាមដ៏ធំនៅក្នុងតំបន់។
អ៊ីរ៉ង់បានសម្តែងការខកចិត្តចំពោះអ្វីដែលខ្លួនយល់ថាជាការទាមទារហួសហេតុពីអាមេរិក ជាពិសេសទាក់ទងនឹងការបញ្ឈប់សកម្មភាពចម្រាញ់សារធាតុអ៊ុយរ៉ាញ៉ូមទាំងស្រុងរបស់ទីក្រុងតេហេរ៉ង់។ បច្ចុប្បន្ននេះ អ៊ីរ៉ង់កំពុងបង្កើនសារធាតុអ៊ុយរ៉ាញ៉ូមដល់ទៅកម្រិតភាពសុទ្ធ ៦០% ខិតជិតដល់កម្រិត ៩០% ដែលអាចផលិតអាវុធប្រល័យលោកបាន។ ទោះជាបែបនេះក្ដី អ៊ីរ៉ង់នៅតែអះអាងដដែលៗថា កម្មវិធីនុយក្លេអ៊ែររបស់ខ្លួនគឺសម្រាប់តែគោលបំណងស៊ីវិលប៉ុណ្ណោះ ហើយចាត់ទុកសិទ្ធិរបស់ខ្លួនក្នុងការចម្រាញ់សារធាតុអ៊ុយរ៉ាញ៉ូមថាជារឿងដែលមិនអាចចរចាបានជាដាច់ខាត៕
ដោយ៖ ឈាង
លោក ត្រាំ ប្រាប់អ៊ីស្រាអែលកុំទាន់វាយអ៊ីរ៉ង់ ព្រោះកិច្ចព្រមព្រៀងជិតសម្រេចហើយ
តុលាការអាមេរិកបិទផ្លូវដាក់ពន្ធរបស់ ត្រាំ ដោយថា លោកធ្វើហួសអំណាចរបស់ខ្លួន
ជាថ្មីម្តងទៀត សម្តេចតេជោ អំពាវនាវឱ្យភាគីកម្ពុជា-ថៃ ស្វែងរករូបមន្តនៃការដោះស្រាយដោយសន្តិវិធី
អាកាសធាតុអំណោយផល កសិករក្នុងខេត្តសៀមរាប ចាប់ផ្តើមភ្ជួររាស់ដីបង្កបង្កើនផលស្រូវវស្សាលឿនជាងឆ្នាំមុន
វិបត្តិមនុស្សធម៌កាន់តែអាក្រក់នៅហ្គាហ្សា ខណៈប្រជាជនបន្តស្លាប់ដោយការបាញ់ផ្លោងនិងអត់អាហារ
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ៖ ខ្ញុំមិនអស់ចិត្តថាហេតុអីទាហានយើងស្លាប់នៅកន្លែងហ្នឹង
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
អ៊ីស្រាអែល បន្តទម្លាក់គ្រាប់បែកនៅហ្គាហ្សា លើកនេះចំផ្ទះអ្នកកាសែត ស្លាប់មនុស្ស៨នាក់
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានជាតិ១៦ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច