ព័ត៌មានអន្ដរជាតិ
WHO ថា ប្រភពដើមជំងឺកូវីដទំនងកើតក្នុងកសិដ្ឋានចិញ្ចឹមសត្វនៅអាស៊ីអាគ្នេយ៍ មិនមែននៅចិនឡើយ
យោងតាមរបាយការណ៍របស់អង្គការសុខភាពពិភពលោក (WHO) កាលពីថ្ងៃអង្គារស្តីពីដើមកំណើតនៃជំងឺកូវីដ ១៩ បានឲ្យដឹងថា កសិដ្ឋានចិញ្ចឹមសត្វព្រៃនៅតំបន់អាស៊ីអាគ្នេយ៍ទំនងជាប្រភពដើមនៃការរាតត្បាតវីរុសកូរ៉ូណាមិនមែនកើតឡើងក្នុងទីផ្សារទីក្រុងអ៊ូហាន ប្រទេសចិន ដូចដែលបានគិតពីដំបូងឡើយ ។
របាយការណ៍បានបង្ហាញថា ទីផ្សារលក់ដុំអាហារសមុទ្រ Huanan នៅទីក្រុងអ៊ូហាន មិនមែនជាប្រភពដើមនៃការផ្ទុះជំងឺនេះនោះទេ ។
របាយការណ៍របស់ WHO ក៏បាននិយាយដែរថា ការលេចធ្លាយចេញពីមន្ទីរពិសោធន៍ក្រុងអ៊ូហាន ត្រូវបានគេចាត់ទុកថាជាផ្លូវដែលមិនទំនងកើតឡើង ខណៈទ្រឹស្តីពីប្រភពដើមនៃវីរុសកូរ៉ូណាបានលើកឡើងពីការលេចធ្លាយចេញពីវិទ្យាស្ថានពិសោធន៍ក្រុងអ៊ូហាន ។
របាយការណ៍បញ្ជាក់ថា “មិនមានកំណត់ត្រានៃវីរុស ឬហ្សែនដែលទាក់ទងយ៉ាងជិតស្និទ្ធជាមួយវីរុស SARS-CoV-2 នៅក្នុងមន្ទីរពិសោធន៍ណាមួយមុនខែធ្នូ ឆ្នាំ ២០១៩ ឡើយ” ។
របាយការណ៍ដែលមាន ១២៤ ទំព័របានកត់សម្គាល់ថា សត្វនៅក្នុងកសិដ្ឋានចិញ្ចឹមសត្វនៅអាស៊ីអាគ្នេយ៍អាច “ជាប់ទាក់ទងនឹងករណីឆ្លងដល់មនុស្សជាលើកដំបូង” ដោយបន្ថែមថាវាក៏ត្រូវការពេលសិក្សាបន្ថែមទៀតផងដែរ ខណៈពេលនេះមិនមានភ័ស្តុតាងណាមួយបង្ហាញថា វីរុសនេះកំពុងតែរីករាលដាលលឿនជាងចុងឆ្នាំ ២០១៩ ដែរ ។
ក្រុមអ្នកស៊ើបអង្កេតរបស់ WHO បាននិយាយថា ប្រភពដើមដែលទំនងបំផុតគឺទីតាំងចិញ្ចឹមសត្វដែលស្ថិតនៅថ្នាក់កណ្ដាល ហើយអាចជាសត្វព្រៃត្រូវបានគេចាប់យកមកចិញ្ចឹមនៅលើកសិដ្ឋានមួយកន្លែង ។ ការស៊ើបអង្កេតមិនបានរកឃើញអ្វីដែលសត្វដទៃទៀតត្រូវបានឆ្លងពីសត្វប្រចៀវឡើយ បន្ទាប់ពីសត្វមួយនេះត្រូវបានគេចាត់ទុកថាជាប្រភពដែលទំនងបំផុតនៃករណីឆ្លងដំបូង ខណៈដែលក្រោយមកគេជឿថាសត្វប្រជៀវបានចម្លងវីរុសទៅមនុស្ស ។
លោក Peter Daszak អ្នកជំនាញខាងបរិស្ថានវិទ្យានៃជំងឺឆ្លង និងជាផ្នែកមួយនៃក្រុមស៊ើបអង្កេតដែលបានធ្វើការស្រាវជ្រាវនៅក្នុងប្រទេសចិនបានប្រាប់ NPR កាលពីសប្តាហ៍មុនថា កសិដ្ឋានសត្វព្រៃខាងលើបានផ្គត់ផ្គង់ដល់អ្នកលក់នៅផ្សារក្រុងអ៊ូហាន ដែលត្រូវបានគេជឿថាជាចំណុចចាប់ផ្តើមដំបូងនៃរោគរាតត្បាត ។
លោក Daszak បាននិយាយថា កសិដ្ឋានទាំងនេះកំពុងផ្គត់ផ្គង់ដល់អ្នកលក់នៅផ្សារលក់ដុំអាហារសមុទ្រ Huanan នៅទីក្រុងអ៊ូហាន ហើយក្រោយមកផ្សារនោះត្រូវបានបិទនៅថ្ងៃទី ៣១ ខែធ្នូ ឆ្នាំ ២០១៩ ខណៈក្រោយមកប្រទេសចិនបានបិទកសិដ្ឋានចិញ្ចឹមសត្វក្នុងខែកុម្ភៈ ឆ្នាំ ២០២០ ។
លោក Daszak បញ្ជាក់ថា ជំហានបន្ទាប់គឺត្រូវកំណត់ថាតើសត្វអ្វី ឬប្រភេទមួយណាដែលផ្ទុកវីរុសនេះនៅកសិដ្ឋានសត្វព្រៃនៅតំបន់អាស៊ីអាគ្នេយ៍ ៕
ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ មេ WHO ឲ្យប្រទេសអ្នកមានទទួលខុសត្រូវផ្ទាល់ចំពោះការស្លាប់ដោយសារកូវីដនៅប្រទេសផ្សេងទៀត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង