ព័ត៌មានអន្ដរជាតិ

ផ្ទុះគ្រាប់នៅមូលដ្ឋានទ័ពអាមេរិកក្នុងប្រទេសជប៉ុន បង្កឱ្យយោធា៤នាក់របួស

បានផុស

១៧ វិនាទី មុន

នៅ

ថ្ងៃចន្ទ ៩ មិថុនា ២០២៥

ដោយ

យោងតាមការចេញផ្សាយរបស់សារព័ត៌មាន CNA នៅថ្ងៃទី០៩ ខែមិថុនា សមាជិក៤នាក់នៃកងកម្លាំងស្វ័យការពារជប៉ុន (SDF) បានរងរបួសនៅក្នុងការផ្ទុះមួយនៅឯកន្លែងផ្ទុកអាវុធយុទ្ធភណ្ឌមិនទាន់ផ្ទុះក្នុងមូលដ្ឋានទ័ពអាកាស Kadena ជាមូលដ្ឋានហ្វឹកហាត់យោធាដ៏សំខាន់របស់សហរដ្ឋអាមេរិកនៅកោះ Okinawa ប្រទេសជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមមន្ត្រីនាយកដ្ឋានពន្លត់អគ្គិភ័យ លោក Akira Kamiunten ការផ្ទុះបានកើតឡើង ខណៈពេលដែលកងកម្លាំង SDF កំពុងសម្អាតច្រែះចេញពីវត្ថុដែលមិនស្គាល់អត្តសញ្ញាណ ដើម្បីវាយតម្លៃថាតើ វាជាគ្រាប់បែកដែរឬទេ។ កងកម្លាំងទាំង៤នាក់នោះ ត្រូវបានបញ្ជូនទៅមន្ទីរពេទ្យ ទោះបីជារបួសរបស់ពួកគេមិនគំរាមកំហែងដល់អាយុជីវិតក៏ដោយ។

ឧបទ្ទវហេតុនេះគូសបញ្ជាក់អំពីបញ្ហាប្រឈមសុវត្ថិភាពដែលកំពុងបន្តទាក់ទងនឹងសំណល់ពីសង្គ្រាមលោកលើកទី២នៅOkinawa ជាកន្លែងដែលសំណល់នៃគ្រាប់បែកសម័យសង្គ្រាមនៅតែបន្តរកឃើញ។ កោះ Okinawa ដែលជាអតីតសមរភូមិដែលជាងមួយភាគបួននៃចំនួនប្រជាជនស៊ីវិលបានបាត់បង់ជីវិតក្នុងឆ្នាំ ១៩៤៥ នៅតែជាមជ្ឈមណ្ឌលយុទ្ធសាស្ត្រសម្រាប់យោធាសហរដ្ឋអាមេរិក។

ទោះបីជា ការកាន់កាប់របស់សហរដ្ឋអាមេរិកបានបញ្ចប់នៅឆ្នាំ ១៩៧២ ក៏ដោយ ក៏តំបន់នេះនៅតែជាទីតាំងប្រហែល ៧០% នៃមូលដ្ឋានយោធាអាមេរិក នៅក្នុងប្រទេសជប៉ុន និងជាងពាក់កណ្តាលនៃទាហានអាមេរិកចំនួន ៥០០០០ នាក់ដែលឈរជើងនៅក្នុងប្រទេសជប៉ុន៕