ព័ត៌មានអន្ដរជាតិ
រុស្ស៊ី ថា អាមេរិក វាយអ៊ីរ៉ង់ ដោយប្រើលេសដូចកាលវាយអ៊ីរ៉ាក់ អ៊ីចឹង
នៅក្នុងកិច្ចប្រជុំបន្ទាន់របស់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃអាទិត្យ ប្រទេសរុស្ស៊ី បានថ្កោលទោសអាមេរិកខ្លាំងៗជុំវិញការវាយប្រហារលើរោងចក្រនុយក្លេអ៊ែរអ៊ីរ៉ង់ ដោយនិយាយថា ទីក្រុងវ៉ាស៊ីនតោនប្រើលេសចោទប្រកាន់អ៊ីរ៉ង់ ដូចកាលវាយអ៊ីរ៉ាក់ក្នុងឆ្នាំ២០០៣អ៊ីចឹងដែរ។
ឯកអគ្គរដ្ឋទូតរុស្ស៊ីលោក Vassily Nebenzia បានទាញការប្រៀបធៀបទៅមុនពេលផ្ទុះសង្រ្គាមអ៊ីរ៉ាក់ឆ្នាំ២០០៣ នៅពេលរដ្ឋមន្ត្រីការបរទេសអាមេរិក Colin Powell បានប្រតិដ្ឋព័ស្តុតាង ដើម្បីលាងខ្លួនឯងថាស្អាតស្អំសម្រាប់ការលុកលុយរដ្ឋអធិបតេយ្យភាពមួយផ្សេងទៀត ធ្វើឲ្យប្រជាជនធ្លាក់ចូលទៅក្នុងភាពចលាចលអស់រាប់ទសវត្សរ៍ ទាំងមិនបានរកឃើញអាវុធប្រល័យលោកណាមួយសោះ។
លោកនិយាយថា៖ «សព្វថ្ងៃ មនុស្សជាច្រើនមានអារម្មណ៍ថា ស្ថានភាពបច្ចុប្បន្នក៏មិនខុសគ្នាដែរ។ យើងត្រូវគេបង្ខំឲ្យជឿលើរឿងនិទានម្តងទៀត រួចនាំមកនូវទុក្ខវេទនាដល់មនុស្សរាប់លាននាក់ដែលរស់នៅក្នុងតំបន់មជ្ឈិមបូព៌ា»។
រុស្ស៊ីប្រកែកថា គ្មានអ្វីសំអាងថា ទីក្រុងតេហេរ៉ង់កំពុងបន្តការអភិវឌ្ឍអាវុធនុយក្លេអ៊ែរនោះទេ គ្រាន់តែទីក្រុងវ៉ាស៊ីនតោន ប្រតិដ្ឋរឿងនិទានដើម្បីបង្ហាញអំពីភាពត្រឹមត្រូវនៃការប្រើប្រាស់កម្លាំង និងធ្វើឲ្យខូចក្របខណ្ឌការទូតមានអាយុកាលរាប់ទសវត្សរ៍ដែលខំកសាងឡើងជុំវិញកម្មវិធីនុយក្លេអ៊ែរសន្តិភាពរបស់អ៊ីរ៉ង់ប៉ុណ្ណោះ។
សូមជម្រាបថា សង្រ្គាមអ៊ីរ៉ាក់ឆ្នាំ២០០៣ ដែលត្រូវបានគេស្គាល់ថាជា «សង្រ្គាមឈូងសមុទ្រលើកទីពីរ» ឬ «ការលុកលុយអ៊ីរ៉ាក់» គឺជាជម្លោះយោធាដ៏ធំមួយដែលចាប់ផ្តើមនៅថ្ងៃទី២០ខែមីនាឆ្នាំ២០០៣ ដឹកនាំដោយសហរដ្ឋអាមេរិកក្រោមការដឹកនាំរបស់លោក George W. Bush និងសម្ព័ន្ធមិត្ត រួមមានចក្រភពអង់គ្លេស អូស្ត្រាលី និងប៉ូឡូញជាដើម។
សង្គ្រាមនេះបានចាប់ផ្តើមដើម្បីផ្ដួលរំលំប្រធានាធិបតីអ៊ីរ៉ាក់ សាដាម ហ៊ូសេន និងកម្ទេចនូវអ្វីដែលអាមេរិកអះអាងថាជាអាវុធប្រល័យលោក យ៉ាងណា ក្រោយចប់សង្គ្រាមអាមេរិកមិនបានរកឃើញអាវុធប្រល័យលោកអ្វីទេ។
សង្គ្រាមនោះបានផ្តាច់ជីវិតជនស៊ីវិលអ៊ីរ៉ាក់រាប់សែននាក់ និងទាហានអាមេរិកជាង ៤ ៥០០នាក់ ហើយធ្វើឲ្យប្រទេសអ៊ីរ៉ាក់ ធ្លាក់ចូលទៅក្នុងជម្លោះនិកាយ ដោយអំពើហិង្សារវាងក្រុមនិកាយស៊ុននី និងសៀ បានកើនឡើងខ្លាំង៕
អត្ថបទ៖ សុខ សុវណ្ណ
ចុចអាន៖ ចិន៖ កុំឲ្យជម្លោះអ៊ីស្រាអែល-អ៊ីរ៉ង់ រាលដាលប៉ះពាល់ផ្លូវពាណិជ្ជកម្មសមុទ្រ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៤ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន