ព័ត៌មានអន្ដរជាតិ

រដ្ឋមន្ត្រីការពារជាតិថៃថា មេដឹកនាំយោធាថៃ មិនពិចារណាធ្វើរដ្ឋប្រហារទេ

បានផុស

១០ ខែ មុន

នៅ

ថ្ងៃចន្ទ ៣០ មិថុនា ២០២៥

ដោយ

ខណៈពេលមានការលើកឡើងជាចំហរបស់មេដឹកនាំបាតុករកាលពីថ្ងៃសៅរ៍ ដែលហាក់បង្ហាញជំហរឲ្យមានរដ្ឋប្រហារយោធាទម្លាក់រដ្ឋាភិបាលរបស់លោកស្រី ផែថងថាន ស៊ីណាវ៉ាត្រ ដែលប្រឈមការធ្លាក់ប្រជាប្រិយភាពយ៉ាងខ្លាំងនោះ រដ្ឋមន្ត្រីការពារជាតិថៃ បានច្រានចោលពីការប៉ុនប៉ងធ្វើរដ្ឋប្រហារដោយក្រុមយោធា តាមរយៈការអុជពីមេដឹកនាំក្រុមបាតុករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ លោក Phumtham Wechayachai ដែលស្ថិតនៅក្នុងបញ្ជីនៃការរុះរើគណៈរដ្ឋមន្ត្រី ដោយឲ្យលោកទៅកាន់តំណែងរដ្ឋមន្ត្រីក្រសួងមហាផ្ទៃវិញ បាននិយាយនៅថ្ងៃចន្ទ ដោយធានាថា ការធ្វើរដ្ឋប្រហារមិនត្រូវបានពិចារណាដោយថ្នាក់ដឹកនាំយោធានោះទេ។

តាមការចេញផ្សាយរបស់សារព័ត៌មានថៃ Khaosod រដ្ឋមន្ត្រីការពារជាតិរូបនេះ បានក្រើនរំឭកខ្លាំងៗដល់ក្រុមបាតុករប្រឆាំងនឹងការប្រើប្រាស់វិធីសាស្រ្តបែបប្រពៃណីដោយការអំពាវនាវឱ្យមានការចូលកាន់កាប់យោធា ដោយយកលទ្ធផលនៃការស្ទង់មតិចុងក្រោយជាផែ្នកសំខាន់ ដែលបង្ហាញពីការធ្លាក់ចុះយ៉ាងខ្លាំងនៃការវាយតម្លៃលើការគាំទ្រនាយករដ្ឋមន្ត្រី ផែថងថាន ស៊ីណាវ៉ាត្រ។

ក្នុងអំឡុងពេលប្រមូលផ្តុំការតវ៉ាកាលពីថ្ងៃសៅរ៍ទី២៨ខែមិថុនា មេដឹកនាំក្រុមតវ៉ាប្រឆាំងរដ្ឋាភិបាល លោក Sondhi Limthongkul បានលើកឡើងថា លោកមិនគាំទ្ររដ្ឋប្រហារទេ ប៉ុន្តែបើសិនមានរដ្ឋប្រហារ សូមកុំឲ្យឧត្តមសេនីយ៍ទាំងនោះ ទៅគ្រប់គ្រង សូមឲ្យអ្នកដូចពួកយើង នៅក្នុងរដ្ឋាភិបាល។ យោងព័ត៌មាន Khaosod កាលពីពេលនោះ៕

រ៉ាន់ រើយ