​ផែថងថាន បង្ហាញ​មុខ​នៅ​វិមាន​រដ្ឋាភិបាល ក្រោម​សម្ពាធ​ទាមទារ​ឲ្យចុះ​ចេញពីអំណាច​​

នាយករដ្ឋមន្ត្រីថៃ ផែថងថាន ស៊ីណាវ៉ាត្រ (Paetongtarn Shinawatra)​ បង្ហាញខ្លួន​នៅ​​​វិមានរដ្ឋាភិបាល​​នៅព្រឹកថ្ងៃ​ព្រហស្បតិ៍​នេះ ខណៈ​កម្លាំង​សមត្ថកិច្ច​ប្រដាប់​ដោយ​ខែល​ការពារ​​ ត្រូវ​បាន​ដាក់​ពង្រាយ​​ដើម្បីទប់ស្កាត់​ការតវ៉ា​ បន្ទាប់​ពី​​ជួប​សម្ពាធ​ផ្នែកនយោបាយ​។

តាមសេចក្តីរាយការណ៍​របស់​​បណ្តា​​ញសង្គម​ហ្វេសប៊ុក​របស់​​សារព័ត៌មានថៃ Khaosod ​លោកស្រី នាយករដ្ឋមន្ត្រី បានមកដល់វិមានរដ្ឋាភិបាលនៅព្រឹកថ្ងៃព្រហស្បតិ៍ ទី១៩​ខែមិថុនា ចំពេលមានប៉ូលិសច្រើនត្រូវ​​​បាន​ដាក់​ពង្រាយ​​​ជុំវិញ​អគារនោះ។

សារ​ព័ត៌មានថៃ បាន​អះអាង​ថា ​មិនត្រឹមតែ​នៅ​ជុំវិញ​វិមានរដ្ឋាភិបាល​នោះទេ ក្រុមមន្ត្រីបានដាក់រនាំ​ង​ការ​ពារ​​បាតុកម្ម​ នៅស្ពាន Chomaimaruched ជាកន្លែងដែលក្រុមអ្នកតវ៉ាមកពីបណ្តាញនិស្សិត-ប្រជាជនដើម្បីកំណែទម្រង់ថៃ បានប្រមូលផ្តុំគ្នាដើម្បីអំពាវនាវឱ្យនាយករដ្ឋមន្រ្តីលាលែងពីតំណែង៕​